නව පාප්තුමෙක් තෝරා ගන්නා සිස්ටයින් දේවස්තානය

   මේ දිනවල නිරන්තරයෙන් ඇසෙන නමක් තමා සිස්ටයින් දෙව් මැදුර. ඉදිරි දිනවල ලෝකෙන් හුදකලා වෙන ස්ථානයක් තමා මේ දෙව්මැදුර..ඒ කාදිනල්වරු රැස්වී දොරගුළුලාගෙන නව පාප්තුමෙක් තෝරන ජන්දය පැවැත්වෙන ස්ථානය වන නිසා..

    සිස්ටයින් දෙව්මැදුර ඇත්තටම ලෝකෙ අග්‍රගණ්‍ය කලා ගාරයක් ඒ මයිකල් ඈන්ජලෝ,රපායෙල්,බොතිචෙල්ලි වැනි ලොව පහලවුනු අග්‍රගණ්‍ය චිත්‍ර ශීල්පීන් විසින් සිතුවම් කල ලොව අග්‍රගණ්‍ය මිළ කරන්න බැරි චිත්‍ර වලින් පිරී තිබෙනවා..

    ක්‍රි.ව.1477 දී වතිකානයේ තිබූ පැරණි දේවස්තානයක් වන කපෙල්ලා මැග්නා නම් දේවස්තාන පාදම මත මේ සිස්ටයින් දෙව්මැදුර ගොඩනැගීම ආරම්භ කර තිබෙනවා.ඒ 4 සික්ස්ටස් පාප්තුමා විසින් ඒ නිසා තමා මෙයට සිස්ටයින් නම ඇවිත් තිබෙන්නෙ.

දේවස්ථානයේ පැති බිත්තිවල බිතු සිතුවම් වසර 1481 සිට 1483 කාලය අතරතුර දී පින්තාරු කර තිබෙනවා. උතුරු බිත්තියේ ක්‍රිස්තුස් වහන්සේගේ ජීවිතයේ සිදුවීම් නිරූපණය කරන බිතු සිතුවම් හයක් පේරුග්‍රීනෝ, පින්තුරිචියෝ, සැන්ඩ්‍රෝ බොතිචෙල්ලි, දොමිනිකෝ ග්‍රිලාන්ඩියො සහ කොසිමෝ රොසෙල්ලි විසින් පින්තාරු කර තිබෙනවා. දකුණු බිත්තියේ පෙරුග්‍රීනෝ, පින්තුරිචියෝ, බොතිචෙල්ලි, දොමේනිකෝ සහ බෙනදෙත්තො ග්‍රිලාන්ඩියෝ, රොසෙල්ලි, ලූකා සිග්නෝරෙලි සහ බාර්තලමෙයෝ ඩෙලා ගත්තා විසින් මෝසෙස්ගේ ජීවිතයේ සිදුවීම් නිරූපණය කරන තවත් බිතු සිතුවම් හයකින් යුක්ත වෙනවා. මෙම කලා කෘතිවලට ඉහළින්, ජනේල අතර කුඩා බිතු සිතුවම් විවිධ පාප්වරුන් නිරූපණය කෙරෙනවා. විශාල චාරිත්‍රානුකූල අවස්ථාවන් සඳහා පැති බිත්තිවල පහළම කොටස් සුවිශේෂ සිදුවීම්වලින් හා අපෝස්තුළුවරුන්ගේ ක්‍රියාවලින් නිරූපණය වන පටි මාලාවකින් ආවරණය වී තිබෙනවා. මේවා රෆායෙල් විසින් 1515-1519 කාලයේ දී නිර්මාණය කර තිබෙනවා. 1512 2 ජූලියස් පාප්තුමාගේ කාලෙ තමා මෙහි වැඩ ඉවර වෙන්නෙ එම වසරෙ නොවැම්බර් 1 සියළු සාන්තුවරුන්ගේ දිනයෙ දේවස්තානය විවෘත කරනවා..

   මෙම දේවස්ථානය ඉදිකරන්න ක්‍රි.ව 70 ජෙරුසෙලමේ විනාශ වුනු සලමොන් රජතුමාගෙ දේව මාළිගාවෙ අමු ද්‍රව්‍ය යොදගෙන තිබෙන බව සදහන් කර තිබෙනවා.

    1503 දී 2 ජුලියස්, සිස්ටයින් දේවස්ථානයේ සැරසිලි කිහිපයක් වෙනස් කිරීමට තීරණය කරනවා. ඔහු ඒ සඳහා සුප්‍රකට චිත්‍ර ශිල්පී මයිකල් ඇන්ජලෝට ආරාධනා කරනවා. නමුත් ඔහු මූර්ති ශිල්පියෙකු මිස චිත්‍ර ශිල්පියෙකු ලෙස නොසැලකූ නිසාත්, රජුගේ සොහොන කැටයම් කිරීමට ඔහු වෙහෙස මහන්සි වූ නිසාත්, මයිකල් ඇන්ජලෝ හට විවිධ බාධා එල්ල වෙන්නට ගන්නවා. කෙසේ නමුත්, ජුලියස් පාප්තුමාගේ දැඩි ඉල්ලීම මත මයිකල් ඇන්ජලෝ 1508 දී ඔහුගේ මෙම සුප්‍රසිද්ධ බිතු සිතුවම් සිවිලිමෙහි වැඩ ආරම්භ කරනවා. ඔහු වසර හතරක් චිත්‍ර ඇඳීමෙහි නියැලෙන අතර, එකී සිතුවම්කරණය අවසානයේ දී ඔහුගේ ඇස් පෙනීම ද දුර්වල වූ බව සඳහන් වෙනවා.

    අවුරුදු 20කට පසුව නැවත 8 ක්ලෙමන්ට් පාප් වහන්සේ පූජාසනය පිටුපස යෝධ බිතු සිතුවම වූ “අන්තිම විනිශ්චය” පින්තාරු කිරීමට මයිකල් ඇන්ජලෝ හට ඇරයුම් කෙරෙනවා. ඒ වන විට මයිකල් ඇන්ජලෝ 60 වන වියෙහි පසු වූ අතර, “අන්තිම විනිශ්චය” සිතුවම 1536 සිට 1541 දක්වා පින්තාරු කරනු ලබනවා.

මයිකල් ඇන්ජලෝගේ සිතුවම්සිවිලිම

මයිකල් ඇන්ජලෝ විසින් සිවිලිමේ ඉහළම කොටසේ, පූජාසනයේ කෙළවරේ “අන්ධකාරයෙන් ආලෝකය වෙන් කිරීම” හා අනෙක් අන්තයේ “නෝවාගේ බේබදුකම” ඇතුළු උත්පත්ති පොතේ දර්ශන 9ක් සිතුවම් මඟින් නිරූපණය කරනවා. වඩාත් ප්‍රසිද්ධ බිතු සිතුවම වන්නේ “ආදම්ගේ මැවීම” සහ “මිනිසාගේ වැටීම සහ පාරාදීසයෙන් නෙරපා හැරීම” යන්න යි. අනාගත වක්තෘවරුන්ගේ සහ මිථ්‍යා දෘෂ්ටික සිබිල්වරුන්ගේ රූප පුවරු ඒ වටා ඇති අතර, සතරකොන් අලංකාර කිරීම සඳහා සුර දූතයින්ගේ රූප යි යොදාගෙන ඇත්තේ.

අවසාන විනිශ්චය

මෙම බිතු සිතුවම මුළු මිනිස් සංහතියම විනිශ්චය කරන ක්‍රිස්තුස් වහන්සේගේ දෙවන පැමිණීම නිරූපණය කරන්නක්. එහි දී ආශීර්වාද ලත් අය දකුණු පසින් ස්වර්ගයට යන අතර, නපුරු අය වම් පසින් නිරයට යවනු ලැබෙනවා. මේ තුළ “ඒව“ සහ සාන්තුවරයන් කිහිපදෙනෙකු ඇතුළුව ප්‍රධාන බයිබලානුකුල හා කතෝලික චරිත දර්ශනය වෙනවා.

සිස්ටයින් දෙව්මැදුරේ කළු දුම සහ සුදු දුම

දේවස්ථානය කලාත්මක කෘතියකට වඩා වැඩි තීරණාත්මක ආගමික කටයුතුවලට භාවිත කෙරුණු ස්ථානයක්. 1492 සිට දේවස්ථානය නව පාප්වරයෙකු තෝරාගැනීම සඳහා කාර්දිනල් සභාව රැස් වූ ස්ථානය යි. මෙම දේවස්ථානයේ විශේෂ චිමිනියක් ඇති අතර, එය කාර්දිනල්වරුන්ගේ ඡන්ද තත්ත්වය විකාශනය කිරීමට යොදා ගත්තක්. සුදු දුමාරයෙන් පෙන්නුම් කරන්නේ නව පාප්වරයෙකු තෝරා පත් කර ඇති බව වන අතර, කළු දුමාරයෙන් පෙන්නුම් කරන්නේ කිසිදු අපේක්ෂකයෙකුට තුනෙන් දෙකක බහුතරයක් ලැබී නොමැති බව යි. ලබන 7 වෙනිදා සිට මේ චිමිනියවෙත ඊළග පාප්තුමා පත්වෙනකන් ලොව ඇස් යොමාගෙන ඉදීවි..

ලවාස්සා කෝපිවල කතාව

ලොව ජනප්‍රියම කෝපි වෙළඳ නාමයක් වන ලවාත්සා කෝපි නිර්මාණය වුනේ කොහොමද කියලා අද අපි බලමු. 

ලුවීජී ලවාත්සා දහනමවන සියවසේ අග භාගයේ ඉතාලියේ ටියුරීන් ප්‍රදේශයේ කුඩා වෙළඳසැළක් පවත්වාගෙන ගිය පුද්ගලයෙක්. ඔහු නිතරම උත්සාහ කළා ඔහුගේ නිශ්පාදන වැඩි දියුණු කරන්න. 

1895 දී ලුවීජී ගේ උත්සාහයේ ප්‍රථිඵලයක් ලෙස කෝපි කලාව සම්පූර්ණයෙන්ම වෙනස් වුණා. 

එතෙක් කෝපි අලෙවිකරුවන් සහ පාරිභෝගියකයන් කෝපි අලෙවි කළේ සහ පරිභෝජනය කළේ විවිධ කෝපි ප්‍රභේද එකට මිශ්‍ර නොකර. ඒ කියන්නේ සින්ගල් ඔරිජින් (single origin) කෝපි විදියට. ලුවීජී විශ්වාස කළා විවිධ කෝපි ප්‍රභේද මිශ්‍ර කිරීමෙන් වඩා රසවත් සහ ප්‍රබල කෝපි සාදන්න පුළුවන් කියලා. 

ලුවීජීගේ කුඩා වෙළඳසැළේ පිටුපස කුඩා කාමරයක් තුල ඔහු විසින් කරන ලද අත්හදාබැලීම් විශාල ප්‍රමාණයක ප්‍රථිඵලයක් විදියටයි ලවාත්සා කෝපි නිර්මාණය වුනේ. 

1927 වන විට ලවාත්සා කෝපි මොන තරම් ජනප්‍රිය වුනාද කිවුවොත්, ලුවීජී ලවාත්සා විසින් ලවාත්සා වෙළඳ නාමය පිහිටුවනු ලැබුවා. ඒ වගේම ලවාත්සා කෝපි අලෙවි කරන්න කෝපි අවන්හලකුත් විවෘත කළා. 

ලුවීජී ලවාත්සා ගේ උත්සාහය, කැපවීම සහ නිර්මාණශීලිත්වයේ ප්‍රථිඵලයක් විදියට අද වනවිට ලවාත්සා කෝපි රටවල් 140 ක ඉතාම ජනප්‍රිය කෝපි වෙළඳ නාමයක් බවට පත්වෙලා තිබෙනවා.

-------------------------------------------------------------

ඉතාලියේ විශ්ව විද්‍යාල අයදුම් කිරීම...

                                                 

                                                     

මෙම ලිපිය අධ්‍යාපනය සඳහා ඉතාලියට පැමිණීමට සිටින සහ ලංකාවේ අධ්‍යාපනය හදාරා දැනට ඉතාලියේ සිටින ඉතාලි විශ්වවිද්‍යාල සඳහා අයදුම් කිරීමට බලාපොරොත්තු වන සියලු දෙනා සඳහා වැදගත් වන DOV (Declaration of Value) නැතිනම් Dichiarazione di valore ලබා ගන්නා ආකාරය පිළිබඳව දැනුවත් කිරීමකි. 

         ඔබ‍ට DOV එකක් ලබා ගැනීමට අවශ්‍ය නම් ප්‍රථමයෙන් ඔබගේ අධ්‍යාපන සහතික වන අ.පො.ස සාමාන්‍ය පෙළ (O/L - Ordinary Level) සහ අ.පො.ස උසස් පෙළ (A/L - Advanced Level) සහතිකපත්‍ර Forsiter ආයතන මගින් Legalisation Process එක සඳහා යොමු කල යුතුවනවා. Legalisation ක්‍රියාවලිය පිලිබඳ මෙම සමුහය තුළ ලිපි පල වී තිබෙන බැවින් ඒ පිළිබදව සදහන් නොකරමි. ඉන්පසුව ඔබගේ legalised වී පැමිණෙන සහතික පත්‍ර රැගෙන නැවත Forsiter ආයතය සඳහා යා යුතුවනවා. එහිදී ඔවුන් Application එකක් පුරවා ඔබ වෙත ලබා දෙනවා. මෙහි ඔබගේ තොරතුරු සහ ඊට අමතරව ඔබ මෙය (DOV) ඉදිරිපත් කිරීමට බලාපොරොත්තු වන විශ්වවිද්‍යාලයේ නම ද සදහන් කළ යුතුයි. මේ සඳහා යම් මුදලක් අය කරගනු ලබනවා. මෙහිදී කිව යුතු තවත් වැදගත් කරුණක් නම් ඔබට මේ ක්‍රියාවලිය සඳහා යාමට නොහැකි නම් ඒ සඳහා වෙන කෙනෙකුට ඉදිරිපත් විය හැකි. එම පුද්ගලයා සඳහා වලංගු ගමන්බලපත්‍රයක් තිබිය යුතු වන අතර ඔබගේ අනුමැතිය සහිත ලියුමක්ද අවශ්‍ය වේ. 

          Forsiter ආයතනයට ඔබගේ අනුමැතිය සහිත ලිපිය ඉදිරිපත් කිරීමට අවශ්‍යවේ. Application එක පුරවා ගත් පසුව Forsiter ආයතන මගින් කෙරෙන කාර්යන් අවසන් වේ. ඉන් පසුව ඔබ කළ යුතු වන්නේ prenot@mi (https://prenotami.esteri.it/) යන website එක හරහා ශ්‍රී ලංකාවේ පිහිටි ඉතාලි embassy එක සඳහා Appointment එකක් ලබා ගැනීමයි. මේ සඳහා ප්‍රථමයෙන් prenotami website එකේ ඔබගේ ගිණුමක් සාදා ගත යුතුයි. ඔබ වෙනුවෙන් වෙනත් අයෙකු යන්නේ නම් එම පුද්ගලයාගේ නමින් ගිණුමක් සාදා ගත යුතුයි. ගිණුමක් සාදා ගත් පසු Prenota Section එක click කර අවසාන වශයෙන් තිබෙන Consular (SERVIZI CONSOLARI) section එකේ Booking යන තැන click කර appointment එකක් ලබා ගත යුතුයි. 

         මෙහිදී සැලකිය යුතු කරුණ නම් appointment සෑම වෙලාවකම නොමැති බැවින් open වෙන වෙලාවක් බලා book කිරීමට සිදු වේ. අවසාන වශයෙන් ඔබ ලබා ගත් දිනයට එම්බසි එකට ඔබ‍ට ලැබුණු application එක රැගෙන යා යුතුයි. මෙහිදී රුපියල් 14,410.00ක මුදලක් අය කරගත් අතර මෙම මුදල ඔබගේ සහතික පත්‍ර අනුව අඩු හෝ වැඩි විය හැක. එහිදී ඔවුන් එය බාරගන්නා අතරම ඔබ‍ට එය ලබා ගැනීම සඳහා දිනයක් ඔබගේ විද්‍යුත් තැපෑලට (email) එවනු ලැබේ. බොහෝ විට මේ සඳහා ගතවනුයේ දින දෙකක වගේ කාලයකි. 

ReplyForward Add reaction

2017 වසර අවසානය සහ ඩෙංගු

කාලෙකින් බ්ලොග් එක මතක් උනා..දුකේ බෑ මේ අවුරුද්දටම එක පෝස්ට් එකයි,මම විතරක් නෙමේ, ගොඩක් බ්ලොග් නැති වෙලා. දැන් බ්ලොග් කියන එව්වත් අවසන් කාලෙ වගේ, නත්තලුත් ඉවර උනා 2017 ත් අවසන් දින දෙක.
                      මේ වසරේ දෙපාරක්ම ලංකාවට යන්න උනා, ගිය අවස්තා දෙකේම නෑදෑ කවුරු හරි ඩෙංගු ලෙඩ්ඩු වෙලා රෝහල් ගත වෙලා.එක පාරක් අවුරුදු 2 විතර අපේ පොඩි එකෙක්. ඩෙංගු හා සමානම වයිරස් උණ රෝගයක්, ඒ කාලෙම මගේ ලගම යහලුවෙකුත්. වියදම් කර ගන්න සල්ලි තිබුනත් පුද්ගලික රෝහල් වලට ලං වෙන්නවත් බැරි තරමට තදබදය,පොඩි එකාව පුද්ගලික රෝහලක ඉදලා, පොඩි එකාව පරීක්ශා කරපු,ප්‍රතිකාර කරපු ළමා රෝග පිළිබද වෛද්‍යතුමාම රජයේ රෝහලට ගෙනියන්න කීවා එයා රැකියාව කරන. මේ රෝහල පහු ගිය කාලෙ ඩෙංගු නිසා රෝගීන් අට්ටි ගහලා වගේ ඒ තරන් තදබදයක් තිබුනු රෝහලක්, අර යහලුවා උන්නෙත් මේකෙම තමා,ඇදක්වත් නැතිව, ඇත්තටම මේ රෝහලේ කාර්‍ය මණ්ඩලයට ස්තූතී කරලා මදි කන කට්ටට..
           දවසක් ඔය අපේ පොඩි එකා උන්නු වාට්ටුවෙ තරුණ වෛද්‍යතුමෙක් ළමයිව පරීක්ශා කරනවා. කැඩුනු අඩු එළියක් තියන ටෝච් එකකින් කණ පරීක්ශා කරනවා.එයාටම එපා වෙලාද කොහෙද ටෝච් එක පැත්තකින් දාලා දුරකථනයෙ ටෝච් එක ගැහුවා පස්සෙ, ලෙඩ්ඩු බලන වෙලාවක් නොවුනත් මමත් ඔය අපේ පොඩි එකාගෙ පියානෝත් ඔය වෙලේ වාට්ටුවට ගියා අපේ පොඩි එකාගෙ බඩු වගයක් අරන්, අර වෛද්‍යතුමත් අපිත් එක්ක හිනා උනාම මම නිකමට ඇහුවෙ ඩොක්ටර් ටෝච් එක කැඩිලා නේද කියලා,  එයත් හිනා වෙලා කියනවා, වාට්ටුවටම තියෙන්නෙ ඒ කැඩුනු ටෝච් එක විතරලු, ඒකත් පරිස්සම් කර ගන්නෙ හරි අමාරුවෙන්ලු වෙන වාට්ටු වලට අරන් යනවා කියලා,අපිටම දුක හිතිලා අපි ඇහුවා ටෝච් එකක් ගෙනත් දෙන්නද කියලා, අනේ පුලුවන් නම් ලොකු උදව්වක් කියලා එයා පස්සෙ අපිට ඒ අවශ්‍ය ටෝච් එක ලියලා දුන්නා,මහ ලොකු මුදලක් නොවුනු ඒක අපි ඒ වෙලේම ගෙනත් දුන්නම අපිට වාට්ටුවෙන්ම නොසෑහෙන්න ස්තූතියක් හම්බුනා.
      අර වෛද්‍යතුමා ටෝච් එකේ තිබුනු පටියෙන් බෙල්ලෙ එල්ලාගෙන සිනාවෙන්ම කීවෙ දැන් මේක පරිස්සම් කර ගන්න සෑහෙන මහන්සි වෙන්න වෙනවලු. මොකද වෙන වාට්ටුවල වෛද්‍යවරු ගෙනියන නිසා.
      දේශපාලකයො ගහන බයිලා හැටියට මේ රෝහල්වල තියන අඩුපාඩු කියලා නිම වෙන්නෙ නෑ. මේ කාලකන්නි රැල මොනා කරනවද කියලා හිතා ගන්න බෑ,
ඔය රෝහලේ ලෙඩ්ඩු අට්ටි ගහලා ඉන්නවා වගේම තට්ටු බිල්ඩිමක් පලාතෙ උන්නු දේශපාලකයගෙ ගසා කෑමක් නිසා ප්‍රයෝජනයක් ගන්න බැරි වෙලා තියනවා තාම, දැන් නොයෙක් නොයෙක් ප්‍රතිකර්ම කලත් පේන විදිහට ගොඩ ගන්න ලේසි වෙන එකක් නෑ, ඔය බිල්ඩිම දකිනකොට ඒකා මැරිලා ගිය එක ලොකු දෙයක් කියලා හිතෙනවා.
              අපේ රටෙන් මේ ඩෙංගු රෝගය නවත්තන්න විසදුමක් පේන තෙක් මානෙක නෑ වගේ, මිනිස්සුන්ටත් ඒක දැන් පුරුද්දකට ගිහින්, සාමාන්‍ය හෙම්බිරිස්සාවක් ගානට වැටිලා, දැන් ආයෙත් වැස්ස ඉවර උනාම ආයෙ පටන් අරන්,මිනිස්සුන්ගෙ උවමනාවකුත් පේන්න නෑ ගෙවල් දොරවල් පිරිසිදුව තියා ගන්න. අප ජනතාවත් උත්සහ කරන්න ඕනා මේ ලෙඩේ නවත්ත ගන්න.
         ලබන්නාවු 2018 නව වසර නිරෝගී වසරක් ප්‍රාර්ථ්නා කරමින් මම සමුගන්නවා.2018 නැවත හමුවෙමු...

ළදු අකුලෙන් දීග ගිය නෝනා

             

             උදෑසන 9.30 ට පමන මා පයිල් කවරයත් අතැතිව පිළිගැනීමේ නිළදාරිනිය කී කලු පාට කල වීදුරු කාමරය වෙත ගියෙමි. ඇතුලට එබී බලන විටම ජායා පිටපත් මැශිම අසල උන් තරුනයා මට අණ කලේ හා හා ඔතනින් වාඩි වෙන්න අපි කතා කරන්නම්.තව 3 , 4 දෙනෙකු සමගින් කලු වීදුරුව අසලින් කාමරයේ එලියේ මමද ඊළග පුටුවේ හිද ගත්තෙමි.   
     සදුදා උදෑසන නිසා කාර්‍යාලය පුරා මිනිසුන් පිරී පවතී.කාර්‍යාලය කාර්‍යබහුල වී ඇත.නොයෙක් නොයෙක් අංශ වල මිනිසුන් තමන්ගේ වාරය පැමිනෙන තෙක් හිද බලාගෙන සිටී,බොහෝ අය තමන්ගේ ස්මාර්ට් දුරකතන එළියට අරගෙන තිරය මත ඇගිළි එහා මෙහා යවමින් සිටී,කාර්‍යාල සේවකයින් පරිඝනක තිර මත මුව ඔබාගෙන සිටී. තවත් කාර්‍යාල සේවකයින් මේසය අනෙක් පස හිද සිටින සේවා බලාපොරොත්තුවෙන් සිටින මිනිසුන්ගෙන් නොයෙක් ප්‍රශ්න අසයි, ලියකියවිලි ඉල්ලයි. මාද ස්මාර්ට් දුරකතනය එළියට ගත්තද අසල සිටින වයස 60 විතර වෙන මිනිසා මගේ දුරකතනයට එබෙන නිසා මා නැවතත් දුරකතනය සාක්කුවට දමා ගතිමි. 
         අප රැදී සිටින කොටසේ දොරෙන් කෙනෙක් පිටත් වනවාත් සමග ඇතුලේ උන් තරුනයා කට හඩ අවදි කරයි, ඊලග කෙනා ඇතුලට එන්න. එම කොටස තුළ ප්‍රදාන මේසය යැයි කිව හැකි මේසය අසල වයස 40,45 පෙනුමැති පොඩ්ඩක් තරබාරු ප්‍රසන්න පෙනුමැති කාන්තාවකි.අනෙක් මේස 4 හි තවත් තරුන කාන්තාවන් 3ක් සහ එක තරුන පිරිමියෙක් හිද ගෙන සිටී. ඊට අමතරව අර ජායා පිටපත් කරන තරුනයාය.
     පැයකට පමන පසු මට පෙර සිටි මිනිසා දොර අසලය ඊළග වාරය ඔහුටය. තව කෙනෙක් එළියට පිටව ගියද මෙවර අර තරුණයාගේ ඊලග කෙනා එන්න කටහඩ ඇසුනේ නැත.ඒ වෙනුවට ඇතුලේ උන් කාන්තාවකගේ කට හඩ යම් පමනින් ඇසුනි. 
       ඒ අපට කතා කිරීම නොවේ ඔවුන්ගේ කතාවක්‍ ය. අනුන්ගේ කතා ඇසීම කැත පුරුද්දකි නමුත් මගේ කණ අර කතාවට යොමු විය. බලන්නකො මිස් ඊයෙ රෑ අපිට නින්දක් නෑ නෙ . තවත් කෙනෙක්ගෙන් ඒ මොකද කුමුදු මිස් යන හඩය , අපේ ලේන් එකම නිදි නෑ, කට්ටියම අපේ අල්ලපු ගෙදර, අර ජායා පිටපත් තරුනයාගෙ කට හඩ පිට විය, මොකද මැඩම් උනේ... පාන්දර 3ට විතර ඇති අපේ අල්ලපු ගෙදරින් කෑ ගැහිල්ලක් ආවා හොරෙක් ඇල්ලුවෝ හොරෙක් ඇල්ලුවෝ කියලා,අපිත් ඉතින් ඒ ගෙදරට දිව්වා,යනකොට අපේ ලේන් එකම එතන, පස්සෙ අපේ මහත්තයයි තව පිරිමි දෙතුන් දෙනෙකුයි ගේ ඇතුලට ගියා, පොලු එහෙම අරන්, අපි ගෑනුත් එයාලා පස්සෙ ගේ ඇතුලට ගියා, ගෙදර කෙල්ලගෙ කාමරේ ඇද යට එකෙක් යට ඇදුම පිටින්, තව කාන්තාවකගේ කට හඩ ඇසුනි ආ කුමුදු මිස් හොරු යට ඇදුම් පිටින්....කෙල්ලගෙ තාත්තා පොල්ලක් අරන් එළියට වර කිය කියා කෑ ගහනවා කෙල්ල අනේ තාත්තේ එයාට ගහන්න එපා කියලා අඩනවා, බලන්නකො අද කාලෙ හැදෙන කෙල්ලන්ගෙ හැටි, ඕකි ඉන්නෙ නම් 1000 ගනන් කරන්න බැරි ගානට පාරෙ යන්නෙ ගල් අහුලන්න වගේ බිම බලාගෙන, පන්ති යනවා කියලා රෝන්දෙ ගහනවා මගෙ ඇස් දෙකටම දැකලා තියනවා මම ඉතින් මහ උන්දැට ඔව්වා කීවෙ නෑ, කීවා නම් උන්දෑ කියන්නෙ අපේ දුව එහෙම නෑ හරි හැදිච්ච දරුවා, ඔය හැදිලා තියෙන්නෙ එකෙක් ගේ ඇතුලට දාගෙන ගෙදර තව මිනිස්සු ඉන්නවා කියලා බලන්නෙත් නැතුව. ලස්සනට තියෙන්න ඇති නේ මිස් නොමිලේ පිචර් එකක්... අනෙක් තරුන පිරිමි කට හඩින් මට ඇසුනි.
       මා අසල උන් මිනිසා දෙස බලන කොට ඔහුද මේ ඇතුලේ කතාවට කන් දීගෙන සිටින බව මට දැනුනි. ඉතින් මිස් ඊළගට මොකද උනේ, අපේ මහත්තයලා එකතු වෙලා අර කොල්ලව එලියට ගත්තා, බලන්නකො මූ එළියට ආවා මකුණු දැල් දූවිළි නාගෙන, ඌ අඩනවා අනේ ගහන්න එපා මම හොරෙක් නෙමේ කිය කියා, අපේ අල්ලපු ගෙදර අම්මණ්ඩි කෙල්ලව බෙල්ලෙන් අල්ලන් මරන්න හදනවා තෝ අපේ පවුලේ දැළි ගෑවා කිය කියා, මහ මිනිහයි කොල්ලයි අරූට ගහන්න හදනවා, අපේ මහත්තයලා 119 කතා කළා පොලිසියට බාර දෙන්න අරූට ගහන්න නොදී .. 
     බලන්නකො මිස් අද කාලෙ මුන් හැදෙන හැටි අපේ කාලෙ නම් අපිට කොල්ලෙක් තියා අපේ අම්මලා අපිට ගෙදරින් එළියට යන්න දුන්නෙ නෑ, අනෙක් කටහඩවල් ඇසුනද මට පැහැදිලිව ඇසුනේ මේ කතාව පමනි.         
කෙටි නිහඩතාවයත් සමග ජායා පිටපත් කොලුවාගේ කට හඩ අවදි විය ඉතින් මැඩම් පොලිසිය ආවද, ඔව් පැය බාගෙකට පස්සෙ ආවා, මහ මිනිහා පොලිසියට විස්තරේ කීවා, පස්සෙ පොලිස් කාරයෙක් අරූගෙ බෙල්ලෙන් අල්ලලා මොකටද තෝ ආවෙ කියනකොට මූ කිවුවා නෙ කෙල්ලව පෙන්නලා මෙයයි මට එන්න කිවුවෙ , මම හොරෙක් නෙමේ මෙයා එක්ක යාළු වෙලා ඉන්නෙ කියලා... මහ අම්මණ්ඩි සද්ද නෑ හොද වැඩේ අලි ඔලුවෙන් උන්නෙ ඔය ගෑණියි දුවයි. ඔය කෙල්ලව ඉතින් ඒ කොල්ලටම තමා දෙන්න වෙන්නෙ නේද කුමුදු මිස් තව ගෑණු කට හඩකින් ඇසුනි. නැතුව මමත් මහ අම්මණ්ඩිට කිවුවා ඔන්න ඔය කොල්ලා ගැන හොයලා බලලා මොකක් හරි කරලා දාන්න කියලා දැන් කෙල්ලව ගෙදර තියන් ඉදලා කාට දෙන්නද...මහ අම්මණ්ඩි සද්ද නෑ රැස් බැහැලා කියා හිනා හඩක් ඇසුනි...කොල්ලගෙ ඇදුනුත් අන්දවන් පොලිසිය අරන් ගියා ජීප් එකේ දාගෙන , උදෙන්ම අල්ලපු ගෙදර අයටත් පොලිසියට එන්න කියලා... උදේ ඒ පැත්තෙන් සද්දයක් නෑ දැන් ඉතින් මුලු ගමම දන්නවා රෑ උනු නාඩගම..කට්ටිය පොලිසියට යන්න ඇති මොනා උනාද දන්නෙ නෑ හවස ගෙදර ගියාම හොයලා බලන්න ඕනා මොකද උනේ කියලා....
        කෙටි නිහඩතාවෙකින් පසු මා අසල උන් මිනිසා මා වෙත ළං වී ඔහුගේ කට හඩ අවදි විය.... ඔය ලොකු නෝනා අපේ ගමේ ස්කෝල මහත්තයගෙ දුව, මීට අවුරුදු 20 , 25 ඉස්සල්ලා එයාව ස්කෝල මහත්තයලා හොයා ගත්තෙ ගේ පිටිපස්සෙ ළදු කැලෑවක ඉදලා කොල්ලෙක් එක්ක, පස්සෙ ඒ කොල්ලටම දීග දුන්නා හොක් හොක් හොක්..... ඊලග කෙනා එන්න.......මා අසල සිටි මිනිසා ඇතුල් වෙනකොටම ආ සෝමසිරි අයියා දැකපු කල් එන්න වාඩි වෙන්න මොකද මේ පැත්තෙ.....
           (නම්,ගම් මනංකල්පිත වේ...සීන් එක ඇත්තවේ)

සුබ ගමන් මිතුර..

ආදරණීය ප්‍රංකෝ මහත්මයා වෙත..

උබෙන් කොහොමද අහන්න මට පුලුවන් කමක් නෑ, මේ වෙනකොට උබ ඇත්තෙ ජේසු ලග, උබ වගේ නියම මහත්මයෙක් උබ විශ්වාස කරපු ආගමේ හැටියට ට්‍රාන්සිට් නැතුව ජේසු ලගටම යන්න ඇති,ගිය 7 වෙනිදා උබ මේ ලෝකෙන් අයින් වෙලා යන්න ගියා, සරල අවමගුල් උත්සවයක් එක්ක පල්ලියෙ පූජාවෙන් පස්සෙ උබට උබේ පවුලෙ සොහොනට යන්න නම් බැරි උනා,අපි අද තමා සොහොනට ඇතුල් කලේ උබ දැන් සදහටම සාමයෙන් සැතෙපෙනවා.

උබට මතකද මන්දා මීට අවුරුදු 4 විතර ඉස්සර මම උබ ලගට වැඩට ආපු හැටි, එතකොට උබ හොදටම අසනීප වෙලා උන්නෙ. වයසක මනුස්සයෙක් බලා ගන්න මට කිසිම අත්දැකීමක් තිබ්බෙ නෑ,මට ආසාවක් තිබ්බෙත් නෑ,ඒ වෙනකොට මට ජොබක් තිබ්බෙත් නෑ,මම හිතුවෙ උබ තව මාස 3 වඩා අදින එකක් නෑ කියලා ඉතින් මම උබ ලගට වැඩට ආවා, හැබෑ උබ ඉක්මනින්ම ගොඩ ආවා,මගෙයි උබෙයි දෙන්නගෙම වාසනාව,ටික දවසකින්ම මට තේරුනේ උබ හරි අපූරු මනුස්සයෙක් කියලා,මම දන්නෙත් නැතුවම මම උබටත් උබ මටත් ලං උනා. හරි අපූරු යාලුකමක් අපි දෙන්නා අතර ඇති උනා,උබ තමා මට මේ ලෝකෙ හමුබුනු වයසකම යාලුවා,ඒ යාලුකම මගෙ ජීවිතේට අමතක වෙන එකක් නෑ.

උබෙන් මම ජීවිතේට ඉගෙන ගත්තු දේවල් බොහොමයි. ඉතිහාස කතා ඉදන් උබේ චරිතෙන් මම ඉගෙන ගත් දේ ගොඩයි, මම මේ ලෝකෙ දැකපු නියම වැදගත් මහත්මයෙක් උබ, ආයෙ එහෙව් මනුස්සයෙක් දකින්න ලැබෙයිද මන්දා මේ සමාජෙ.

මතකද උබ දෙවනි ලෝක යුද්ද ගැන කියාපු කතා, උබ යුද්දෙට අකමැති මිනිහෙක්, ටීවී එකේ යුද නිව්ස් යනවා නම් උබ හැමදාම දුක් උනා ඇයි මිනිස්සු මෙහෙම මරාගන්නෙ කියලා උබ තනියම කියෙව්වා.ලෝක යුද්දෙට උබට යන්න බැරි උනේ උබේ අයියා හමුදාවට ගිය නිසා කියලා උබ කීවෙ, උබ ඒ කාලෙ ගොඩක් අමාරුවෙන් ඉගෙන ගත්තා කියලා කීවෙ. යුද්දෙ ඉවර වෙනකොට නට්ටන් උනු ඉතාලිය ගොඩ දාන්න මහන්සි උනු මොළ කාරයො උබලා, ඒ උබ ආර්ථික විද්‍යා ඔස්තාර් කෙනෙක් නිසා. බැංකුකරුවෙක් , ආර්ථික විද්‍යා මහාචාර්‍යවරයෙක් විදිහට උබ ඒ කාලෙ මේ රට ගොඩ දාන්න ගොඩක් මහන්සි වෙන්න ඇති.

           හැබෑ ලොක්කා අන්තිමෙට උබට ඩොක්ටර් කියලා කතා කරන්න මම විතරයි ඉතුරු උනේ.ඒ මේ ලෝකෙ හැටි බන් වයසට යනකොට අපි සේරම අවලංගු කාසි,ඒත් උබට රජයෙන් ලොකු පෙන්ශන් එකක්. ගොඩක් පහසුකම් දීමනා ආවා.නිකන් බේත් ටිකේ ඉදන්,ගිය අවුරුද්දෙ උබ අසනීප උනු වෙලේ එහෙම ආපු ඉන්ජෙක්ශන් 4 නිසා උබ ආයෙ නැගිට්ටා, ඒත් ඒ බේත් මේ අවුරුද්දෙ දෙපාරක් ගහලත් වැඩ කලේ නෑ බන්. අන්තීම මාස 6 උබ රෝද පුටුවට වැටුනා. මම උබ එක්ක ලස්සන කට්ටක් කෑවා.ගිය අවුරුද්දෙ උබේ මතකය ඔහොම්ම නැති උනා,අන්තිමට උබේ වයසවත් මතක නැති උනා නෙ. ඉන්දියාවෙ යට තියන සිලෝන් රටේ කොල්ලගෙ නම උබට මතක තිබුනා හැබැයි,උබ සතියකට සැරයක් වත් උබේ රට කොහෙද කියලා මගෙන් අහලා උබම ආ සිලෝන් රටින් නේ කියනකොට මම ශ්‍රී ලංකාවෙන් කියද්දී ආ ඔව් නෙ දැන් ඒ නමනෙ කියන්නෙ කියලා හයියෙන් හිනා උනු හැටි මට අමතක වෙන්නෙ නෑ.

        වයස 92 උනූ උබෙ  අවුරුදු 56 ගෙව්නු විවාහයත් මරු. උබේ ගෑනි රණ්ඩු කරලා අවසානෙ ගහන එකම තුරුම්පුව උබ මගේ ගෙදර ඉන්නෙ මේ මගෙ තාත්තා දීපු ගේ කියන කොට උබ පූස් පැටියෙක් වගේ සයිලන්ස් උනා.ගෑනි ගියාට පස්සෙ උබ දුන්නු උපදෙස මට අමතක නෑ. ගෑනිගෙ ගෙදරක නම් පදිංචි වෙන්න එපා උබ, පේනවනෙ මට උනු දේ කියලා උබ හයියෙන් හිනා උනා.ඒත් උබ ගෑනිට මාරෙට ලව් කලා මම කියනකොට අද උබේ ගෑනිගෙ උපන් දිනේ කියලා උබ ඉක්මනින් ගිහින් කිස් එකක් දීලා විශ් කරපු හැටි මරු.

          මේ මළ උන්ගෙ නොවැම්බර් මාසෙ මම හිතුවෙ සමර් ඉවර වෙනකොට පහු ගිය සැරේ වගේ උබ ආයි නැගිටී කියලා.ගිය 5 සෙනසුරාදා රෑ උබ මාත් එක්ක පිචර් එකක් බැලුවා ටීවී එකේ. උබ ඒ සතියෙම උබ නිදාගත්තෙ නෑ රෑට. අමුතු හැසිරීමක් පෙන්නුවෙ,කවුද දන්නෙ උබ යන්න ලෑස්ති වෙනවා කියලා.එදා රෑ උබ මට කතා කරලා ඇදේ ඉදන් මොනාද පෙන්නුවා කීප වතාවක්ම.මොනා පෙන්නුවද කියලා මට තාම තේරෙන්නෙ නෑ. මම ඉරිදා උදේ උබට බොහොම අමාරුවෙන් කිරි චුට්ටක් කටට දැම්මා.උබ ඉතින් ඒ සතියෙ විකාර නැටුවා නෙ කන්න දෙනකොට,මම බාගෙට මැරිලා උන්නෙ මහන්සියට. උබ ඉරිදා රෑ යනවා කියලා දන්නවා නම් මම ගෙදර යන්නෙ නෑ.උබ හෙට හමුවෙමු කීවට සදුදා පාන්දර කෝල් එක ආවෙ උබේ පුතාගෙන් උබ ගියා කියලා.අන්තිමේ උබේ මළ සිරුරට ලස්සන කෝට් කිට් එකක් අන්දන්නත් උනා.අවසානෙ ඒ අත්දැකීමත් මම ගත්තා.

ඉතින් යාලුවා උබත් එක්ක ගෙවපු වසර 4 මගේ ජීවිතේ අමතක නොවෙන කාලයක්. නියම මිතුරෙක් මට නැති උනා. උබට සුභ ගමන් යාලුවා..Ciao Mio Amico...

ඉතාලියේ ලාංකීය පාසල්

ලියන්නෙ නැතුව ඉන්න කට්ටියම බ්ලොග් වසන්තයද මොකද්ද පටන් අරගෙන හි‍ටු කියලා පෝස්ට් එනවා මටත් ඔන්න එතකොට මතක් උනා මගෙත් වේලෙන බ්ලොග් එකක් තියනවා නේද කියලා,බ්ලොග් එක තියනවද බලනකොට ඒකට ගිය මාසෙ අවුරුදු 6ක් වෙලා,ලැජ්ජාවෙ බැරි අවුරුදු 6 ටම පෝස්ට් 99 ලියවිලා තියෙන්නේ,ඔන්න මේක 100 පෝස්ට් එක එහෙනම්..
   මගෙ බ්ලොග් එකේ ඉතින් ඉතාලි තොරතුරු නෙ ගොඩක්ම ලියවෙන්නෙ, මේ පෝස්ට් එකත් එහෙම එකක් තමා ලියන්න හිතුවෙ,ඉතාලියෙ මෑත කාලෙ ඉදන් ලංකාවෙ මිනිස්සු පටන් අරගෙන තියන බිස්නස් එක තමා ඉතාලියෙ ජීවත් වෙන ලංකාවෙ ළමුන් සදහා ජාත්යන්තර පාසල්, ඉංග්‍රීසි සහ සිංහල ලංකාවේ සිරිත් විරිත් අනූව ළමයිව ලොකු කරන්න බලාපොරොත්තුව ඇතිව කකුල් දෙක රටවල් දෙකේ තියන් ඉන්න මිනිස්සුන්ව ඉලක්ක කරගෙන තමා මේ ලංකාවේ පාසල් ‍රැල්ල දුවන්නෙ.
   ඉතාලියෙ ඉන්න බහුතර පිරිසක් සල්ලි හම්බ කරන ගමන් දරුවන්වත් ඉතාලියෙම තියන් ඉන්න ගමන් යම් දවසක ලංකාවට යෑමෙ බලාපොරොත්තුවෙන් ඉන්නෙ, එක අතකින් ඒක ඒ දෙමාපියන්ගෙ ආසාවක්, ඒ එක්කම යම් පිරිසක් හිතන් ඉන්නවා මෙහෙ ඉතාලි ළමුන් එක්ක ඉතාලි සිරිත් විරිත් එක්ක බටහිර ක්‍රමේට ජීවත් උනාම අපේ ළමයි දෙමාපියන්ගෙන් ඈත් වෙලා ලංකාව අමතක කරයි කියලා..ඉතින් මේ සිතුවිලි අදුන ගත්තු පිරිසක් සිංහල හා ඉංග්‍රීසි උගන්නන පාසල් පටන් ගත්තෙ..
       ඉතාලියෙ නීතියට අනූව මේ පාසල් වලට බලපත්‍ර නෑ, බොහෝ පාසල් කර ගෙන යන්නේ උපකාරක පන්ති පවත්වන ක්‍රමේකට, ඒ එක්කම උගන්වන ගුරුවරු බහුතරේකට කිසිම සුදුසුකමක් නෑ, කොටින්ම පාසල් ආරම්භ කරපු විදුහල්පති වරුන්ටත් කිසිම සුදුසුකමක් නැති අය, මේවා පටන් ගන්නෙ ලංකාවේ ටියුසන් පන්ති කරපු ගුරුවරු, ඉංග්‍රීසි භාශාව ඉගැන්වීම යම් සාර්තකත්වයක් පෙන්නනවා, මේ පාසල් කරගෙන යන අය මරු පොරොන්දුවක් දෙනවා ඒ තමා ළමයිව ලංකාවේ ඕනම පාසලකට ළමයා ඉන්න ඕන පන්තියටම ඇතුලත් කරන්න පුලුවන් කියන එක,,එහෙම ඇතුලත් කරන්න උවමනා ලියකියවිලි දෙන්න පුලුවන් කියන එක. ඒත් ළමයිව ලංකාවට ගෙනියලා එහෙම ඇතුලත් කරන්න ගිහින් බැරි වෙලා පාසල් වලට ඇවිල්ල අර ගුරුවරුන්ගෙ අම්මලාව මතක් කරපු අවස්තාත් තියනවා.
               දෙමාපියන්ව මෙහෙ සේප් කරන්න නම් ඉංග්‍රීසිය ගොඩ දාන එකයි,කේම්බ්‍රිජ් විභාග සෙට් එකයි සහතික පෙන්නන එක නම් කරනවා, ඉතින් දෙමාපියො සේප්. ඒත් ඉතින් මම නම් මේ පාසල් ක්‍රමය අනුමත කරන්නෙ නෑ, පෙනෙන විදිහට අවසානෙ මේ දරුවන්ට ලංකාවෙවත්, ඉතාලියෙවත් නිසි ඉගෙනුමක් ලැබෙන පාටක් නම් නෑ.කකුල් දෙක දෙපැත්තෙ තියාගෙන අවසානෙ මේ දරුවන්ගෙ අනාගතේ විනාශ කිරීමක් තමා පේන්න තියෙන්නෙ..
ඉතාම ඉහල අධ්යාපන ක්‍රමයක් තියන ඉතාලි පාසල් වලට ගිහින් අපේ දරුවන් ඉහල දක්ශතා දක්වපු අය ඕනා තරම් ඉන්නවා,,දරුවන් නොමග යන එක මම දකින්නෙ දෙමාපියන්ගෙ අතින් වෙන වරදක් විදිහට,ඒත් ගොඩක් දෙමාපියො හිතන් ඉන්නේ දරුවන්ව මෙහෙ පාසල් වලට යැවීම ඉතා බරපතල දෙයක් විදිහට,සමහර අය නම් උදේට ඉතාලි පාසල් යවලා සවස ඉංග්‍රීසි ඉගෙන ගන්න මේ පාසල් වලට යවනවා,,ඒකෙ නම් වරදක් දකින්න නෑ,
           මේක තවත් එක් බිස්නස් එකක්,පහු ගිය මාසෙ නාපෝලියෙ පොලිසිය විසින් මෙවැනි පාසල් කීපයක්ම වසා දාලා තියනවා,,කලාතුරකින් යම් බලපත්‍රයක් ලබා ගත්තු පාසල් කීපයක් ඉතාලියෙ නොතිබෙනවා නොවෙයි,,ඒවා යම් පිලිවෙලකට සිදු වෙනවා,ඒත් බහුතරය හතු පිපෙන්නා සේ බිහි උනු පාසල් වල තත්වය ඉතාම කනගා‍ටුදායකයි,මේවට ඉතාලි ජාතිකයින් එන්නෙ නෑ නිසා නීතියෙන් පස්සෙන් පන්න පන්නා බැලීමක් වෙන්නෙත් නෑ.
ඒ වගේම ඉතාලි පාසල් වලට යවා ඉන් පසු මේ පාසල් වලට යවපු ළමයින්ව එයාලගෙ ‍රැදී සිටීමේ බලපත්‍ර අලුත් කිරීමේදී විශාල ගැටලු වලට මුහුන පාන්න දෙමාපියන්ට සිදු වෙලා තියනවා,ඒ එක්කම දරුවන්ව පාසල් යවන්නෙ නෑ කියලා නීති මගින් අනතුරු ඇගවීම් පවා සිදු වෙලා තියනවා.
ඔන්න ඔහොමයි ඉතාලියෙ ලංකාවේ පාසල් වල කතාව....

wow.lk නිරුවත...

අන්තර්ජාලයෙන් මිලදී ගැනීමකට ගොස් අකරතැබ්බයකට මුහුන දුන් මාගේ හිත මිතුරෙක්ගේ කතාව..

wow.lk නැමැති පාරිභෝගියකයින් මුලාකරන ආයතය වෙත ලියමි,
2015 දෙසැම්බර් මස 14 වෙනි දින මුදල් ගෙවූ අංක 109141554 ඇණවුම සම්බන්ධවයි.
දින පහකින් නිවසටම ගෙනැවිත් දීමට පොරොන්දු වී 2015 දෙසැම්බර් මස 14 දින මාගෙන් මුදල් ලබාගත් ඔබ ආයතනය මෙතෙක් මා වෙත ඇණවුම භාර දී නොමැති බව දන්වන්නේ ඔබ ආයතනයේ මහඟු සේවාව අගයමිනි. එමෙන්ම ඔබ අද උදෑසන මා හට ඇමතුමක් ලබා දී මා ඇණවුම් කළ භාණ්ඩය stock එකේ නැති බව කීම මාගේ මහත් පුදුමයට හේතු වූයේ "Your Order has been Shipped" ලෙස සඳහන් කරමින් ඊමේල් පණිවිඩයක් ඔබ ආයතනය මගින් 2015 දෙසැම්බර් 28 වෙනි දින මා හට එවීම නිසාවෙන් (එම ඊ මේල් ලිපියේ ඡායාරූපයක් මේ ලිපිය සමඟ අමුණා ඇත.) මෙන්ම ඔබ ආයතනයට ලබාදුන් දුරකතන ඇමතුන් 10න් 5කම පමණ පැවසුවේ මාගේ ඇණවුම තව දින දෙකක් තුල ලැබෙන බව නිසාවෙනි.

මා අද දින ඇණවුම අහෝසි කර මුදල් ඉල්ලූ නමුත් තව මාසයකින්වත් ඒ මුදල් මගේ ගිණුමට බැර වේදැයි මට සැක සහිතය. එමෙන්ම ඔබ ආයතනයේ facebook පිටුවේ තිබූ Customer Reviews ඉවත් කර පාරිභෝගිකයන්ගේ අදහස් දැක්වීම් වලට අපමණ අගයක් ලබා දීම සම්බන්ධයෙන්ද ඔබ ආයතනයට මම ස්තූතිවන්ත වෙමි. තවද මා මෙන්ම තව දහස් ගණනක් පාරිභෝගිකයින් රවටමින්, අපහසුතාවයට පත් කරමින් තව බොහෝ කාලයක් ව්‍යාපාර කිරීමට ඔබ ආයතනයට හැකිවේවායි මම පතමි.
ස්තූතියි,
මීට,
යලි කිසි දිනෙක ඔබ සමග ගනුදෙනු නොකරන
පාරිභෝගිකයෙක්...
ප.ලි : මේ ආයතය මඟින් තව බොහෝ දෙනා මෙලෙසම රවටා ඇති බව ඔවුන්ගේ Visitor Posts බැලූ විට පැහැදිලි වෙයි. මෙලෙස පාරිභෝගිකයින් රවටන මෙම ආයතයනට විරුද්ධව නීතිමය ක්‍රියාමාර්ග ගැනීමට හැකියාවක් වේනම් ඊට ඕනෑම සහයක් ලබාදීමට කැමැත්තෙමි.

 

  මෙලෙස පාරිභෝගිකයන් රවටන මෙවැනි ආයතන පිළිබද දැනුවත් කිරීම සදහා මෙම පෝස්ට් එක මිතුරාගේ අවසරයෙන් පල කරන ලදි.

පොලිස් නිශ්කාශන සහතිකයේ කතාව - Sri Lanka Police Clearence Riport

ශ්‍රී ලංකා පොලෝසියෙන් මට ලබා ගන්න සිදු උනා ඉතාලියට ඉදිරිපත් කිරීම සදහා පොලිස් නිශ්කාශන සහතිකයක් හෙවත් සිංහලෙන් කිවුවොත් පොලිස් ක්ලියරන්ස් රිපෝර්ට් එකක්. ඉස්සර ඉතින් ඕක ගන්න කොලබ දුවන්න උවමනාවක් තිබ්බෙ නෑ නේ ඒක අපූරුවට ගමේ පොලෝසියෙන්ම ලබා ගන්න පුලුවන් කම තිබ්බා,ඒත් ඉතින් මොකාද මන්දා බූරුවෙක්ගේ තීරනයක් නිසා ඒක ගන්නත් කොලබ ගාටන්න වෙලා, මමත් ඉතින් පහු ගිය අගෝස්තු මාසේ ලංකාවට ගිය නිසා ඒක ගන්න අයදුම් කරන්න කොලබ ගියා, උදෙන්ම ගියත් ඉතින් දිග පෝලිමක් එතන බහුතරය පිට රට රස්සා වලට යාමට බලාපොරොත්තුවෙන් පොලිස් වාර්තාව ගන්න ආපු අය.
මම ඉතින් ඒක ඉල්ලූම් කිරීමේ අයදුම්පත අපේ පොලෝසියේ ජාල සයිට් එකෙන් ඩවුන්ලෝඩ් කරලා ගෙදරින්ම පුරවන් ගියේ,, උවමනා ලියකියවිලිත් එක්කම.එතන තිබ්බ අයදුම්පතේ උපදෙස් අනූව මම ඒක පුරවලා දැම්මා එතන තව පි‍ටුවක් තිබුනා විවාහකයෙක් නම් පුරවන්න කියලා,,මම ඉතින් තාම සින්ගොල් මනුස්පයා නිසා ඒක අතෑරලා දැම්මා,
ඔන්න මම පෝලිමේ ඉදගෙන ඉන්නවා, ඔතන ඉන්න රාලහාමි කෙනෙක් ඔය අයදුම්පත් පරීක්ශා කරනවා,,මුන්දෑ මගේ එකත් පරීක්ශා කලා.මෙන්න කියාපි මේකෙ කොලයක් අඩුයි කියලා,,පොර මට අයදුම්පතක් දීලා  ඔන්න මේක ආයේ අලුතෙන් පුරවන්න කියාපි, මම අතට අරන් බලනකොට අර මම ගෙදරදි අතෑරපු විවාහකයෙක් නම් පුරවන්න තියන කොලෙයි මුන්දැ මට පුරවන්න කියන්නේ,,මම ඉතින් කිවුවා මම තාම ඒ අමාරුවෙ වැටිලා නෑ කියලා,, ඔන්න මුන්දැ රවලා කියනවා නෑ නෑ ඔය කොලෙත් ඕනා ඒකත් අමුනලා අලුතෙන් පුරවලා ඒ කොලේ යටින් අස්සන දාන්නය කියලා,,මමත් ඔය ආයේ කියවන්න ගියෙ නෑ අර කොලේ මට පුරවන්න මුකුත් නෑ ඒ යටින් අස්සන දාලා දුන්නා.රුපියල් 500ක් එක්ක,රෙජිස්ටර් තැපෑලෙන් ගෙදරට එන්න නිසා රු.40 මුද්දරයක් එක්ක කවරෙකුත් එක්ක.
හා ඉතින් ඕක අයදුම් කරලා සති 2ක් බැලුවා සද්දයක් නෑ,එයාලා නම් කිවුවේ සති 2න් ඒවි කියලා,,කෝ මේක නෑ,මමත් ඉතින් තව සතියක් බලලා කොලබට කෝල් කලා,,මෙන්න එහෙන් කියාපි ඔයාගෙ ගමේ පොලෝසියෙන් උවමනා ලියකියවිලි තාම නෑයි කියලා.
මම ඉතින් පහු වෙනිදම ගියා අපේ ගමේ පොලෝසියට,පලවෙනි දවසෙම හරවලා එවුවා ඒවා කරන රාලහාමි නෑය කියලා,,දෙවෙනි දවසෙ ගිහින් ඉදන් උන්නා මෙන්න වෙන උන්දෙක් මගේ කාරනාව අහලා ඇතුලට එක්කන් ගියා,මුන්දැ කියපි මේවා බාරව ඉන්න රාලහාමි ගොයියා රගර් කීඩකයෙක්ය පොර රගර් ගහන්න ගිහින්ය කියලා.පොර රගර් ගහලා ආවම තමා මේවා ආයේ කරන්න වෙන්නෙ කියලා,,මුන්දෑ හා බලමු ඔයාගෙ කොලබින් ආපු ලියමන තියේද කියලා මේසෙ උඩ හොයන්න ගත්තා,,ඔන්න අස්සක තිබිලා ඒකත් හොයාගෙන,,අර රගර් උන්දගෙ මේසෙ පයිල් එකකට දාලා හා එහෙනම් සතියකින් එන්නකෝ අපි මේක කරලා දෙන්නම් කියලා මාව හරවල එව්වා.සතියක් ගෙවිලා පහු වෙනිදම මට ආයේ ඉතාලි එන දවස,ඔන්න උදෙන්ම මම පොලෝසියෙ,ඔන්න එදත් කියාපි රගර් ගොයියා රගර් ගහන්න කුරුනෑගල ගිහින්ය ආවම තමා මේවා කරන්නෙ කියලා.ඔන්න මාසෙම ගියා අර ගොබිලා රගර් ගහන්න,,මම ඉතින් අපේ නෑයෙක්ට රිසිට් එක දීලා ඉතාලි ආවා.
එයත් කීපවතාවක්ම රස්තියාදු උනා මේ වැඩේට ඒත් නෑ රගර් කතයි අර කතයි මේ කතයි.වැඩේ රබර් වෙනවා.
ඔය අතරේ තමා මට හිතුනේ පොලෝසියේ ලොකු උන්නැහේට ලියමනක් ලියන්න මගේ වැඩේ රබර් වෙන්නෙ මොකෝ කියලා අහලා.ඒකට ලියමනක් ලෑස්ති කරලා රෙජිස්ටර් තැපෑලෙන්ම ලියමනක් දැම්ම,කෝ ලියමනත් සෑහෙන්න රබර් උනා,,ඒකට තමා මම ඉස්සල්ලා බ්ලොග් පෝස්ට් එක ලිවුවේ,,අපේ රටේ තැපෑලේ වේගවත් බව ලියලා.
ඔය අතර කී පාරක් කොලබට කෝල් කලාද,,මගේ යෙහෙලියක්ව දම්මවලා,, මොකෝ මට මෙහෙ ඉදන් ඕවට කෝල් ගන්න වාත වෙන්න වෙලාවයි සල්ලි නාස්තියයි දෙකම නිසා,,අනික ඉතින් කාන්තා කටහඩකට වැඩක් කර ගන්න ලේසි නිසා, මොන ඒ හැම පාරම ඒ කෙලී කිවුවේ එතන ඉන්න එකාලා දංකො‍ටුවෙ පොලෝසියෙන් ලියමන නෑ ඒ අතරේ ඔහොම ඉන්න කියලා වෙන කෝල් ඔය වගේ කතා තමා.
ඔන්න අර ලියමන පහු ගිය මාසේ 30 වෙනිදා වේගවත් දවස් 8 ගමනකින් දංකො‍ටුවේ පොලෝසියට ලගා වෙලා,,පහු වෙනිදා උදෙන්ම පොලෝසියේ ලොකු තැන මට ලංකාවේ ඉදන්ම කෝල් කරපි,මම අර ලියමනේ මගේ පෝන් නම්බරෙත් ලියලා තිබ්බෙ,,මුන්දැ කියපි සමාවෙන්න ඔන්න අපි ඔයාගෙ වැඩේ අදම කරනවා බලන්නකෝ කොලබින් කොලයක් අඩුවෙන් නෙ එවලා තියෙන්නේ ඒක අපි ගෙන්න ගත්තා ආයේ අදම පැක්ස් කලාය කියලා.මමත් ඉතින් පුල් හැපි එකේ මාස 3ට පස්සෙ නේ,,
ලංකාවේ ගෙදරටත් කියලා තිබ්බා ලියමන එයි පොඩ්ඩක් බලන්න කියලා,,මෙන්න බොලේ සතියක් ගියා තාම නෑ,ඔන්න මම අර කෙළීට ආයේ වාත උනා කෝල් කරන්නය කියලා,උන්දෑ ආයේ දවස 2ක්,3ක් උත්සහ කරලා අර කට්ටියගෙන් අහගෙන තිබ්බා ගමේ පොලෝසියෙ ලියමන තාම ආවේ නැය කියලා,කවුරු ඇත්ත කියනවද කවුරු බොරු කියනවද කියලා හිතා ගන්න බෑ,
ඔන්න මම ආයෙත් දංකො‍ටුවට කෝල් කලා,එහෙන් කියාපි අපි  පැක්ස් කලාය,,ඔය මිනිස්සු වැඩක් කරන්නෙ නෑය එතකොට ඔහොම කියලා බේරෙනවය කියලා,,පොර කියපි කමක් නෑ අපි එහෙනම් අදම ආයේ පැක්ස් එකක් යවන්නම් කියලා,,මම ඉතින් ස්තූතී කරලා වැඩේ අමතක කරල දැම්මා තවත් මේක පස්සෙ පන්නලා තේරුමක් නෑ වගේ දැනුනු නිසා..
අතෑරලා දාපු නිසාද කොහෙද අර කෝල් එකෙන් දවස් 10 පස්සේ ඔන්න මගේ පොලිස් නිශ්කාශන සහතිකය ගෙදරටම ආවා මාස 4ට විතර පස්සෙ.
මෙච්චර දියුනු තාක්ශනයක් තියන කාලේ මේ වගේ පොඩි දෙයකට සල්ලිත් අරගෙන කාලේ නාස්ති කරන්නේ මොකටද කියන එක ලොකු ප්‍රශ්නයක්.අපි හිතමු දවසට මිනිස්සු 100ක් ආවා කියලා,රු 500 ගානේ කීයක් එකතු වෙනවද,ඒ කරලත් කාර්යක්ශම සේවයක් ලබා දෙන්න මේ මිනිස්සු උනන්දුවක් නෑ.එක්කෝ ඉස්සර වගේ ගමේ පොලිසියෙන්ම මේක ලබා දෙන්න ඕන අර රු 500 අරගෙනම.
මේ මිනිස්සු අඩුම තරමින් දුරකතන ඇමතුමකට පිලිතුරු දෙන්නවත් සූදානම් නෑ,අනික් එක ඒකට ඇමතුමක් ගන්නවා කියන්නේ ලොතරයියක් සූරලා ජයග්‍රහනය කරනවා වගේ දෙයක්.මෙවැනි සුලු දේවලුත් නූල් බෝලයක් පටලලා වගේ අවුල් කරන දෙපාර්තුමේන්තුවකින් ජනතාවට ඉහල සේවයක් අපිට කවදා ලබා ගන්න හැකි වේවිද?

ශ්‍රී ලංකා තැපැල් සේවය / Sri Lanka Post

ශ්‍රී ලංකා තැපැල් සේවය ලෝකයේ ඉතා පැරණි තැපැල් සේවයක් ,ආරම්භක ඉතිහාසය 1882 දක්වා දිව යනවා,අද 2015 වෙද්දී ලෝකෙ තැපැල් සේවය ඉතා දියුනු අඩියක තිබෙන්නේ,මම මේ පෝස්ට් එක ලියන්න හිතුවේ අපේ රටේ තැපැල් සේවය පෙනුමෙන් දියුනු වගේ පෙනුනට ඉතා මන්දගාමී තැපැල් සේවයක් බවට පත් වෙලා.
පහු ගිය දවසක මම ඉතාලියේ සිට ශ්‍රීලංකාවට රෙජිස්ටර් තැපෑල යටතේ ලියමනක් තැපැල් කලා,,ලියමනේ ලස්සන කතාවකුත් තියනවා ඒක ඊලග පෝස්ට් එකට ,,ලියමන මම සිටිනා නගරයේ සිට තැපැල් කලේ ඔක්තෝම්බර් 12 වෙනිදා කොටින්ම සවස 7 විතර සවස් යාමයේ වැඩ කරන තැපැල් ස්තානයකින්.මා සිටින්නේ දකුණු ඉතාලියේ නිසා දවස් 2ක් ගත වෙලා ලියමන මිලානෝ නගරයේ ප්‍රධාන අන්තර්ජාතික තැපැල් මධ්යස්ථානෙට ලගා වෙලා තියනවා.ඉන්පසු දවස 8ක් ගතවෙලා එය කොලබ ප්‍රධාන තැපැල් හුවමාරු මධ්යස්තානෙට පැමිනිලා තියනවා.
විහිලුම කතාව දැන් එදාම කොලබින් ලියමන ගමනාන්තය වෙන දංකො‍ටුවටත් පිටත් වෙලා,,ඒත් කොලබ සිට දංකො‍ටුවට මේ ලියමන එන්නෙ 30 සිකුරාදා ඔය කෙටි දුර එන්නත් දවස් 8 ගත වෙලා.
ඉතාලියේ තැපෑලක් අන්තර්ජාලයෙන් අපිට එය ලබන්න අතට පත් වෙනකන්ම පරික්ශා කර බලා ගන්න පුලුවන්කම තියනවා,,එය මට කොලබට ලගා වෙනකන්ම පෙන්නුවා,,ඒ වගේම අපේ රටේ තැපෑල් සේවයට අදාලව අන්තර්ජාල පරීක්ශාවත් බාගෙට පෙන්වනවා නමුත් ලබන්නාට අදාල කොටස නෑ,, ඔන්න පහල අපේ රටේ අන්තර්ජාල පරීක්ශාව මම ඉදිරිපත් කරලා තියනවා,

මෙය මාගේ පලමු අත්දැකීම නෙවේ,මා ඊබේ හරහා සෑහෙන ගණුදෙනු ප්‍රමානයක් කරලා තියනවා,,ඉතාලියට වගේම ලංකාවටත්,,මා ඉතාලිය වෙත ලබා ගන්නා භාන්ඩ උපරිම දවස් 20 ඇතුලත මා වෙතට පැමිනෙනවා.ඒත් ලංකාවට එන්න අඩුම මාසයක්වත් ගත වෙනවා,ඒ වගේම භාන්ඩ නැති වීම්,අතුරුදන්වීම් පවා සිදු වෙලා තියනවා,ඔය නිසාම ඊබේ වලින් අද අපේ රටට භාන්ඩ එවන්නෙ නැති විකුනුම්කරුවෝ බහුලයි.ඔන්න අපේ රටේ තැපෑලේ දියුනුව.
අද තාක්ශනය අනුව වේගවත් සේවයක් දෙන්න පුලුවන් කම තියනවා,,ඒත් ඉතින් අපේ රටේ තැපෑල ඉබි ගමනින් තමා තාමත් දුවන්නේ.

මගේ චාරිකා - ගිණි කන්දක් වෙත ආයෙත්...

කාලෙකට පස්සේ බ්ලොග් එක මතක් උනා,,කම්මැලිකමත්,ලංකාවට ගිය නිසාත් බ්ලොග් පලාතෙ එන්න විදිහක් නැති උනා.කොහොමත් මේක අමතක කරන්නත් බෑනේ.
    මේ වසරේ ලංකාවට ආපු නිසා වසරේ නිවාඩුව ඔහොම්ම ඒකට,,ඒත් ලංකාවට එන්න ඉස්සල්ලා පොඩි ට්‍රිප් එකක් යාගන්න පුලුවන් උනා.දකුණු ඉතාලිය කියන්නේ යුරෝපයේ ගිණි කදූ කීපයක්ම තියන ප්‍රදේශයක් මම මීට ඉස්සල්ලත් ගිණි කදු ගැන මගෙ බ්ලොග් පෝස්ට් එකේ ලියලා තියනවා,මේ තවත් ගිණිකදු බලන්න ගිය සවාරියක්.
   සිසිලි දූපතට අයිති පුංචි දූපත් සමූහයක් තියනවා දූපත් 7ක් පමන අයෝලියානු දූපත් නමින්, සිසිලි දූපතට ලගම දූපත තමා වුල්කානෝ කියන දූපත මෙය දූපතක් උනාට සක්‍රීය ගිණි කන්දක්,සිසිලි දූපතෙන් මේ දූපත් වලට ගමනාගමනයට මගී නැව් සහ අධිවේගී යාත්‍රා සේවයක් පවත්වාගෙන යනවා,,නැවේ නම් වාහනත් එක්කම යන්න පුලුවන්.මේ දූපත් සමූහය ලෝකෙ එක් සංචාරක පුරවරයක්,,ලෝකෙ ප්‍රසිද්ද මිනිස්සු සෑහෙන පිරිසකගේ නිවාස පවා පිහිටා තියනවා,,ඒ එක්කම  බිල් ගේට්ස් පවා මේ දූපත්වලට එන්න පුරුදු වෙලා ඉන්නවා ඒ තරම්ම ප්‍රසිද්දයි.
   මගේ චාරිකාව උනේ වුල්කානෝ දූපතට,අධිවේගී යාත්‍රාවකින් තමා ගියේ,දූපතේ පිහිටා තිබෙන්නේ කුඩා අවන්හල්,නවාතන් පොලවල් කුලියට දෙන නිවාස තමා,,මම දවසින් ආපු නිසා ගිණි කන්ද නගින්න නම් බැරි උනා,එයට විශේස සපත්තු පවා ඒ අසල කුළියට දෙනවා කදු නගින උපකරනත් සමග,අපි ඉතින් දූපතේ වාහන රෙන්ට් කරන ස්තානෙකින් වාහනයක් අරන් දූපත පුරා ඇවිද්දා,මේ පහල තියෙන්නේ ගිණි කන්ද..

                                                               මේ දූපතේ විශේශ දෙයක් තියනවා කුඩා සල්පර් කන්දක්,සිංහලෙන් කිවුවොත් ගෙන්දගම් කන්දක්,මේක ඇති වෙලා තියෙන්නේ මේ ගිණි කන්ද නිසා,මේ කුඩා ගෙන්දගම් කන්ද පාමුලම තියෙන්නේ කුඩා විලක්,,මඩ පිරෙන,,අර කන්දෙන් ගලන ගෙන්දගම් මේ කුඩා විලට එකතු වෙනවා,ගෙන්දගම් මිශ්වන මඩ නාන්න මේ දූපතට යන සේරම සංචාරකයන් පුරුදු වෙලා ඉන්නවා,,විශේශයෙන් මේ ගෙන්දගම් මිශ්‍ර මඩ ශරීරයේ චර්ම රෝග වලට අස්ථි රෝග වලට ඉතා ගුනදායකයි කියලා කියනවා.

මේ තියෙන්නේ ගෙන්දගම් කන්ද.
                                                                

                     මමත් ඉතින් මඩ නාගන්න බැස්සේ පොඩ්ඩක් හරි සුදු වෙන්න කියලා හිතාගෙන,මේකෙන් මඩ අරගෙනම මඩ හොයන්න පුදුම ගේමක් දෙන්න ඕනා,,පොලව කට්ට වෙන්නම මේකට බහින උන් මඩ සූරලා අරගෙන ඇගේ උලා ගෙන.මමත් සුදු වෙන්න ආපු චැන්ස් එක නේ කියලා හිතාගෙන අස්සකින් මඩ හොයාගෙන මුලු ඇගේම ගාගත්තා.මඩා ගාපු ගමන් සුදු උනා නේන්නම් මරු එකට,ඔය පහල ඉන්නේ මඩ නාලා සුදු උනු මමතුමා.

                                          
මඩ වේලුනාට පස්සෙ එතනම මූදට බහිනවා මිනිස්සු,,මේ හරියේ මූදු වතුර ගොඩක් රශ්නෙයි අර ගිණි කන්ද නිසා,,වතුර බුබුලු නගිනවත් පේන්න තියනවා.මමත් ඉතින් මූදට බැහැලා ආයේ ගොඩට එනකොට ආයෙත් මම උන්නු පාටටම ආවා නේ.සුදු වෙන්න හිතාගෙන බැස්සට වෙච්චි සුදක් නම් නැ,,කොහොමත් ඔය ප්‍රතිකාර කරනවා නම් අඩුම දිනපතා මාසයක්වත් බහින්න ඕනලු. 

මේ මඩ නාගන්න සංචාරකයෝ පහල ඉන්නේ
                                           

                                        

පස්සෙ හොදට මූදෙ නා ගත්තා,,මූදු වෙරලෙ වැලි කලුම කලු පාටයි,කලු පාට මූදු වෙරලක් මේ දූපතට හිමි වෙලා තියෙන්නේ,හොදට මූදෙත් නාගෙන සවස ආයෙත් අපි දූපතෙන් පිටත් උනා,,ලබන වසරේ ආයෙත් යන්න හිතාගෙනම ආවා,,මොකද තවත් ගිණිකදු කීපයක් තියනවා මේ දූපත් 7 තුළම.ලන්කාවට ගිහින් අපේ බ්ලොග් කරුවන් පිරිසක් එක්ක අපේ අස්ල්වැසි රටේ සංචාරයකටත් ගියා නේ ඒකත් ලියන්න ඕනා බ්ලොග් එකේ පාලුව යවන්න....

පුංචි ආයාචානයක්...

මාගේ හිතවතෙකු විසින් කරන ලද ඉල්ලීමක් අනූව මෙය පෝස්ට් කරන ලදි..කැමති නම් මෙය ශෙයා කරන්න..

එක්ස්පෝ 2015 සහ අපේ දේශපාලුවෝ

EXPO 2015 ( Universal Exposition) ලෝකෙ ලොකුම වෙළද ප්‍රදර්ශනය තමා මේ,,මේ වසරේ පැවැත් වෙන්නේ ඉතාලියෝ මිලානෝ නගරයේ,,මැයි පලමු වෙනිදා ආරම්භ උනා මේ වසරේ ඔක්තෝම්බර් 31 වෙනිදා අවසන් වෙනවා.මේ වසරේ රටවල් 145 මේ ප්‍රදර්ශනයට සහභාගි වෙලා තියනවා,හෙක්ටයාර් 200 පමන බිමක් ප්‍රදර්ශය සදහා වෙන් වෙලා තියනවා,,ප්‍රදර්ශනය නැරබීමට මිලියන 20 ජනතාවක් අපේක්ශා කරලා තියනවා. Feeding the Planet, Energy for Life තේමාව යටතේ මේ වසරේ ප්‍රදර්ශනය පැවැත් වෙනවා.කොහොමත් සංචාරක,කර්මාන්ත ප්‍රවර්ධනය පවා මේ යටතෙම සිදු වෙනවා.
ඇත්තටම සියලුම කුඩා රටවල් පවා තමන්ට වෙන් උනු බිම්කඩේ තමන්ගේ රටේ සංස්කෘතිය,වගාකටයුතු,සංචාරක කර්මාන්තය යොදාගෙන ලස්සන ගොඩනැගිලි හදලා තියනවා,,මේ යට තියෙන්නේ එහෙම ඉදිරිපත් උනු ගොඩනැගිලි.


ඉතාලිය (මෙය ඉතාලියට අයත් එක ගොඩනැගිල්ලක් පමණි)                                                

රුසියාව

                                                                       
එක්සත් අරාබි එමීරය

                                                   
චීනය

 තායිලන්තය

 වියට්නාමය

 මැලේසියාව

 ඇන්ගෝලාව

 තමන්ගේ රටේ අභිමානය පෙන්වන්න තමන්ගේ සංස්කෘතිය විදහාපාලා ඉහත වගේ සෑම රටක්ම පාහේ මේ අවස්ථාවෙන් මහගු ප්‍රථිපල ලබා ගන්නවා.එයට හොදම උදාහරනයක් නේපාලය,තමන්ට සිදු උනු දරුණු විපත හමුවේ පවා තමන්ට හැකි අයුරින් ඉතා ලස්සනට තමන්ගේ ප්‍රදර්ශන භූමිය සකස් කරලා,විපතට පත් අය වෙනුවෙන් ආධාර වැඩසටහනක් පවා ක්‍රියාත්මක කරනවා.

 අපේ රටටත් ඉතා ලස්සන ගොඩනැගිල්ලක් ඉතාලි රජයේ මුදලින් ඉදිරිපත් කරලා ඉදිකරලා දුන්නා,,අපේ රටේ දියවන්නාවේ ඉන්න බත් කන හරක්ගේ සහ උන්ගේ පස්ස ලෙව කන නිලධාරීන්ගේ කාර්යක්ශමතාවය සහ තැනට සුදුසු නුවන නිසා,එහෙම හම්බුනු ගොඩනැගිල්ල තමා මේ,,,ඔය එක එක ආටෝප මොකටද අඩු වියදමින් ඉතාලිකාරයෝම අපිට මෙහෙම එකක් හදලා දුන්නා නේ..

මේ ඉතා ලස්සන පකිස් පෙට්ටිය හදා දෙන්න මුල් උනු කතාව මිලානෝ නගරයේ වාසය කරන රවී සොයිසා මහත්මයා ඉදිරිපත් කරපු සටහන එයාගේ අවසරයෙන් මගේ පෝස්ට් එකට යොදා ගන්නවා,,ඔයාලත් කියවලා බලන්න.

 'එක්ස්පෝ' ලොව දැවැන්තම වෙළද ප්‍රදර්ශණයයි .........
2015 වසරේ එය පැවැත්වෙන්නේ ඉතාලියේ 'මිලානෝ' නගරයේය ......
යුරෝපයේ වැඩිම ශ්‍රී ලාංකිකයෝ පිරිසක් රැදී සිටින්නේ ඉතාලියේ නිසා .......
බොහෝ දෙනෙකු බොහෝ බලාපොරොත්තු තබාගෙන සිටියේය ....
ව්‍යාපාර කළමණාකරන විෂයක් විදියට හදාරා ඇති නිසා මට බොහෝ පෙනෙන්නට විය .........
මම මේ මහගු අවස්ථාවෙන් රටට බොහෝ දේ ලබා ගත හැකි බව දැක්කේය .......
සැලසුමක් ඇතුව අවතීර්න වූහොත් 2020 දී 'යුරෝපයේ ශ්‍රී ලාංකික වෙළද කේන්ද්‍රය-මිලානෝ' කර හැකි බව අවබෝද විය .........
'යුරෝපා වෙළද පොල අධ්‍යනය කරන්නට විය' ........
'නැව් නො එන හම්බන්තොට හා 'ජෙනොවා වරාය' එකතු කරන හැටි ...... ගුවන් යානා නො එන මත්තල හා 'ලිනාතේ ගුවන්තොටුපල' එකතු කරන හැටි ...... ඒ දෙකට අනුබද්ධව මධ්‍යස්ථානයක් හදන හැටි ....... එතැන් සිට 'යුරෝපයේ' අනෙක් රටවලට ප්‍රති අපනයන කරන හැටි ........ ඒ සදහා ආයෝජකයින් හොයා ගන්නා හැටි ....... සියල්ල සැලසුම් කලේය ....'
'ඉන් පසු මේ සැලසුම් මිලානෝ නගරයේ ඉන්නා රටට ආදරේ කරනා මිනිසුන් කීප දෙනෙකුට පෙන්නුවේය .......'
'ඔවුන් මහත් ඉහලින් අගේ කොට -මල්ලි වැඩේ පටන් ගන්න අපි සහය දෙනවායි මා දිරි ගැන් විය .......'
ඔවුන්ගේ සහයද ඇතිව අපි 'තානාපති' වරයාගේ ප්‍රධානත්වයෙන් රැස්වීමක් සංවිධානය කලේ ....... ඒ සදහා බර පැන දැරුවේද අපමය ......
අපි ඉල්ලා සිටියේ මේ ප්‍රදර්ශණයේ ලංකාවෙන් සම්බන්ද වන අය තානාපති කාර්යාලය හා 'මිලානෝ' නගයේ වෙසෙනා කමිටුවක් හදන ලෙසය .....
''ඒ සදහා තානාපති වරයා දැක්වූ ප්‍රතිචාර ....... ජනතා මුදලින් නඩත්තු වෙන එකෙකු තියා ලක් බිමේ 'පෙකනිය' කැපූ කිසිවෙකුගෙන් බලාපොරොත්තු විය නොහැක'' ..........
අපි ආරාධනා කර තිබුනේ ..... 'තානාපති' වරයෙකුටත් වඩා 'බත් කන හරෙකුටය ........ වඩාත් කේදනීය වූයේ ..... ඔහුගේ නුගත්කමට උද්දච්චකමත් වගකීම් විරහිතකමත් ..... රට ගැන හැගීමක් නොමැති බවත් එක්වී තිබීමය .........
මේ 'එක්ස්පෝ' කථාන්දරයේ රටට වසන් කල කොටසක් තිබේ ...... වෙළද ප්‍රදර්ශණ සදහා ආරාධනා ලැබෙන්නේ රටකටය ....... මේ සදහා අපේ රටටද ආරධනා ලැබුනි ...... එහෙත් ඒ සදහා 'යුරෝ ලක්ෂ 4ක්' එනම් රුපියල් ලක්ෂ 600ක් වියදම් කිරීමට එවක රජය අකමැති විය ..... දුකට කාරනය නම් 'රට' වෙනුවෙන් ලක්ෂ 600ක් වියදම් නොකරන රටේ ඉන්දියාවේ නලු නිලියන්ට සම්මාන දෙන්න ලක්ෂ 1800ක් වියදම් කිරීමය ......
රජය ඉදිරිපත් නොවන නිසා එය පෞද්ගලික ආයතනයකට දුන්නේය ...... එය 'හියු ඉන්ටනැෂනල්' නම් විය ..... එහි හිමි කරු දුලාංජලී ප්‍රේමදාසගේ මාමණ්ඩියයි ...... වෙනත් මාර්ග වලින් මා ඔවුන් හා සම්බන්දකම් ගොඩ නගමින් සිටියේය ......
එහෙත් පෙබරවාරි මාසය වන විට ඔවුන් එය අත හැර දැම්මේ 'රටක්' ලෙස ලොවක් ජයගන්නට තිබූ අවස්තාවක් ලක් මවට අහිමි කරමින්ය ........
එදා 'හරකෙක්' වෙනුවට ....... 'මිනිසෙක්' තානාපති ලෙස ඇවිත් සිටියේ නම් ...... මේ 'එක්ස්පෝ' අභියෝග ජය ගැනීමට අපේ ඉල්ලීම වූ කමිටුව පත් කරනු ඇත ..... එසේ වී නම් මිලානො වෙසෙන දැහිතකාමී මිනිසුන් මේ අභියෝග ජය ගැනීමට උදව් කරනු ඇත .......
අපේ රටට මේ අවස්තාව නොවටිනා උනත් ..... ඉතාලියට ලංකාව වටී ..... ඒ නිසා ඉතාලි රජය ඔවුන්ගේ වියදමින් හැදූ ඉතා කුඩා කුටියක් ලබා දුන්නේය .......
දැන් ඒ සදහා මැති ඇමතීන් එයි ..... තානපති කාර්යාලයේ නිලධාරින්ද එයි ..... තවත් රජයේ නිළධාරින්ද එයි ....... මේ සදහා වියදම් දරන්නේ ඉතාලි රජය නොවේ ...... අපිද දායකවූ යහපාලන රජයයි ..... රජයේ මුදල් යනු ජනතා මුදල්ය ........ ඒ නිසා එහි වෙන්නේ කුමක්දැයි කියා දැන ගැනීමේ අයිතියක් රට වැසි සැමට ඇත ........ එසේම ලාංකිකයින්ගේ සම්පත් ඒක රාශී කොට රට වෙනුවෙන් යොදා ගැනීමද පාලක කාගෙ කාගෙත් වග කීමකි ..... එහෙත් මෙයට දායක වී ඇති අයගේ හැසිරීම් ගුප්තය ......... ඒ ඔවුන් කෙලවා ගෙන ඇති නිසාය ......
දැන් අපිට අවශ්‍යව ඇත්තේ කෙලවුනු තැන සෙවීම නොව ....... නැවත නැගී සිටිමටය ...... ඒ නිසා 'සයිබර්' අවකාශයේ දෑ හිතකමී ඔබේ අදහස් යෝජනා ඉදිරිපත් කරන්න .......ඒ මාස 6න් මාසයක් කාදමා ඇතත් තවත් මාස 5ක් ඉතිරිව ඇති නිසා .......
මේ 'රට' 'රට කරවන' උන්ගේ නොව ...... අපගේ බව අපි තේරුම් ගත යුතුය ..... 'රට' කරවන හා කරපු උන් කල හා කරන ජඩකම්, ගොංකම් හා හොරකම් වලට ගෙවන්නේ අපය .......(ස්තූතිය රවී සොයිසා මහතාට)

 මේ වෙද්දී යහපාලන නඩය එක්ස්පෝ බලන්න ඇවිත් බුකියේ සෙල්පි දමමින් සිටී,,ඒත් එකෙක්වත් ඉතාලියෙන් අපිට නොමිලේ දුන්නු පකිස් පෙට්ටිය ඉස්සරහා සිට සෙල්පි නොගනී,අනෙක් රටවල කුටි ඉස්සරහා සිට සෙල්පි දමමින් සිටී,යහපාලකයන්ගෙන්වත් මේ වනතෙක් කිසිම සැලසුමක් පෙනෙන්න නොමැත,උන් සෙල්පි දමන්න විතරක් ජනතා මුදලින් ටුවර් දාගෙන ප්‍රදර්ශනයට පැමිනෙමින් තියනවා,අපිට මේකෙන් ප්‍රයෝජනයක් තියනවද කියලා හිතෙන්නෙ නෑද කොහෙද?ආරම්භක උත්සවයේදී මිලානෝ නගරයේ සිටින අපගේ නැටුම් කණ්ඩායමක් නැටුමක් ඉදිරිපත් කර එයට ඉහල ප්‍රතිචාර ලැබුනා.ඊට අමතරව අපේ රටේ ප්‍රධාන සංචාරක ආයතන කීපයක් මේ කුටියේ සිට ස්ංචාරක ප්‍රවර්ධන වැඩසටහනක් පවත්වාගෙන යනවා,,,එහි යම් මූලිකත්වයක් දමිළ ජාතියෙක් විසින් සිදු කරන්නේ.මේ වගේ අවස්තාවලින් ප්‍රයෝජනයක් නොගන්න මිනිස්සු අපේ රට දියුණු කරාවිද?

සාන්ත පියෝ පියතුමා සහ ඇග්‍රි ටුවරිෂම්.....

 පහු ගිය පාස්කු නිවාඩුවට මම පොඩි චාරිකාවක් ගියා,ඒ ඉතාලියේ ජනතාව අතර ප්‍රසිද්ධ සාන්තු වරයෙක් වෙන  පියෝ පියතුමාගේ ගමට එතුමා වාසය කරපු පල්ලිය බලන්න,සිසිලි දූපතේ ඉදන් 650km විතර ඈත ගමනක්,රෑ පිටත් වෙලා උදේ අපි ඒ පල්ලියට ලගා උනා ඉතාලියේ පෙරූජියා දිස්ත්‍රික්කේ පෝජ්ජියා කියන ප්‍රදේශයේ සන් ජොවන්නි රොතොන්දෝ කියන ගමේ තමා මේ පල්ලිය පිහිටලා තියෙන්නේ,,හරිම ලස්සන නිස්කලංක පරිසරයක් මේ පලාතම,, සෑම බිම් අගලක්ම නොයෙක් වගාවන්ගෙන් පිරිලා,ඒ එක්කම විදුලිය නිපදවන සුලං බලාගාරත් කීපයක්ම දකින්න හම්බුනා,බලන්න ලස්සනයි සෑම තැනම මොකක් හරි වගාවකින් පිරිලා තියනකොට,,ඒ එක්කම මේ පල්ලිය නිසාම ලෝකෙ පුරා එන සංචාරකයින් වෙනුවෙන් ඒ පරිසරයට හානියක් නොවෙන ලෙස හෝටල් කර්මාන්තයත් බහුලව දකින්න ලැබුනා,,ඇග්‍රී ‍ටුවරිශම් මම මොකද්ද කියලා දැක්කේ මේ ප්‍රදේශයෙදී,පල්ලියට එන සෙනග නිසා මේවට හොද තත්වයක් තියනවා,,කෑම බීම හැමදේම ඒ ගොවිපලේම නිපදවෙලා ඒවා සංචාරකයින්ට විදින්න ලැබීම ලස්සනටම සිදු වෙනවා.
පියෝ පියතුමා ගැන පොඩි විස්තරයක් කියනවා නම්

                                      මේ ඉන්නේ පියෝ පියතුමා
1887 මැයි මස 25 දා  ඉතාලියේ උතුරු නාපොලි නගරයේ පියෙත්‍රෙල්විනා ගමේදී පියෝ පියතුමා දුප්පත් ගොවි පවුලක  උපත ලබලා තියෙන්නේ. අවුරුදු 16 දි ප්‍රැන්සිස්කන් නිකායට ඇතුලු  වෙලා 1909 දි පූජකවරය ලැබුවා, පූජකවරයෙන් වසරකට පස්සෙ තම දෑත් වල ගැඹුරු වේදනාවක් ඔහුට ඇති වෙලා තියනවා. පස්සේ අත් දෙකේ සහ කකුල් දෙකේ තුවාල ජේසු තුමාව ඇණ ගැසූ ආකාරයට සිදු උනු ශ්‍රී වණ කැලැල් ලෙස පරිවර්තනය වෙලා තිබුනේ.ඒ එක්කම ලේ ගැලීම් ඒ තුවාල වලින්.
ඒ දර්ශනය පරිදි ඒසේම ලේ ගැලීමක් වසර 50 කාලයක් සිදු වෙලා තියනවා
කපුචින් ප්‍රැන්සිස්කන්වරු මෙය අනාවරණය කෙරුවා පස්සෙ මාධ්‍ය තුලින් ලෝකයාට දැනගන්නට ලැබුනා මේ අතර එතුමා ජිවත් වූනු දකුණු ඉතාලියේ ෆොජ්ජියා හී සාන්ත ජොවන්නි  රොතොන්දො නගරයට, එතුමාගේ පුජාව සඳහා දස දහස් ගණන් පැමිනෙන්නට පටන් අරගෙන තියනවා.මේ ගැන වතිකානය පරීක්ෂණ ඇරබුවා ඊට පස්සෙ,
කීප වතාවක්ම එතුමාට වතිකානුවෙන්ම බලපෑම් ආවා,කොටින්ම පූජාවක් තියන එක පවා නවත්තලා තියනවා, ඒත් කල් යත්ම ඒ සිදුවීම සියල්ල වෙනස් වෙලා තියනවා,ඉතාලිය පුරා ගිය මේ සිදුවීම් නිසා ජනතාව දාස් ගනනින් පියෝ පියතුමා වෙත එන්න අරගෙන තියනවා,,පස්සෙ ලෝකෙ පුරා මෙතුමා ජනප්‍රිය උනා.

1968 සැප්තැම්බර් 23 උදෑසන එතුමාගේ අත් පා වල තිබුනු තුවාල සුව වෙලා තියනවා,,ඒත් එදින  එතුමා ස්වර්ගස්ථ උනා.
මෙතුමා මෑත කාලේ ජීවත් උනු කෙනෙක් නිසාම ඉතාලියේ නිර් ආගමිකයින් පවා මෙතුමාට ගරු කරනවා,ඒ එක්කම අදටත් මෙතුමා ලගට ගිය මිනිස්සු තාමත් ජීවත් වෙන නිසාත් එතුමා ඇසුරු කරපු අය සිටින නිසාත් ඒ අයගේ කතා නිසා අදටත් මිනිස්සු ඉතා ගරු කරනවා.
                                      

                                            මේ අලුත් පල්ලිය
මෑත කාලයේ නිර්මානය කරපු පල්ලියත් ඉතා ලස්සනයි, පැරනි පල්ලිය වෙනසක් නොකර අලුතෙන්ම වෙනම පල්ලියක් හදලා තියනවා,,ඒක නම් රෝම සම්ප්‍රදායට හදපු පල්ලියක් නෙමේ,,ඒත් එක්කම මොසයික් ක්‍රමයට සිතුවම් විශාල ප්‍රමානයක් නිර්මානය කරලා තියනවා. මෑත කාලයේ ගොඩ නගපු පල්ලි වල මේ මොසයික් චිත්‍ර ක්‍රමය බහුලව යොදා ගන්නවා
                                     

                                   

          මට මේ ප්‍රදේශයේ සංචාරක කර්මාන්තය දකිනකොට හිතුනේ අපේ රටෙත් ආගමික පරිසරයට අනුකූලව ඒ කර්මාන්තය කොච්චර දියුනු කරන්න පුලුවන්ද කියලා,,,මේ ප්‍රදේශයේ සමහර හෝටල් වල ආගමික වැඩසටහන් පවා ක්‍රියාත්මක වෙනවා කියලා අහන්න හම්බුනා,අපේ රටටත් පොඩ්ඩක් ආගමික පැත්ත බලලා මේ සංචාරක කර්මාන්තය දියුනු කරන්න ලේසියෙන්ම පුලුවන්,,බලන අයගෙන් බැනුම් අහන්න හරි කෙලින්ම කිවුවොත් බුදු දහම අපිට මේකට යොදන්න පුලුවනි,,දහමට හානියක් නොකර,,තායිලන්තෙ මේ දේ කරනවා කියලා කියන්න දෙයක් නෑ නේ,මේක කිවුවා කියලා ඇනෝලා රෙදි උස්සගෙන නම් එන්න එපා,,ඔන්න මම ගියා...

හිරේ ගියෙමි..

එදා පොලිසියෙන් මගේ ගෙදරට තට්‍ටු කරද්දී පාන්දර 4, පස්සෙ තමා දැන ගත්තේ එදා පාන්දර 4 අපි සෙට් එකේ අනිත් 6 දෙනාවත් පාන්දර 4ට  පොලිසියෙන් අරන් තිබුනෙ කියලා.තවත් ටීම් එකක් එක්ක තිබුනු ගහ ගැනිල්ලක් දුර දිග ගිහින් අපි සෙට් දෙකම ඒ වෙනකොට ඉතාලි පොලිස් පොතේ නම් ගිහින් තිබ්බෙ. සමහර අයගේ නවාතැන් බලපත් පවා පොලිස් භාරයේ තිබුනේ,කොහොම හරි අවසන් පාරට අපේ සෙට් එකේ ලොකු අයියා උගෙ මල්ලි වයිප්ලා එක්ක ගෙදර ඉද්දී අනික් ටීම් එකේ සෙට් එක ගැණු මිනිස්සු ලොකු පිරිවරක් ඇවිත් දරුණු ප්‍රහාරයක් එල්ල කෙරුවා,කොටින්ම අපේ සෙට් එකේ අරුන් දෙන්නගේ ගෑණුන්ට පවා ස්පිරිතාලේ යන්න වැඩ සිද්ද උනා,,ඒ සීන් එකේදී අරුන්ගෙ සෙට් එකේ 3ක් පොලිසියෙන් ඇරෙස්ට් කලා.ඔහොම දවස් කීපයක් යද්දී තමා අපේ ලොක්ක උන්ගෙ මල්ලි එක්ක යද්දී අරුන්ගෙන් එකෙක්ව තනියම පාරෙදි සෙට් වෙලා තියෙන්නේ, මේ යක්කු දෙන්නා අරූව බලෙන් කාර් එකට ඔබාගෙන්,ඕක දැකපු පාරෙ ඉතාලි පොරක් පොලිසියට කියලා කාර් එකේ නම්බරෙත් එක්කම,මගෙත් අවාසනාවට එදා සවස ලොක්කගෙ ගෙදර ගියා එතකොට අරූව පු‍ටුවක තියලා සෙලෝටේප් ගහලා හොද පාඩමක් උගන්නන්න කියලා,,මොනා කරන්නද මම ගිහින් විනාඩි 5ක් ගියෙ නෑ පොලිසියෙන් පැන්නා,,එදා අපි සෙට් එකම දවස් කීපයක් පොලිසියෙ ඉදලා තමා ආයෙ ගෙදර ඇවිල්ලා උන්නෙ,පස්සෙ දවස් කීපයකට පස්සෙ තමා අර විදිහට පාන්දර සෙට් එකවම ඇරෙස්ට් කලේ,අපේ සිටි එකේ 5ක් එක්ක අනික් එකා උන්නේ මිලාන් නගරෙයේ මෙහෙන් පෑනලා ගිහින්,,මම ඊට ඉස්සරින්දා රෑ ඌට කෝල් කලා,,ඒක පොලිසියෙන් නෝට් කරලා අරූ ඉන්න ගෙදරටම ගිහින් අපිව ගත්තු වෙලාවටම අරූවත් අරගෙන තිබුනා,
 ඒ වෙද්දී අනික් සෙට් එකේ උන් අපිට කේස් වැටෙන්න බොරු පැමිනිලි ලෝඩ් එකක් දාලා තිබ්බෙ,සමහර ඒවා බොරු කියලා පොලිසියටම දැන ගන්න පුලුවන් උනේ සමහර පැමිනිලි වල දින වල අපි පොලිසියෙ උන්නු නිසා.ඒත් අරූව පැහැර ගත්තු කේස් එකට අපිව ඉක්මනින්ම අවුරුදු 2ට හිරේ යන්න තීන්දු උනා,,තවත් නඩුවක් ඉතුරු උනා.
තට්‍ටු දෙකක් උනු ඒ බිල්ඩිමේ පහල තට්‍ටුවට අපි සෙට් එකවම වැ‍ටුනා,කාමර 45ක් තිබුනු ඒ තට්‍ටුවේ එක කාමරේකට හිරකාරයෝ දෙන්නයි,මාව අපේ ලොක්කා එක්කයි වැ‍ටුනේ,අනික් උනුත් අපිට අල්ලපු කාමරවලටම වැ‍ටුනෙ,ඒත් දවස් 5යි මම අපේ උන් එක්ක උන්නේ,නොයෙක් මත ගැ‍ටුම් නිසා මම තීරනේ කලා උඩ තට්‍ටුවට මාරුවක් ගන්න.
ඔය මාරුවක් ඉල්ලලා ඒ බිල්ඩිම බාරව ඉන්න ජේලර්ට ඉල්ලීමක් ඉදිරිපත් කරාම පොර උඩ තට්‍ටුවේ කාමරේක ඉඩක් ආපු ගමන් මට මාරුව හදලා දුන්නා,එදා ඉදන් මම උන්නෙ උඩ තට්‍ටුවේ මගේ කාමර සගයා ඉතාලි කොලුවෙක්,ඌ හරි හොද එකා,,මට හිර ගෙදර තියන නීති එතකොට හිරකාරයෝ අතරේ තිබ්බ නීති අපි කොහොමද සිටිය යුත්තේ කියන ඒවා විස්තර කරලා දුන්නේ ඔය කොලුවා.
උදේ 8 වෙද්දී අපි පිරිසිදු වෙලා කෑමට ලැස්ති වෙන්න ඕනා,උදේ 9 වෙනකන් නිදා ගැනීම තහනම්, නිදි නම් ඒ යම් කිසි අසනීපයක් නම් විතරයි ඒත් අස්නීපයක් නම් හැමදාම උදේ 8.30 එන දොස්තරට ලෙඩේ කියන්න ඕනා, හිර ගෙදර අපිට පොයින්ට් හම්බෙන කාඩ් එකක් තියනවා 9 වෙනකන් නිදියලා අහු උනොත් ලකුනු කැපෙනවා, උදේ කිරි,තේ කෝපි හම්බෙනවා කාමරේටම ඒවා එනවා ට්‍රොලියක,ඒ වගේම තමා දවල් ‍රෑ කෑමත් කාමරේටම එනවා,ඒවා පිලියෙල කරන්නෙත් හිරකාරයොමයි.
ඉතාලි හිරේ කෑම ගැන කියනවා නම් කෑම අජූතයි,තනිකර වතුර,කිසි රසක් නැති, උදේට සමහර දවසට කිරිත් එහෙමයි, ඒත් මෙහ මරු ක්‍රමයක් තියනවා,අපි හිර ගෙදරට එද්දී අපිට සල්ලි එකවුන්ට් එකක් හැදෙනවා,ඒකට අපේ ගෙවල් වල අයට සල්ලි පුරවන්න පුලුවන්,ඒ සල්ලි වලින් දිනපතා එන ට්‍රොලි කඩෙන් ඕනම දෙයක් සල්ලි වලට ගන්න පුලුවන් කෑම බීම වර්ග,,හැබැයි එලියෙ තියන මිලට වඩා ඩබල් මිලක් සේරම දේවල්,හිර ගෙදර කෑම චාටර් කරලා,කෑම සල්ලි වලට විකුනන සිස්ටම් එකක් එතන තියෙන්නේ,සවස අපි අපට හෙට ඕනා කෑම බීම වර්ග ලියන කොලේ මාක් කලාම හෙට ට්‍රොලිය එනවා ඒ බඩුත් එක්ක,,අපේ බඩු චෙක් කරලා අරගෙන,ට්‍රොලියේ සේවකයට දැනුම් දෙන්න ඕනා බඩු හරි කියලා අඩු නම් ඒත් දැනුම් දෙන්න ඕනා,,පස්සෙ අපේ සල්ලි අකවුන්ට් එකෙන් සල්ලි කැපෙනවා.අනෙක් අයත් සමග කෑම බීම බෙදා හදාගෙන කෑමත් කරනවා,,ආ කියන්න අමතක උනා අර කැම්ප් ලිප් අර ට්‍රොලියෙන් සල්ලි වලට ගන්න පුලුවන් කෑම උයා ගන්න.
අපිට දවසට දෙපාරක් එලියට යන්න දෙනවා බිල්ඩිම ලග තියන පොඩි පිට්ටනියට පැය භාගයක් විතර,ඒක අපේ තට්‍ටුවේ අයට විතරයි,අනෙක් තට්‍ටුවෙ අයට වෙන වෙලාවක්,ඒ යන වෙලාවට විතරයි මට අපේ අනික් අය එක්ක කතා කරන්න හම්බුනේ,
උදේ කැමෙන් පස්සෙ අපි අනිවා අපේ කාමරේ සුද්ද කරන්න ඕනා,, ඒක හිරකාරයන් අතර තියන නීතියක්,ඒක චෙක් කරන්න හිරකාරයෙක්ම උන්නා,,ඉතා පිරිසිදුව සුද්ද කරන්නම ඕනා,,සුද්ද නොකලොත් අර අපේ පොයින්ට් කාඩ් එකේ ලකුනු කැපෙනවා,කාමරේට පොඩි කොමඩ් එකක් මූන හෝද ගන්න පහසුකම තියනවා,නා ගන්න නම් නාන හෝල් එක වෙනම තියනවා තට්‍ටුවට එක ගානෙ,ඕනා වෙලාවක නාගන්න,රෙදි හෝද ගන්න පුලුවනි,කොහොමත් අපේ තට්‍ටුවේ අපිට කාමරෙන් එලියට යන්න ඇවිදින්න පුලුවන්,තට්ටුවේ කොරිඩෝව දිගේ.
මේ හැම තට්‍ටුවකටම හිරකාරයො අතරේ නායකයෙක් ඉන්නවා මෙතන කොහොමත් මිනිමරුවන් වගේ දරුනු අපරාදකාරයෝ,මාපියාකාරයෝ එහෙම නෑ ඒ අයට වෙනම කාමර තියෙන්නේ,නෝමල් වැරදිකාරයො තමා අපේ බිල්ඩිමේම දඩුවම් වින්දෙ,තට්‍ටුවේ නායකයා තට්‍ටුවේම සමගිය පිලිවෙල හසුරවනවා,,කාත් එක්ක හරි ගහ ගත්තොත් ඒක හිර ගෙදර ජේලර්ලට පැමිනිලිකරන්න තහනම්,නායකයට පැමිනිලි කරලා කේස් එක විසද ගන්නවා,,සමහර වෙලාවට මිනිහම තමා ගහ ගන්න ඒවා නවාත්තන්නේ,
මම කොහොමත් පාඩුවේ උන්නේ මහ එපා කරපු උන් හිටියා අපේ තට්‍ටුවේ,,අපි විදේශිකයෝ නිසා එක එක කරදර කරපු උනුත් හිටියා ඒත් ඒ හිරේට ආපු මුල් මාසෙ විතරයි,මම සේරමන්ටම උදේ රෑ සුභ පතලා අඩු කතා බහෙන් සේප් එකේ උන්නා,කීප වතාවක්ම මට තට්‍ටුවේ කාමර කීපෙකටම මාරු වෙන්න උනා,,ඒ තට්‍ටුවේ එකෙක් එක්ක හිතවත් උනාම, උගේ කාමරේ එකා නිදහස් වෙලා ගිහාම ඌ මට කතා කරනවා උගේ කාමරේට එන්නයි කියලා,,මම ඉතින් සුහදකම නිසා එහෙම අනික් කාමර වලට ගියා කීප වතාවක්ම.
ඉතාලි හිර ගෙදර දඩුවම් කාලය අවුරුද්දක් නම් ඒකෙන් මාස 3ක් අඩු වෙනවා එතකොට අවුරුද්දට මාස 9 දඩුවම් විදින්නෙ,,අර පොයින්ට් කාඩ් එක චාටර් නම් ඒ මාස 3 අඩුව හම්බෙන්නෙ නෑ තවත් මාස වැඩි වෙනවා මිසක්,උදේ සවස දොස්තර එනවා,ඉරිදටා ක‍තෝලික පාදර් කෙනෙක් එනවා,ඉරිදට නම් දවල් කෑම වේල පොඩ්ඩක් හොදට එනවා,දවස ගානෙ විනාඩි 10ක් ගෙදරට කතා කරන්න පහසුමක් තියනවා ඒකට නම් පොඩි අයකිරීමක් උනේ,අර අපේ සල්ලි අකවුන්ට් එකෙන් සල්ලි කැපුනා,අවුරුදු 2ට හිරේ ගියාට මාස 18න් අපිට නිදහස හම්බුනා,පොයින්ට් කැපුනු නැති නිසා,අනෙක් නඩුවට ගේන්න ඊට ඉස්සරින්දා දැනුම් දෙනවා උදේට ලැස්ති වෙලා ඉන්න කියලා උසාවි යන්න,
ඔහොම තමා ඉතාලි හිරගෙදර දවස් ගෙවුනේ,උදේ වෙනවා රෑ වෙනවා,දවසට පැයක් ඉර එළිය දකින්න හම්බෙනවා,කොහොමත් හිරකාරයන්ගේ පහසුකම් ඉතා ඉහලයි,ඒත් ඉතින් හිරකාරයන්ගෙන්ම හොද ආදායමක් ගන්නවා ඇති,බිල්ඩිමේ තට්‍ටුවේ අතර විතරයි සබදකම් පහල තට්‍ටුව සමග කිසි සබදකමක් නැ,,කවුරු හරි කෙනෙක් නිදහස් වෙලා යනවා නම් තට්‍ටුවේ සියලු දෙනා ‍රැස් වෙලා කෑ ගහලා සුභ පතනවා,එදා මගේ අවසන් දිනයදා මටත් ඒ වගේම ඉහල සුභ පැතුම් හම්බුනා.




-පහු ගිය දවසක මට හම්බුනු පුද්ගලයෙක්ගේ කතාවයි.අප පිට රටකට එන්නේ යම් දෙයක් හම්බු කරගෙන යන්න මිසක් එක එකා සමග ගහ මරාගෙන හිරේ යන්න නොවන බව මේ මිනිස්සුන්ට තේරෙනකොට කාලෙ ගිහින් ඉවරයි,ඉස්සර ඉතාලියේ පොඩි වරදක් කරලා අසු උනොත් පි‍ටුවහල් ක්‍රමයක් තිබුනේ ඒත් අද පවතින රටේ ආර්ථික ගැටලු නිසා පි‍ටුවහල් කිරීම නැවතිලා,මේ පුද්ගලයා සමග මම කල කතාවෙන් මට තේරුනේ මිනිහා දැන් නම් හැදිලා කියලා,නරක මිතුරන් ඇසුර නිසා වසර 2ට ආසන්න කාලයක් අපරාදෙ නාස්ති කර ගත්තා,මිනිහා ඉස්සර හොදට ‍රැකියාව කරන් හිටි එකෙක්,,ඒත් නරක ඇසුර බීමත්කම,චන්ඩිකම ප්‍රදර්ශනය කරන්න ගිහින් හොද දඩුවමක් වින්දා,තවත් නඩුවක් ඉතුරු වෙලා තියනවා,ඒක නම් අහක යාවිලු,,මොකද අනෙක් කන්ඩායමේ උන් උසාවි එන්නෙ නෑලු,සාක්කි එකෙන් එක පරස්පර සාක්ශි ලු,ඒ එක්කම ඒ කස්ටියටත් ඉහත දඩුවම් විදි කණ්ඩායමේ කාන්තාවන්ට රෝහල් ගත වෙන්න පහර දීමේ නඩුව ඉවර වෙන්න ලග වගේම ඒකෙන් කීප දෙනෙක්ටත් ඉහත පුද්ගලයා වගේම හිර දඩුවම් විදින්න වේවි කියලයි මා සමග කතා කල පුද්ගලයා කිවුවේ.
ඉතාලියේ තියන නිදහසෙන් මේ විදේශිකයින් අයුතු ප්‍රයෝජන ගන්නවා කියලයි මට හිතෙන්නේ,ඒත් ඉතින් හිරකාරයන්ගේ බොහෝ වියදම් හිරකාරයින්ගෙන්ම කවර කිරීමකුත් වෙනවා,,ඒක හොද දෙයක්,මැත කාලෙක ඉදන් නම් මා සිටින නගරයේ මේ ගූ කේස් අඩු උනා,,මේ සෙට් එක හිරේ ගිය නිසාඅ, දැන් අනෙක් උනුත් දඩුවම් විදින්නම ඕනා,,එතකොට අනෙක් උනුත් හැදේවි.-

සුභ නත්තලක් වේවා!!!

ලැබුවා වූ නත්තල සියලු ලෝකවාසීන්ටත්,අපේ රටටත්,මගේ බ්ලොගට එන සියලු දෙනාටත් සාමයෙන් සතුටින් පිරි සුභ නත්තලක් වේවා!!!

සෙක්සි ජනාධිපතිතුමියක් වත් ආවා නම්....

                                                    ඒ පැත්තෙන් මේ පැත්‍තට..
                                      මේ පැත්තෙන් ඒ පැත්තට..
                                      මාරු වෙවි එහෙට මෙහෙට..
                                      ඉන්නවාට වඩා හොදනේ...
                                      මේ වගෙ කෙනෙක්..
                                      ආවානම් රට කරන්න...
                                      ඔක්කොමල්ලා එක පැත්තක..
                                      ඉදිවි යස අපුරුවට....

 16 වන ඉතාලි ඇමති මණ්ඩලයේ ලස්සනම කාන්තාව තමා මේ,මරිය එලේනා බොස්කි මෙනවිය වයස 33, ඉතා දක්ශ නීතිවේදිනියක්,ඉහත ලස්සන පොටෝවේ ඉන්නෙ ඇය, මුල් පොටෝව තමා එතුමිය පාර්ලිමේන්තු කටයුතු ඇමතිනිය ලෙස ඉතාලි ජනාධිපති ජෝර්ජෝ නපොලිතානෝ මහතා ඉදිරියේ දිවුරුම් දී අත්සන් කල අවස්ථාව,නපොලිතානෝ මහතා අසල සිටින්නේ ඉතාලි අගමැති මතයෝ රෙන්සි මහතා

කෙලවල්ලාට කෙලවීම....

අන්තිම පෝස්ට් එකේ මම ශ්‍රී ලංකා අපනයනය ගැන ලියද්දී මාළු අපනයනය සහ ඉදිරි කාලයේදී අපේ රටෙන් යුරෝපා වෙළදපොලට මාළු අපනයනයට තහංචි වැටෙන්න යන බව ලිවුවා. ඒ පෝස්ට් එක කියවපු මගේ හිතවතෙක් මේ ප්‍රශ්නය ගැන යම් තොරතුරු  කීපයක් එක්ක මාව දැනුවත් කලා. මේ පෝස්ට් එක ලියන්න හේතු උනේ ඒ තොරතුරු සහ මගේ තවත් හිතවතෙක්ගෙන් දැනගත් තොරතුරු. මේ දෙදෙනාම මාළු සම්බන්ධ දැනුවත් දෙදෙනෙක්.

කෙලවල්ලා

අපේ රටෙන් යුරෝපා වෙළදපොලට පැමිනෙන ප්‍රධාන මාළු වර්ග කීපයක් ඉන්නවා කෙලවල්ලා, සප්පරු ඊට අමතරව කොරල් පර මාලු විදිහට ගරුප, ගල් කොස්සා, ලවයා ඒ අතරිනුත් කෙලවල්ලා තමා බහුතරවම අපනයනය වෙන්නෙ,මේ බහුතර කෙලවල්ලා මාළු අපනයනය. යුරෝපයට දෙවනියට වැඩිම මාළු සපයීම අපේ රටෙන්, මගේ හිතවත් මීගමු ප්‍රදේශයේ මූදු යන හිතවතෙක් කිවුවෙ ඔවුන් බහුදින යාත්‍රා වලින් කිලෝ1500 ට වඩා කෙලවල්ලන් අල්ලනවා කියලා,ඒ මාලු සියල්ලම අපනයනයට බාර දෙනවා කියලයි ඔහු පැවසුවේ, හිතා ගන්න පුලුවන් නේ එතකොට අපේ රටෙන් පිට වෙන මාළු ප්‍රමානය.

සප්පරු

        අපිට ඇයි මාළු අපනයනයට තහංචි වැටෙන්නේ, ඒ අපේ රටෙන් මේ වෙද්දී සිදු වෙන්නේ නීති විරෝධී ධීවර කර්මාන්තයක්, ප්‍රධාන වශයෙන් ධීවර යාත්‍රාව චන්ද්‍රිකා තාක්ශනය භාවිත කලයුතුයි අපි දන්න විදිහට ජීපීඑස් තාක්ශනය භාවිත කරන්න ඕනා, එම තාක්ශනය ධීවර කර්මාන්තයේ හදුන්වන්නෙ VMS තාක්ශනය කියලා, ඒකෙන් ඒ යාත්‍රාව සාගරයේ කොහෙද තියෙන්නේ කියන එක හොයා ගන්න පුලුවන්, ඊට අමතරව බහුදින යාත්‍රා ලොග් පොතක් භාවිත කරන්න ඕනා, ඒකේ අල්ලන මාලු ගැන සියලුම තොරතුරු ලියන්න ඕනා, එය මාලු අපනයනය එක්ක යැවිය යුතුයි, අපේ අය කරන්නේ බොරු ලොග් පොත් හදා යැවීම, ඔයාලට මතක ඇති සුනාමියෙන් පස්සෙ අපිට ජී එස් පී + බදු සහනය ලැබුනා, එය මාළු අපනයනයටත් අදාල උනා,ඒත් ඒ සහනය අපේ ධීවරයට ලැබුනෙ නෑ, අතර මැදියන්ට මිසක්,  අපේ රටේ බලධාරීන් හිතන් ඉන්නේ යුරෝපා බලධාරීන් මේ දේවල්  නොදන්නවා කියලා ඒත් මේ දේවල් සියල්ල ඔවුන් නිරීක්ශනය කරනවා.
       ඉහත කියපු දේට අමතරව ඉතාමත් කැත වැඩකුත් සිදු වෙනවා අපේ දේශපාලුවෝ කියන නරකාදී පිරිසත් එකතු වෙලා, ඒ ශ්‍රී ලංකා කොඩිය යටතේ රහසින් චීන, ජපන් විශාල නැව් අපේ රටේ සහ ජාත්යන්තර මුහුදේ නීති විරෝධී විදිහට මාළු අල්ලා ලංකාවට ගෙනවිත් මේඩ් ඉන් ශ්‍රී ලංකා නාමය යටතේ යුරෝපයට මාළු යැවීම, මේ යාත්‍රා වලට ධීවර අමාත්යංශෙන් අවසරය දීලා පුරාජේරු ගහනවා අපේ රටට විශාල විදේශ විනිමයක් එනවා කියලා,, ඒත් වෙන්නෙ ඒකේ අනික් පැත්ත, තක්කඩි දේශපාලකයන්ගේ සාක්කුවට ගාන නම් වැටෙනවා, මේ කැත වැඩ පටන් ගත්තු එකා නම් ඒවා කාලා ඇදේ තාමත් පව් ගෙවන බවත් ඔයාලා දන්නවා ඇති, දැන් එකා තමා මේ සෙල්ලම් දාන්නේ ඌටත් ගෙවන්න වේවි මේ රටට කරන දේවල් වලට, තව කවුරු කවුරු ඉන්නවද දන්නෙ නෑ මේ අස්සෙන්.
මේ විශාල යාත්‍රා වලින් මාළු ඇල්ලීම සිදු කරන්නේ ලෝකයේ තහනම් මාළු ඇල්ලීමක් වෙන පර්ස් නෙට් පන්නය කියන ක්‍රමය, සිංහලෙන් හැබිලි දැල කියන්නේ මේකට,,ඒකෙන් පලාතකම ඉන්න මාළු පැටියගේ ඉදන් විශාල එකා දක්වා හැම එකාම අහු වෙනවා.
       මෙතන වෙන අනික් දේ තමා,,මේ නැව් විසින් අපේ රටේ අපනයන කරුවන්ට අඩු මිලට මාළු සැපයීම,,ඒ නිසා අපේ රටේ කුඩා යාත්‍රා කරුවන්ගේ මාළුන්ට දෙවන තැන හම්බෙන්නේ.අනෙක් දේ තමා යම් තහනම් මාළු වර්ගත් මේ නැව් වලින් අල්ලනවා,,ඒ අතර කෙන්දා කියන කෙලවල්ලන් වර්ගයත් ඉන්නවා,ඇස් ගෙඩි කෙලවල්ලා යන නමින් හදුන්වන්නෙත් මේ කෙන්දව,මේ කෙන්ද ලෝකෙන් වදවීමේ තර්ජනයට ලක් උනු මාළුවෙක් එවැනි මාලු අපනයනයෙදි කෙන්දට අදාල විස්තරයක් අඩංගු පත්‍රිකාවක් ඉදිරිපත් කරන්න ඕනා,,ඒක හදුන්වන්නේ අයි කැට් නමින්,දැනට සප්පරුවා සදහා මේ ලියවිල්ල අපනයනයෙදි ඉදිරිපත් කරනවා නමුත් කෙන්දා අපනයනය සිදු වන්නේ කෙලවල්ලා විදිහට ඉතින් අර ලියවිල්ල යැවෙන්නෙ නෑ.
                                      

කෙන්දා

    දැන් මේ දේවල් යුරෝපයට ලීක් වෙලා තියෙන්නේ,ඉතින් යුරෝපෙන් 2012 දී අපිට මේ වැරදි හදා ගන්න ඕනා කියලා යෙලෝ කාඩ් දෙනවා,,අපේ රටෙන් ඒවා සතේකට ගනන් ගත්තෙ නෑ,,දැන් රෙඩ් කාඩ් ඇවිල්ලා තියෙන්නේ මාස 3ක් කල් දීලා.ඉදිරිය මොනා වේවිද කියලා හිතා ගන්න පුලුවන් නේ.යුරෝපා සංගමෙන් බලාපොරොත්තු වන්නේ අපේ රටට අයිති සාගර කලාපයේ අපේ රටේ යාත්‍රා වලින් නීත්යානුකූලව අල්ලන මාළු මිලදී ගන්න,ඒත් මේ වෙනකොට චීන්නු අපේ රටේ මාළුත් සූරන් කනවා.
        පහු ගිය දවස්වල අපේ රට කන දේශපාලුවෝ ලොකු කතා නම් කියනවා ඔයාලට ඇහෙන්න ඇති අපේ මාළු ගන්න රුසියාව,චීනෙ ඉන්නවා කියලා,ඇත්ත යම් මාකට් එකක් එහෙත් තියනවා,නමුත් ඒ රටවල් සමග අපේ අපනයනකරුවෝ බිස්නස් කරන්න බයයි,මොකද උන් පල් හොරු නිසා,බොරුකාරයන් නිසා,යුරෝපා වෙළදපොල වගේ ස්තීර නැති නිසා.
             අපේ රටේ දේශපාලකයෝ බලධාරීන් මේ ප්‍රශ්නය ගනන් අරන් ඉන්නෙ ඉතා සැහැල්ලු මට්ටමකින්,නමුත් යුරෝපා සංගමේට තියෙන්නේ උත්තර දෙකයි Yes හෝ No ඒ මැද උත්තර නෑ,ආන්ඩුව හිතන් ඉන්නේ අතරමැද උත්තරයක්,එහෙම නැත්නම් ලංකා මාළු අපනයන සංගමෙන් මේ ප්‍රශ්නෙ ගොඩ දාගත්තොත් ඕං අපි ඒකත් ගොඩ දැම්මා කියලා ඒ අකවුන්ට් එක දේශපාලකයන්ගේ පැත්තට දාගන්න. මොකද මේ වෙනකොටත් අපනයන සංගමෙන් යුරෝපේ දහ අතේ දුවනවා මේ ප්‍රශ්නෙ විසදන්න හෝ වැරදි හදා ගන්න තව කල් ගන්න.
    අපේ රට යුරෝපේ දෙවනියට ලොකුම මාළු අපනයන කරුවා උනේ පොඩි කාලෙකින් නෙමේ,ඒත් පොඩි කාලෙකින් ඒ කීර්තිය අපේ රටේ දේශපාලකයෝ නැති කලා.මම ඉස්සල්ලා පෝස්ට් එකේ කියන්න ඇති මම මේඩ් ඉන් ශ්‍රී ලංකා යටතේ මොන තරම් ටූනා මාලු නොහොත් කෙලවල්ලන් ඉතාලියෙ කුඩා අවන්හල් වල්දී දැක්කද කියලා, මා වැඩ කරපු තැන්වලට ආවෙම අපේ රටේ කෙලවල්ලා,ඒ ඉතා රසවත් වගේම ප්‍රමිතියට ඒ මාළුන් සිටි නිසා,නමුත් මේ යන විදිහට ඉදිරියෙදි අපේ කෙලවල්ලට කුමක් වේවිද?අනෙක් දේ මේ සෑම දේකින්ම තැලෙන්නේ අහින්සක ධීවරයින් මිස වෙන කවුරුත් නෙමේ.මේ ධීවරයින්ට තාක්ශනය සපයන එක ලොකු දෙයක් නෙමේ,ඒවා සපයා ඔවුන්ට හුරු කල යුතුයි.
එහෙනම් බලමු ඉදිරි  මාස 3න් පසු කුමක් සිදු වේද කියා..