සුභ අලුත් අවුරුද්දක් වේවා!!!

ලැබුවා වූ අලුත් අවුරුද්ද කිරියෙන් පැණියෙන් ඉතිරෙන සුභම සුභ අලුත් අවුරුද්දක් වේවා සියලුම බ්ලොග් හිත මිතුරු මිතුරියන්ට.අවුරුදු සතුටත් එක්කම මට තවත් සතුටක් තියනවා,අද 14 මගේ බ්ලොග් එකේ දෙවෙනි උපන්දිනේ...බ්ලොග් එක පටන් අරගෙන අදට අවුරුදු 2ක් වෙනවා..තාමත් පුංචි දුකක් තියෙන්නේ මේ බ්ලොග් අවකාශයෙන් මට හමු උන එක මිතුරු මිතුරියන් කාවවත් තාම මගේ ඇස් දෙකෙන් බලා ගන්න බැරි උනු එක,,ආ ඒ උනාට ස්කයිප් හරහා දැක්කේ කීප දෙනෙක්වම.
මේ අවුරුද්දත් මට පිටරටකම ගෙවන්න උනා,දැන් අවුරුදු 5කින් අවුරුදු සිරිය මට බලා ගන්න බැරි උනා,අද පිටරටවල ඉන්න අය ඇත්තෙන්ම සතුටින් නෙමේ ඉන්නේ,පිටරටවල ඉන්න අය සාක්ශි දරයි ඒ හැගීම කොහොමද කියලා.මම ක‍තෝලිකයෙක් උනාට, අපි අවුරුදු සැමරුවා,නැකත් ඉ‍ටු නොකලට අපේ ගෙවල් වල කිරිබත් ඉදුනා අවුරුදු දවසේ,ඒ එක්කම අපේ ගෙවල් වලටත් අවුරුදු කෑම පිගාන ආවා,අපෙන් නත්තලට ඒ කෑම පිගාන ගියා ඒ ගෙවල් වලට, ඒත් අද අපි විදේශයක ඉදන් ඒ හැම දෙයක්ම නැවතිලා, ඒත් අපි ඉරිදා අවුරුදු සමරන්නයි ඉන්නේ,අවුරුදු කෑම මේසයක් අපි ලෑස්ති කලා හැම අවුරුද්දෙම ඒ අවුරුදු උත්සවය තිබුනු සතියේ ඉරිදා. ආ තව දෙයක් කියන්න අමතක උනා,22 අපි සයිබර් අවුරුදු උත්සවයෙදී මුණගැහෙමු. ජය වේවා සියල්ලන්ටම.