Pages

Monday, September 19, 2011

ගෘහස්ත ළමා හිංසනය


බයවෙන්න එපා මාතෘකාව ලොකු උනාට ,දහ අතේ කල්පනා කරලා මේක දැම්මේ ගැලපෙනවද මන්දා ඔන්න ඔහේ දැම්මා. ඔන්න එහෙනම් පටන් ගත්තා. පහු ගිය දවසක මට මෙහෙ ටීවී එකෙන් බලන්න ලැබුනා නිවුස් එකක් ස්කැන්ඩිනේවියා රටක පදිංචි වෙලා ඉන්න ඉතාලි ජාතිකයෙක්ව හිරේ යවලා,,ඉතින් අපිට මොකෝ නේ ඒත් මේකට හේතුව හරි අපූරුයි ,පාරෙදී තමන්ගේම පොඩි දරුවට පහර දුන්නා කියලා හේතුව, වැ‍රැද්දක් කරපුවහම තාත්තා ගහන්නේ නැතුව අල්ලපු ගෙදර ඉන්න එකා ගහන්නද කියලයි මට හිතුනේ,කොහොමහරි මේ තාත්තට විරුද්දව පාරේ ඇසින් දු‍ටු සාක්ශි කීපයකම තියනවා ලු, මේ වගේ පුවත් කීපයක්ම ලගක ඉදන් අහන්න ලැබුනා මට,,අනික් දේ ඔය ස්කැන්ඩිනේවියා රටක පදිංචි මාගේ මිතුරෙක් කිවුව කතාවක්,,එහේ පදිංචි ලාංකික පවුලකත් ඔහොම දෙයක් උනාලු, දරුවන් දෙමවුපියන්ට විරුද්දව පැමිණිලි කරලා , තවත් ඔහොම තොරතුරක් දැක්කා තමන්ගේ අම්මට එරෙහිව පැමිනිලි කරලා තමන්ගේ අම්මා තමන්ගෙන් වැඩ ගන්නවා කියලා බලද්දි පොලිසියෙන් හොයලා බලද්දී වෙලා තියෙන්නේ ඒ ළමයට අම්මා කියලා තියෙන්නේ කෑම කාලා ඉවර වෙලා තමාගේ පිගාන හෝදන්න කියලා, මෙහෙමත් නීති මුන්ට පිස්සු, හැබැයි පිස්සුවෙන් වගේ දරුවන්ට දඩුවම් කරන දෙමවුපියනුත් ඕනා තරම් ඉන්නවා,යම් ප්‍රාමානෙකට නෙමේ දඩුවම ඉවරයක් නැ,,එහෙම අයට ඉතින් නීතියෙන් දඩුවම් කලත් කමක් නෑ වගේ,පිස්සු හැදිච්ච දෙමවුපියන් යුරෝපේ වැඩි නිසා මේ නීති ආවද මන්දා.
මම මේ කල්පනා කලේ අපේ රටේ මේ වගේ නීති තිබුනොත් මොනා වෙයිද කියලා, ඇයි දෙයියනේ අපි දන්න කාලේ ඉදන් ගු‍ටු මිටි මිටි කැවේ කරපු කුප්ප වැඩ වලට.දැන් හිතෙනවා ඒ වැඩවලට ගහපු එක හොදයි කියලා,,මම පොඩි කාලේ මගේ දකුණු කන ඇදයි පොඩ්ඩක් අපේ අම්ම කනම කරකෝලා,ඉස්සර අර ටීවී වල චැනල් කරකෝනවා වගේ තමා නිතරම.කොහොම උනත් ඒ කාලේ අපිට දඩුවම් නොකල නම් අපි මේ වෙද්දි මෙහෙම ඉන්න එකක් නැ,,මොකද මම 2 වසරේ විතර ස්කෝලෙන් ලග ඉන්න එකාගෙ තුල් මාරු කරන පැන්සලක් ඉස්සුවා,ගෙදර ඇවිත් ඉතින් ඕක කොහොමහරි පැන්සල අම්මා දැක්කා ,කොහෙන්ද කියලා අහලා ඉතින් බොරු කිවුවට සැරෙන් අහද්දි ඇත්තම කියන්න උනා,,අම්මෝ කාපු ගුටි වල තරමක් තාම මතක් වෙද්දිත් රිදෙනවා ,එදා පහුවෙනිදම ස්කෝලෙට ගියෙත් පාර දිගට ගුටි කකා,කොහොමහරි මිස් තමා ගුටි කන එකෙන් බේර ගත්තේ ස්කෝලෙට ගිය හින්දා,,,අරූට පැන්සල දීලා සමාව ගන්නත් උනා,මිස්ගෙනුත් සමාව ගන්න උනා.
කොහොමහරි එදා ඉගෙන ගත්තු පාඩමේ හැටියට අද වෙනකනුත් අනුන්ගේ දේකට අතක් තියලා නෑ.පුංචි කාලේ දෙමවුපියන් අපි කරන වැරදි වැඩවලට දඩුවම් කලේ නැත්නම් ඇත්තටම අපි වැඩිහිටියන් වෙන දාකට හොද මිනිස්සු විදිහට නෙමේ සමාජෙට යන්නේ,එහෙම බලද්දි මේ යුරෝපෙ උන්ට පිස්සු හැදීගෙන එනවා වගේ මට හිතෙන්නේ.
අනික් දේ තමා යුරෝපේ කාලෙකට ඉස්සල්ලා පාසල් වලදී දඩුවම් කරන එක නැවතුනා,,මේ වෙද්දී අපේ රටෙත් දඩුවම් කිරීම නැවතිලා තියෙන්නේ, සමහර ගුරුවරු අපිට බොරුවට දඩුවම් කරපු වෙලාවලුත් තිබුනා ,,සමහර වෙලාවට එයාලගේ හිතේ තිබුනු තරහවල් ළමයින්ගේ පිටින් යවන වෙලාවල් තිබුනා,ඒත් එහෙම නොවී අපිට උගන්නන්නම අදහසින් දඩුවම් කරපු ගුරුවරු අපේ රටේ හැම ස්කෝලෙකම වගේ ඉන්නවා, ඒ වගේ ගුරුවරු අදටත් නැතුව නෙමේ,,ඒත් අද ඉතින් ලංකාවේ ස්කෝලෙක ගුරුවරයෙක් දඩුවම් කලොත් දෙමවුපියන් පොලිසි යනවා නැත්නම් හැන්දෑවට ගුරුවරයා වැඩ ඇරිලා යද්දි ගුරුවරයට පහර දෙනවා. එහෙම බලද්දි යුරෝපයේ කාලෙකට පෙර ආපු ඒ නීති මේ වෙද්දි ගෙවල් වලට ඇවිල්ලා. දැන් අපේ රටේ ස්කෝලෙට ආපු ඒ නීති යම් කාලෙකදි ගෙවල් වලට එයිද? එහෙම උනොත් නම් මහා ජල්බරියක් වෙන්නේ. සමහරවිට ඉදිරි කාලේ අපිට හිරේ ලගින්න වෙයිද මන්දා අපේ දරුවන්ට දඩුවම් කරලා?

9 comments:

  1. mehemai ayya! යුරෝපේ එවුන්ට පිස්සු වගේ තමයි! ඒ නිසා ඕවා ටිකක් ලිහිල් වෙන්න ඕනි එහේ රටවල් වල! මට හිතෙන හැටියට! ඒ වගේම අපේ රටේ නම් ඔය තත්වය ඇති කල යුතුයි! ටික කාලෙකට හරි!

    ReplyDelete
  2. නීති උනත් පුදුම නීති තමා වෙලාවකට..අපේ රටේ නම් අම්මලා ළමයිනෙ පස්ස පැත්තෙ ලෙලි යන්න ගැහුවත් නීතියේ පිහිට පතයිද ? පොඩි කාලෙදි අම්මෙක් තත්තෙක් කමයෙකුට ගහන්නෙ තමන්ගෙ ළමයව හදා ගන්න මිසක් ආදරේ නැති නින්දයෑ...සමහර විට යුරෝපයේ ඔය නීති මාලාව වෙනස් වෙන්නත් සමහර දේවල් බලපානවා ඇති.. අපේ රටේ වගේ නෙමේනෙ ඒ රටවල විවාහ නොවී එකට ජීවත් වෙන අයට පවා ළමයින් හදන්න පුලුවන්...අපේ රටේ එහෙම බෑනෙ..ළමයෙක්ගෙ උපන්න රෙජිස්ටර් කරන්න ගියාම අම්මගෙයි තාත්තගෙයි විවාහ සහතිකෙත් අරන් යන්න ඕනෙනෙ..යුරෝප්වල ඔය නීති ඇත්තෙ හුඟාක්ම ඒ නිසා වෙන්න ඇති...මොකද කසාද බැදලා නැති අයගෙ ළමයින්ට අසාධාරණයක් නොවෙන්න...

    ඩිලාන්ගෙ කණ කරකවපු එක ගැන නම් මට හරිම සතුටුයි..නැත්තම් එහෙම ඉතාලියේ ඉන්න හොරුන්ගෙ කම්බ හොරා වෙයි මේ ඩිලාන්........හික්ස්

    ReplyDelete
  3. හිකි හිකි කන කරකවලා.. පව් අප්පා හිනාත් යනවා එක ලියලා තියෙන විදියට.. ඇත්ත අපිට දෙන දඩුවම් නිසා තමා අපි අදටත් මෙහෙම ඉන්නේ නැත්නම් ඉතින් මේ කොල්ලෝ කරන කුප්ප වැඩ වලට හිරේ තමා ඉන්න වෙන්නේ හිකි හිකි :)

    ReplyDelete
  4. යුරෝපේ උන්ට පිස්සුද කියලනං මං දන්නෙ නැහැ ඩිලාන්..ඒත් අපේ ඉන්න සමහර උන්ටනං පිස්සු..

    උන් තමා අර හිමිකම් මේ හිමිකම් කිය කිය යුරෝපා රටවල්වලදී දැකපු මොනවා හරි රෙද්දක් මෙහෙත් ක්‍රියාත්මක කරන්න දඟලන්නේ...


    නොගහ හදන දරුවයි හැඳි නොගහ හදන දරුවයි දෙකම එකයි කියලනේ කියන්නේ...

    හැබැයි සමහරු ඉන්නවා ඩිලාන් කිව්වා වගේම තමන්ගේ මානසික අසහනය දරුවන් පිටින් යවන..එහෙම රෝගීන් කිහිප දෙනෙක් සලකලා ඔහොම නීති හොඳයි කියලා කියන්න පුවවන් උනත් ඒක බහුතරය නෙවෙයි... එ වගේ කාරණා හින්දා ඔහොම නීති ගෙනාවම බහුතරයක් වෙන අවංකවම දරුවන් හික්මවීම පිණිස දඩුවම් කරන දෙමවුපියන්ට.. ගුරුවරුන්ට හුඟාක් ප්‍රශ්න ඇති වෙනවා...

    මාත් හොඳට කාලා හැදිච්ච එකෙක් තමා... හැබැයි එහෙම ගුරුවරුන්ගෙන් නොකෑවනං අද වෙනකොට මිනිස්සුන්ගෙන් ගුටි කාලා නැහෙනවා... මට කන පුරෝලා ගහලා හොඳ නරක කියා දුන්න ගුරුවරුන්ට යහපතක්ම වේවා..!

    ReplyDelete
  5. අපේ නම් මචං ගුටි කාලම පිටවල් සහ පස්ස පැත්ත නිකම් කබර හම වගේ ගොරෝසු වෙලා . අපිට ගුරුවරු කියිතරම් ගැහුවත් අපි නෙවේ කටක් ඇරියේ ..

    ReplyDelete
  6. දැන් ලංකාවෙ තත්වෙත් වෙනස්. දනිහට පහලට මිසක් ගහන්න බෑලු ටීචර්ලට උනත්!

    ReplyDelete
  7. ගුරුවරුන්ට ළමයින්ට ගහන්න කිසිඟ අයිතියක් නෑ!
    බරපතල විෂමාචාරයක්

    ReplyDelete
  8. අපොයි මම නම් කාලා තියනවා මදි නොකියන්න...
    ඒ දවස්‌ වල තරහා නම් ආවා... ඒත් ඒ ටික වෙලාවකට විතරයි...

    ReplyDelete
  9. ඒත් ඩිලන් සමහර අම්මලා, තාත්තලා ලමයින්ට සලකන හැටි බලපුවාම ඒ අයට විරුද්ධව පැමිනිලි කරන්ට නීති තියන එක හොඳයි කියලා හිතෙනවා. මේ ලඟදි අර එකේ වාට්ටුවේ කතාවක පියා අතින් හිංසාවට ලක් උනු දුවකෙගේ කතාවක් තිබුනා. නීති හැදෙන්ට ඇත්තේ ඔය වගේ වැරදි හන්දා වෙන්ට ඇති. අපි නොදකින එකතරා ඇත්තකුත් ඔය නීතිවල තියනවා කියලයි මට හිතෙන්නේ. ලමයි ඒක සෙල්ලමකට ගත්තොත්, වෙන්නේ දවසක අර 'කොටියා ආවා' කියලා ඒක විහිලුවට ගත්තු එඬේරාට වෙච්චදේමයි.

    ReplyDelete