ඉතාලියේ සිට ලියමි....

ඒක දඩුවමක්ද?

2012-02-25T23:15:00.002+01:00

සරත් අයියා යුරෝපෙට ආවේ කොල්ලා කාලේ,ඇවිල්ලා චාටර් කාලා ජොබ් හොයාගෙන යම් ස්ථාවරයක හිටියා,යුරෝපේ කොහොමත් ඒ කාලේ සිංහල තරුන අවිවාහක ගැණු ළමයි ඉදලා නෑ, ඉදලා තියෙන්නේ සිංහලෙන්ම කිවුවොත් ඇන්ටිලා , ඇන්ටිලත් ඉතින් කොල්ලන්ගේ කරේ එල්ලෙන්නමයි බලන් ඉදලා තියෙන්නේ, සරත් අයියටත් ඔහොම ඇන්ටියෙක් සෙට් වෙලා, ඒ වෙනකොට සුද්දෙක් බැදලා පිට රටක පුරවැසිභාවය එහෙම අරගෙන ඉදලා තියෙන්නේ,, කොහොමත් ඒ කාලේ ඔය හික්කඩුව,බේරුවල,මීගමුව වගේ පැති වල හිටිය කෙල්ලෝ,ඇන්ටිලා පස්සේ වහ වැ‍ටුනු යුරෝපේ නාකි අර ගොල්ලන්ව බැදලා තමන්ගේ රටවල් වලට ගේනවා,නිකන්ම පුරවැසිභාවය, සමහරවිට යම් දේපලක් ඉතුරු කරලා මේ සුද්දෝ වලපල්ලට යනවා නැත්නම් අපේ ඈයෝ සුද්දන්ට බූට් එක තියලා මාරු වෙනවලු, ඒත් ලංකාවේ ඒ ප්‍රදේශ වල හිටිය පිරිමින්ට මේ චැන්ස් එක නෑලු , අහම්බෙන් සුද්දියෙක් සෙට් වෙලා ගිහින් පුරවැසිභාවය හම්බුනාට,ගොඩක් ගිය කොල්ලෝ ඉදලා තියෙන්නේ අනවසරයෙන් මේ රටවල, කොහොමහරි සරත් අයියට සෙට් උනු ඇන්ටිගේ සුද්දා ඒ වෙද්දී ඇන්ටිට යම් දේපලක් සල්ලියක් ඉතුරු කරලා වල කජ්ජ ගහලා ,ඉතින් තනියම හිටිය ඇන්ටිට සරත් අයියා සෙට් උනා ,සරත් අයිය මොකද කලේ අර ඇන්ටි එක්ක විවාහ නොවී ලිවින්ග් ‍ටු ගෙදර් ඉන්න ක්‍රමේට ලේසියෙන්ම කොලේ හදාගෙන පුරවැසිභාවයත් අරගත්තා.
සරත් අයියා යම් සල්ලියකුත් හම්බු කරගෙන ලංකාවට ගියා, ගෙදර දෙමව්පියෝ ඉතින් කපුවෙක් ලව්වා යෝජනාවකින් යම් කිසි දෑවැද්දකුත් එක්ක බ්‍රෑන්ඩ් නිව් කෙල්ලෙක් කසාද බැන්දා, කසාදෙන් පස්සේ අලුත් මනමාලිවත් අරගෙන ආයේ යුරෝපෙට එනවා, දෙන්න සතුටින් සමාදානෙන් විවාහ ජීවිතය ගෙනියනවා,පොඩි අවුලකට තියෙන්නේ සරත් අයියා අර ඇන්ටිව බලන්නත් සතියකට වරක් එක ‍රැයක් අර ගෙදරට යැම,මුල් මුල් කාලවල බිරින්දැට බොරු කියලා පැන්නට,ඉක්මනින්ම මෙයාගේ කනට මේ රහස එනවා, කොහොමත් මේවා හොයන කරන අය ලංකාවට වැඩිය මේ රටවල වැඩී කොහොමත්, පස්සේ සරත් අයියගේ පවුලට ළමයි දෙන්නෙකුත් එකතු වෙනවා,අහිංසක ගැණු කෙනෙක් උනු සරත් අයියගේ බිරිද සරත් අයියා සතියකට දවසක් ඇන්ටිගේ ගෙදර යන එක දැනගෙනත් පවුලේ ප්‍රශ්නයක් ඇති නොකරගෙන තමන්ගේ පවුල් ජීවිතය හොදින් ගෙනියනවා.
මේක සරත් අයියා ඉන්න ප්‍රදේශයේ ඉන්න ලංකාවේ අයට රහසක් නෙමේ සරත් අයියත් අර ඇන්ටිගේ ගෙදර යන එක හොරෙන් නෙමේ කලේ ප්‍රසිද්ධියෙම, සරත් අයියට කවුරුත් මේක කටක් ඇරලා නොකියන්න හේතුවක් තිබුනා එකක් මේ යුරෝපේ ගොඩක් ඔය කො‍ටු පනින වැඩේ හොරෙන් කෙරෙනවා ඕනා තරම් අනික සරත් අයියා කියන්නේ ඕනම කෙනෙක්ට අලුත් පරන ජාතිය නෙමේ ලාංකික කමට ඕනම උදව්වක් කරන කෙනෙක් ඒ වගේම ඒ උදව් වලින් සමහර විට හොද පරිප්පු කාපු කෙනෙක්, හරියට මිනිස්සු අදුනනවා ලෝකේ හැම රටකම වගේ ඉන්න දුප්පත් පෝසත් ලාංකිකයන්ව.
ඔහොම කාලේ යද්දී සරත් අයියා පවුල පිටින් ලංකාවට යනවා නත්තල් නිවාඩුවකට, ලංකාවෙදී සරත් අයියගේ ලොකු පුතා අවුරුදු 8යි , අසනීප වෙනවා කොටින්ම උණක් ගැනෙනවා, සතියක් විතර යනවා උණ බහින්නේ නෑ පස්සේ මෙයාල නවලෝක ස්පිරිතාලේ නවත්තනවා,ලංකාවේ මේ කාලේ ඩෙංගු රෝගයත් හැමතැනම නේ මුලදී මෙයාලත් එහෙම හිතනවා, රුධීර පරීකශන රාශියක් කලත් ඩොකාලා එක එක දේවල් කියනවා, මොකද්ද ලෙඩේ කියලා කියන්නේ නෑ, සරත් අයියා අදුනන දොස්තර කෙනෙක් සරත් අයියට කියන්නේ ළමයවත් අරගෙන ඉක්මනින්ම සරත් අයියලා ඉන්න රටට යන්න කියලා,නවලෝකේ දොස්තර කෙනෙක් සරත් අයියට කියනවා පොඩි එකාට ලියුකේමියා තත්වයක් වගේ තියෙන්නේ කියලා, සරත් අයියගේ ඔලුව ගිනි ගන්නේ ඒක අහපුවම,සරත් අයියා කියන්නේ ලංකාවේ සෑහෙන තරමකට ඉගෙන ගත්තු කෙනෙක් එයා මේ රෝග ගැනත් යම් පමනකට දන්නවා, නවලෝකෙන් පොඩ්ඩක් ළමයව දෙන එක පරක්කු කරනවා කොහොමත් ලංකාවේ ගොඩක් පුද්ගලික රෝහල්වල හැටියක් නෙ ඒක,සරත් අයියා මොකද කරන්නේ ඉක්මනින් එයා ටිකට් එක එදාම දාගෙන,එයා හිතවත් ලංකාවේ ඉහළ හමුදා නිලධාරියෙක් ලව්වා ළමයව ස්පිරිතාලෙන් එලියට අරගෙන ගුවන් තො‍ටුපලින් පිටවෙනවා ළමයා රෝගී තත්වයෙන් ඉද්දිම, යම් රෝගී තත්වයක් තියනවා නම් ගුවන් යානා වල මගියෙක්ව ගන්නේ නෑ නේ, කොහොමහරි සරත් අයියලාට කරදරයක් වෙනවා වෙනත් ගුවන් යානාවකට මාරු වීමීදී ළමයගේ රෝගී තත්වය දකින ඒ ගුවන් තො‍ටුපලේ අය මෙයාලව තියා ගන්නවා,එතනින් ඒ රටේ රෝහලකට දානවා ,ඒ රෝහලෙ සතියක් විතර යද්දී කියනවා මේ ළමයට ලියුකේමියා රෝගය තියෙන්නේ කියලා, පස්සේ සරත් අයියල ඉන්න රටේ එයාලගේ ජීවිත රක්ශන නිසා ඒ රටෙන් රෝගීන් ගෙනියන ඇම්බියුලන්ස් ජෙට් යානයක් යොදගෙන සරත් අයියලා පදිංචි රටට එනවා කෙලින්ම යන්නේ රෝහලටමයි ළමයව අරගෙන දැන් ඉතින් රෝගය ස්තීරයි ලියුකේමියාව කියලා, සරත් අයියා හදුනන ලාංකිකයෝ ළමයා වෙනුවෙන් නොයෙක් නොයෙක් ආගමික වතාවත් කරනවා ,උපදෙස් දෙනවා අරක මේක,
ඔය අතරදී සමහර ලාංකිකයෝ පුදුම කතාවක් ප්‍රචාරය කරනවා සරත් අයියගේ ළමයට අරවගේ රෝගයක් ආවේ සරත් අයියා ප්‍රසිද්ධියේ කරපු වැ‍රැද්දට් ,තමන්ගේ බිරිද ඉද්දී වෙනින් ගෑනියෙක් එක්ක තිබ්බ සම්බන්දයට, එයාට පව් සමා කර ගන්න කියනවා එයා ඇත්තටම මානසිකව උනත් ගොඩක් වැටෙනවා මේ නිසාම එයා ඇත්තටම අර අනියම් සම්බන්ධය අත් අරිනවා.
අනේ මන්දා සරත් අයියා ප්‍රසිද්ධියේ කරපු හින්දා ඒක වරදක් උනාද මොකද ඒ වගේ සම්බන්ද කම් මිනිස්සු මොනතරම් හොරෙන් කරනවද,අනික සරත් අයියා කරපු වරදට ඒ ළමයගෙන් දෙවියෝ පලි ගනීද? ඒ අස්සෙන් තව අය කියන්නේ ඒ ළමයා ඉහත ආත්මයක කරපු වරදක් මේ ආත්මෙදී පටිසන් දීලා
කාගෙද වැරද්ද කියලා මට නම් තේරෙන්නේ නැ,, මට නම් තේරෙන්නේ අර පොඩි එකා සෑහෙන්න දුක් විදිනවා ලියුකේමියා රෝගයෙන්....

ඔන්න මමත් 50 ට ආවා...

2012-02-08T23:25:00.003+01:00

ඉදලා ඉදලා මටත් පුලුවන් උනා 50 වෙනි පෝස්ට් එක ලියන්න, අවුරුදු 2010 අප්‍රියෙල් 14 වෙනිදා පටන් ගත්තු ඉබි ගමනින් ආපු මගේ බ්ලොග් ගමන අද 50 පෝස්ට් එකටත් ආවා, මේක ලියන්නත් මාර නෝන්ඩිය ඇයි දෙයියනේ පෝස්ට් 50 ලියා ගන්න ගිය කාලය දිහා බලද්දි, සික් අවුරුදු 2ට ඔන්න මෙන්න,එක අතකින් සතු‍ටුයි මෙච්චර කාලයක් හරි මේ බ්ලොග් අවකාශයේ ‍රැදී ඉන්න පුලුවන් උනා නේ, අදත් මහා ලොකු දෙයක් ලියන්න දෙයක් නෑ ඔන්න.
HI5,TAGGED,එලකිරි,කපුටා චැට් බොක්ස්,පේස්බුක් වලින් ආපු මගේ ඉන්ටර්නෙට් ගමනෙ මේ වෙද්දී බ්ලොග් වල නැවතිලා,ඒ කියන්නේ ජීමේල් වල කිවුවොත් හරි.මේ බ්ලොග් හින්දම අදුන ගත්තු යාලුවො බොහොමයි,මේක හින්දම ජීවිතේ ලොකු විශේස වෙනසකුත් වෙලා මේ වෙද්දී, බ්ලොග් හින්දම පහු ගිය කාලෙම ගූගල් බස් පැද්දා ඒක නම් ලොකු අත්දැකීමක් උනා,මට බ්ලොග් අවකාශයේ මිතුරන් අදුනා ගන්න පුලුවන් උනේ මේ බස් පැදිල්ල තමා, බස් පදින්න ආවත් කාලයක් යනකන් ගොඩක් අය මම බ්ලොග් එකක් ලියනවද කියලවත් දැනගෙන හිටියෙම නැ,එකක් මම කිසිම තැනක මගේ බ්ලොග් එකේ ඇඩ් එකක්වත් දාලා නැති නිසා, කාලෙකට ඉස්සල්ලා මාරයගේ හෝරාව ලියන මාරයියා ගූගල් බස් හරහා තියපු බ්ලොග් පෝස්ට් සතියක් හින්දා ඒ වෙලාවේ ඒකට මාත් පෝස්ට් එකක් ලියලා දුන්නා,,එදා තමා ගොඩක් අය මම බ්ලොග් එකක් කරනවා කියලත් දැන ගත්තේ,පස්සේ මේ ලගදී Il Mondo di Una Povera Pazza ලියන රංගි අක්කා එයාගේ පේස්බුක් පි‍ටුවේ මගේ පෝස්ට් එකක ලින්ක් එක දාලා තිබුනා,ඒ තමා මගේ බ්ලොග් ලින්ක් එක එලියේ තියනවා දැකපු අවස්තා, මේකට හේතුව මම ලියනවට වඩා කියවන්නෙක් වීම කමෙන්ට් නොකලත් මම ගොඩක් බ්ලොග් කියවන කෙනෙක්, 2009 මම ගෙදර විවේක ගත්තු කාලේ අහම්බෙන් මට අහු උනු සිංහල බ්ලොගර්ස් සිංඩිය හින්දා මම බ්ලොග් කියන්නේ මොකද්ද කියලා දැනගත්තා,පස්සේ එතන තිබුනු බ්ලොග් කියවන්න අරගත්තා, ඒ කාලේ තිබුනු බ්ලොග් නම් ගොඩක් මේ වෙද්දි අක්‍රිය වෙලා,ඒ කාලේ බ්ලොග් ලියපු කීප දෙනෙක් නම් බස් වලින් අදුනා ගෙන ඉන්නවා,සික් ඒ කාලේ මම කමෙන්ට් කලෙත් නෑ ඕකුන්ගේ බ්ලොග් වලට මොකද පොඩි බයක් තිබුනා, මම හිතන් හිටියේ උන් ලංකාවේ ඉන්න සුපිරි පරිඝනක වැඩකරුවෝ කියලා,ලොකු පොරවල් කියලා ඔහොම ඉද්දී තමා බ්ලොග් වලින්ම සමහර අය තමන්ගේ පුද්ගලික කතා ලියද්දී ඒවා බලලා පොඩ්ඩක් බය ගියේ කමෙන්ට් කරන්න හිතුවේ,පස්සේ ඉතින් ගූගල් බස් පදින්න ගිහින් තමා මම මහා ලොකු මිනිස්සු කියලා හිතන් හිටිය උනුත් මම වගේම බලු කුක්කෝ ටිකක් කියලා දැනගත්තේ, සික් මම මුන්ටනේ බය වෙලා හිටියේ කියලා හිතුනේ. අද වෙනකොට ඒ මගේ අන්තර්ජාල ගමනේ ලස්සනම කාලය උනු බස් පැදිල්ල නම් ඉවර වෙලා පොඩ්ඩක් ඉතුරු වෙලා ප්ලස් පෑදිල්ල හින්දා, බ්ලොග් කියවිල්ල,ලිවිල්ල විතරක් ඉතුරු වෙලා,පේස්බුක් ඉන්නෙත් ගොඩක්ම මෙතනෛන් අදුන ගත්තු උන් එතනත් ඉන්න නිසාම, එකම දුකක් තියෙන්නේ මෙච්චර කාලයක් මෙතන හිටියට තාමත් මට මේ අදුන ගත්තු එකම කෙනෙක්වවත් මුන ගැහෙන්න බැරි උනා. ඕක තමා මගේ බ්ලොග් ඉතිහාසය සහ වර්තමානය.
නම් වශයෙන් ස්තූතී කරන්න ගියොත් මේ පෝස්ට් එක ලියන්න මට එපා වෙයි ඒක හින්දා මගේ බ්ලොග් එක බලන්න ආපු,කමෙන්ට් කරපු සේරමන්ටම ගොඩක් ස්තූතී, මම මේ වෙලාවේ ස්තූතී කරන්නේ ආයේ 100 පෝස්ට් එක ලියන්න කොච්චර කාලයක් යයිද දන්නේ නෑ,හැබැයි පුලුවන් කාලයක් මම මේ බ්ලොග් අවකාශයේ ‍රැදී ඉන්නවා,දැන් මේක දාලා යන්න බැරි හේතුවකුත් තියන හින්දම, ඉදිරියටත් මම ඔයාලගේ බ්ලොග් පෝස්ට් වලට පුලුවන් පුලුවන් හැටියට කමෙන්ට් කරන්න ඒවි, කමෙන්ට් නොකලත් සිංඩි 3කම තියන බ්ලොග් පෝස්ට් එකක් නෑර මම කියවනවා, කාලයක් මම රෑ වැඩ කරලා ඇවිත් පාන්දර 3,4 වෙනකන් බ්ලොග් කියෝලා තියනවා,එතකොට උදේ ලංකාවේ ගූගල් බස් දවසේ ආරම්භය ගන්න ආපු අය එක්ක චැට් කරලම යන්නත් පුලුවන් උනා. ලස්සන මතකයන් රාශියක් එක් කරපු බ්ලොග් අවකාශයේ තවත් කාලයක් ඔයාලත් එක්ක ‍රැදෙන පොරොන්දුව උඩ,ඔන්න මගේ 50.

ටොයිලට් පේපර්

2012-02-01T14:18:00.002+01:00

කාලෙක ඉදන් වෙලාවෙන් වෙලාවට හිතට මහා කරදරයක් උනු ප්‍රශ්නයක් මම මගේ බ්ලොග් එකට දාන්නයි යන්නේ,හිතේ තද කරන් ඉන්නම හිතෙන්නේ නෑ දැන් නම්. අද උදෙත් ප්‍රශ්නේ ආව හින්දම මේක එලියට දානවා, ඔන්න උදේ මම පොඩි වැඩකට ගියා පොලිසියට, ඒ කියන්නේ ‍රැදී සිටීමේ බලපත් නිකුත් කරන අංශෙට, අප්පේ දිග පෝලිමක් ඔන්න පු‍ටුවක වාඩි වෙලා ඉදගෙන ඉන්නවා දැන්, ඔය වෙද්දී තමා බඩ ඇතුලෙන් මහා පෙරළියක් වෙන්න ගත්තේ, බඩේ පෙරළිය හිමින් හිමින් පස්ස පැත්තට යනවා කියලා දැනෙන්න මහා කාලයක් ගියේ නෑ, හරි දැන් ඉතින් ඔලුව වටේ කරකෝලා බැලුවේ අර WC කියන අකුරු දෙක ගහලා තියෙන්නේ කොහෙද කියලා හොයන්න,මොකද මට දැන් තේරෙනවා තව වැඩි වෙලාවක් නෑ මේ මහා පෙරළිය භූමිකම්පාවකට හැරවෙන්න වැඩි වෙලාවක් නෑ කියලා,ඔන්න එතකොට තමා දැක්කේ අර අකුරු දෙක මිනිහෙකුයි ගැණියෙකුයි ඇදලා තියෙන්නේ, හිත හිත ඉන්න වෙලාවක් නෑ මෙට්‍රෝ කෝච්චියක වේගෙන් මාව ඇදිලා ගියා ඔය දොර ගාවට, ඇතුල් උනා ඒ ඇතුලේ දෙපැත්තට දොරවල් දෙක,එක දොරක මිනිහා ,අනික් දොරේ ගැණි, තව පොඩ්ඩෙන් ඔය දෙකත් මාරු වෙනවා හදිසියට,කොහොම හරි කල්පනාවෙන් හිටිය නිසා හරි දොරට ඇතුල් උනා,එතනත් ඉතින් එකින් එක වහපු පුංචි කාමර නේ,හොද වෙලාවට උදෙන්ම හින්දා මමද කොහෙද අද දවසේ මේකෙ වැඩ පටන් ගත්තේ,හරි ශෝක් එකට තිබුනා මගේම වෙලාවට ,ගිය වේගෙනටම ගිහින් දොර වහගෙන බර හෑල්ලු කර ගත්තා කියමුකෝ ඔන්න එතකොටයි ඔලුවෙ ගින්නක් ආවේ ,හුටස් පිහා ගන්න කොල රෝල විතරයි,අර ටොයිලට් පේපර් කියන්නේ අන්න ඒ රෝල විතරයි, මොනා කරන්නද ඉතින් සුද්දගේ රටේ ඉන්නවා නම් මේ කට්ටත් කන්න එපෑයි,,,මම ඕකට සමහර දවස් වල මගේ බෑග් එකේ තියන වතුර බෝතලේ පාවිච්චියට ගන්නවා,,අද ඒකත් නැ, මූන බෙරි කරගෙන ගත්තා කොල රෝල ඔන්න දැන් පස්ස පිහ දාන මෙහෙයුම පටන් ගත්තා,සුද්දට බැන බැනම,,යකෝ මුන්ට පොඩි ටැප් කැල්ලක් මේකෙන් හයි කරන්න බෑද කිය කිය, ඒකත් කරගෙන ආයේ එලියේ ටැප් එකෙන් පොඩ්ඩක් මූන අත හෝදගෙන,,ඇයි මේ සීත කාලෙත් මට දාඩිය දාලා හිටියේ තිබුනු බරට,ඔන්න ආයේ ඇවිත් ඉද ගත්තා පු‍ටුවෙන්,
ඊලගට මම දන්නවා එක දෙයක් ඔය කොලෙන් පිහ දාගෙන ඉන්න බැරි ලෙඩක් මට මේ අවුරුදු 5 ම තියනවා,,මොකද මම කීප සැරයක්ම කරන්න ආපු වැඩේ දාලා ගෙදර ගිහින් තියනවා, කොහෙදි හරි කොලෙන් පිහ දාපු දවසට, ඒ ලෙඩේ තමා පස්ස පැත්තට ඉදි ක‍ටු වලින් අනිනවා වගේ මහ අමුතුම දෙයක්,, ඒක මොළේට යනකන්ම දැනනවා,එතකොට ඉතින් පු‍ටුවක ඉදගෙන ඉන්නත් බෑ, කියා ගන්න බැරි අමුතුම ලෙඩක් ඒක,, මම ඒක හින්දම වතුර බෝතලේ බෑග් එකේ ගෙනියන එක පුරුද්දක් කරගෙන තියෙන්නේ,,දැන් ඔයාලා හිතයි ඊයා මේකා බොන වතුර එකෙන් නේද මේ කියලා, මොනා කරන්නද හදිසි අවස්තා හැමදාම වෙන්නේ නෑ නේ. ඒක ඒ ඒ වෙලාවට පහසු අයුරින් ඒ වතුර පාවිච්චියට ගන්නවා.
ඇත්තටම මේ කොලෙන් පිහ දාගන්න අත්දැකීම ඔය පිටරට ඉන්න සේරමන්ටම ඇති, නොකීවට ඕකෙන් පිහ දාගෙන ඉන්න අමාරුයි කොහොමත්,අපි ඉතින් පොඩි කාලේ ඉදලම වැඩේ කරගෙන හෝදගන්න පුරුදු උනු ජාතියක්,සමහර ජාතින් ඉන්නවා ලොකු වැඩේට හෝදන්නේ නෑ පොඩි වැඩේ කරලා හෝදනවා, මේක මහ ප්‍රශ්නයක් වෙන වෙලාවක් තියනවා ඒ තමා දිග ගුවන් ගමනකදි, ඒ අත්දැකීම නම් පිටරට ඉන්න සේරම අයට තියනවා,කොහොමද පැය 5,6 යද්දී අනික ශ්‍රී ලංකන් ගුවන් සේවය ගොඩක් යන්නේ කෙලින්ම,මග ගොඩ බැසීම් නෑ, රෝමෙට එන්න පැය 9ක්,10ක් ගත වෙනවා,ඔය වෙලාවට අර වගේ ලොකු බරක් සෙට් උනාම බඩුම තමා,කොහොමත් අර චූටි ටැප් එකෙන් වතුර අරගෙන හෝදන්නද,,අනික මුල් පැය 3,4 ඔය ටොයිලට් හොදට තියනවා ඊට පස්සේ ඉතින් ගන්න දෙයක් නෑ,ඇයි ඉතින් 200ක්,300ක් ඉන්න තැනක ඔය පොඩි කාමර තුන හතර ඇතිද,ඒ මදිවට ඉතින් හෝදන්න නෑ,,අපිට කොහොමත් හෝදන්න ඕනම හින්දා,,මිනිස්සු එක එක විකාර කරන බව පේනවා පොඩ්ඩක් ඕක ඇතුල බලද්දී, මේ ගුවන්තො‍ටුපලවල් වලත් ඇත්තටම තියෙන්නේ වැඩේ කර ගන්න විතරයි, මම ගුවන්තො‍ටුපලවල් කීපයකම සෑහෙන වෙලාවල් ඉදලා තියනවා,,පහු ගිය ටිකෙත් හිටියා අඩු මුදලට ගුවන් ටිකට් පත් අර ගත්තහම ඔහොම ක‍ටු කන්නම වෙනවා නේ, ඉතාලියේ රෝම ගුවන්තො‍ටුපල, ජර්මනියේ මියුනික් ගුවන්තො‍ටුපල, ස්විඩනයේ ස්ටොක් හොල්ම් ගුවන් තො‍ටුපල, මම පහු ගිය ටිකේ කට්ට කාපු තැන්,, කොහොමත් ඉතින් එතකොට අතෙන්ට යන්න වෙනවමයි,,ඔය එක තැනකවත් හෝදන්න තිබුනෙත් නෑ කොල විතරයි, ක‍ටුනායක මතක නෑ මොකද වැඩි වෙලාවක් ඔතන ‍රැදෙන්නේ නෑ එක්කෝ ඉක්මනින් එලියට යනවා නැත්නම් ගෙදරින් එද්දි බරවල් හෑල්ලු කරගෙන නේ එන්නේ.
මේ සුද්දා පස්ස හෝදන්නේ නැත්තේ ඇයි කියන එකත් මට මාරම ප්‍රශ්නයක්,,කාලෙකට ඉස්සර අපේ රටෙත් හේදුවද,නැද්ද මන්දා ,මොකද ඉස්සර ඔය වැඩේට කියන්නේ බැද්දට යනවා නේ , අපේ රටෙත් ඔය වැඩේට බැද්දට ගිහින් මොකක් හරි ස්වභාවික කොල වර්ගයක් පාව්ච්චි කලාද දන්නේ නෑ ,හැබැයි පැරනි නටබුන් වල වැසිකිලි නටබුන් කීපයක්ම මමත් ඇස් දෙකින් දැකලා තියනව අපේ පැරනි නටබුන් අස්සේ, ඒවා දකිද්දී හිතෙනවා බාල්දියක් අරගෙන යන්න ඇති ඒ කාලේ, ඒත් මෑත කාලේ අපේ රටේ ඔය ඈත ගම්වල වැසිකිලි හදලා දීලා තියනවා මිනිස්සුන්ට , බැද්දට යන්න එපා කියලා,, ගොඩක් මිනිස්සු ඒවා ප්‍රයෝජනයට ගත්තේ පොහොර ගබඩාව විදිහටලු, ඔය මිනිස්සු නෙමේ මමත් පොඩි කාලේ අපේ හරිය වැඩිය ජනාකීර්න නෑනේ , ගේ පිටි පස්සේ තිබුනා කඩා වැ‍ටුනු සිමෙන්ති බැම්මක් , ආතල් එකේ පුල් ඒසී පිට ඕක උඩට නැගගෙන තමා වැඩේ කලේ, හැබැයි උදැල්ලක් වතුර බාල්දියක් ගෙනිච්චා,සමහර දවස් වලට ඉතින් උදැල්ල ඕනා උනේ නැ,,බල්ලෝ නම් දුවනවා දැක්කා, ඒ ඉතින් හිච්චී කාලේ කරපු වැඩ නේ...
දැන් දැන් ලංකාවේ සුපර් මාර්කට් වලත් ඔය කොල රෝල් විකුනන්න ඇවිත්,මොකටද මන්දා,අපේ අයත් කොල පුරුද්දට එන්නද මන්දා,සමහරවිට ලස්සනට තියන්නද මන්දා.හිතා ගන්න බෑ,හැබැයි ඉතින් කොලේ රගේ පොඩ්ඩක් ටෙස් කරල බලන්නකෝ අත්දැකීමක් නැති අය....

මම බෙබෙක් ඩෝ ...

2012-01-26T17:35:00.004+01:00

හවසට ගෙදර එන ගමන්,
දෙකක් දාගත්තාම,
මම තමා ඩෝ චන්ඩියා...

මඟ යන්න පණ නැති උනාට,
හැමෝ එක්කම එල්ලී එල්ලී,
රණ්ඩුවට යන්නේ මම තමා ඩෝ ...

මහා ලොකු වීරයෙක් කියලා හිතුවාට,
අන්තිමේ කාඩ්බෝඩ් වීරයෙක් වෙන්නෙත්,
මම තමා ඩෝ .....

පොඩි සිතුවිල්ලක් පහල උනා, අද දැකපු දේකින් දැකපු දේ හිතා ගන්න පුලුවන් නේ....

විපක්ශ නායකතුමා පන්නමු....

2012-01-20T10:56:00.003+01:00

පොඩි දේශපාලන ලිපියක් ලියන්න හිතුවා, මහ ලොකු ලිපියක් නෙමේ පොඩිම පොඩිම එකක්,හිතල හිතලා තමා මේක ලියන්න ගියේ, මම නම් නෙමේ මේ විපක්ශ නායකතුමාව පන්නන්නේ හදන්නෙත්,,ඔයාලා කාගෙන්වත් උදව් ඕනෙත් නෑ,අපිට මොකෝ මේ කොහෙවත් ඉන්න විපක්ශ නායකතුමෙක් පන්නන්න,හැබැයි පොරට මහා පරිමාන දූශන චෝදනා,මෙහෙම එකෙක්ව විපක්ශනායක කමට ගැලපෙන්නෙම නෑ,,මම කියන්නෙත් මෙහෙම උන් රටකට ඉද්දී රටක් බංකොලොත් වෙන එක කියන්නත් දෙයක්ද,දූශන,වංචා,කොමිස් ගැහිලි, නීති විරෝධී ක්‍රියා බොහොමයි මේ විපක්ශ නායකතුමාට,ඉතින් මටත් හිතුනේ පොරව පන්නන එක හොදයිමයි කියලා, මේ දවස් වල ටීවී එකේ නිවුස් වලට පෙන්නන්නෙත් පොර ගැනමයි,පොරගේ කාර්යාලය වට කරගෙන මීඩියාකාරයෝ,පොරට එලියට බහින්නවත් දෙන්නේ නැ, උන් වට කරගෙන එක එක ප්‍රශ්න අහනවා,පොරත් ඇඩූ කදුලෙන් උත්තර දෙනවා,බිම බලාගෙන යනවා,,ඔන්න මීඩියාකාරයෝ මිනිස්සුන්ගෙන් අහනවා මේ විපක්ශ නායකතුමා හොදයිද කියලා මිනිස්සුත් කියනවා එපා අපිට මෙයාව විශ්වාස නැ,මෙයාව අයින් කරන්නමයි ඕනා කියලා.
ආ ලොකුම චෝදනා දෙක තමා,
1.තමාගේ නිල රථයෙන් ගෙදරින් පිටත් වී එය මග දමා තමාගේ පුද්ගලික රථයෙන් අදාල ගමන ගොස්,නිල රථයෙන් තමා ගමන ගියේ කියල අදාල ගමනේ වියදම් ගැනීම.
2.නිවසක් අලුතෙන් මිලදීගෙන,විපක්ශ නායක තුමාගේ සහ ඔහුගේ බිරිදගේ නමින්,පස්සෙ බිරිදගේ නම පමනක් යෝදා,රජයෙන් අඩු ආදායම්ලාභී නිවාස දීමනාවක් ලබා ගැනීම.
මේවගේ චෝදනා තියෙද්දී ගෙදර නොයා කොහොමද බලන්න කොච්චර ප්‍රබල චෝදනාද කියලා.
මේ වගේම ඉස්සල්ල විපක්ශ නායක තුමියවත් ගෙදර යැවුවා,චෝදනාව උනේ,තමාගේ කාර එක වැරදි තැන්වල පාක් කරලා,,ඒවට අදාල දඩ මුදල් නොගෙවා පැහැර ඇරීම. ඒක නම් කරන්නම ඕනා උන් මහ ලොක්කෝ කියලා හිතලා වෙන්න ඇති ඕනා ඕනා තැන්වල පාක් කරලා මදිවට දඩ ගෙවලත් නෑ.
මේවට තනි ඇහැට ඇඩෙනවා ඕයි,මොනා කරන්නද වෙන දෙයක් බලන් ඉන්නවා මිසක්, මේ වගේ දූශිතයෝ ඉන්න රටක ඉද්දී රටක් දියුනු වෙයිද,
ඔන්න එක්කෝ කියලම දාන්නම් රට මොකද්ද කියලා,මේ අපේ රට නම් නෙමේ මේ ස්විඩනය කියන රටේ මේ දවස් වල වෙන දෙයක්. විපක්ශ නායකයව ගෙදර යවන්න මිනිස්සු දගලන දැගලිල්ලක්,,පොර හෙට අනිද්දා සේරම අකුලගෙන ගෙදර යන්නයි යන්නේ මේ හින්දා.
ආසියාවේ ආශ්චර්ය කියන අපේ රටෙන්වත් මේ මිනිස්සු හැදෙන්න ඕනා මේ වගේ වැඩ නොකර,රටක් දියුනු කරන්නේ කොහොමද, හොරකම් ,මැරකම් නොකර රටක් පාලනය කරන්නේ කොහොමද කියලා ඉගෙන ගන්න හොදම රට ශ්‍රී ලංකාවයි කියලා මේ මිනිස්සුන්ට කියලා දෙන්න මම උත්සහ කරන්නේ දැන්.

ජාතියෙන් මාරු උනු අපේ ළමයි...

2012-01-15T07:37:00.005+01:00

ඔන්න මේ අවූරුද්දට ලියන පලවෙනි ලිපිය ලියන්නයි යන්නේ, මේක කතාවකට වඩා මම දැකපු අහපු දේවල් එක්ක මට හිතෙන දේ තමා මෙකේ ලියන්න හිතුවේ,කෙලින්ම මාතෘකාවට එන්නම්, මම ලියන්න යන්නේ මේ රටවල දෙමවුපියන් එක්ක ඇති දැඩි වෙන අපේ රටේ දරුවෝ ගැන,ඒ කියන්නේ හදාගන්න ගෙනාපු ළමයි,ඉතාලියෙට වඩා වැඩි පුර එහෙම ළමයිව මම ස්විඩනයේදි දැක්කා,ඉතාලියෙත් නැතුව නෙමේ,සාපේක්ශව මෙහෙ වැඩී,
හැබැයි ඉතින් ගොඩක් අය අපේ ළමයිව මෙහෙම පිටරටවලට දෙන එකට නම් කැමති නෑ,මේ ලගදිත් මම ලංකාවේ පත්තරේක දැක්කා මොකද්ද නීතියක් ගෙනල්ලා,,ඒ එක්කම තදටම ළමා නිවාස ප්‍රශ්නයකුත් ගියා,අපේ බ්ලොග්කරුවොත් ඔය ගැන නොයෙක් නොයෙක් කතා කිවුවා, බහුතරය කැමති නෑ කොහොමත්, ඒත් ඉතින් මේ ළමයි ගොඩක්ම ළමා නිවාස වල හිටිය අය නැත්නම් කාගෙන් හරි අනාථ උනු මවකගේ දරුවෙක්,සිංහලෙන්ම කිවුවොත් අවජාතක දරුවෙක්, ඇත්තම කිවුවොත් මම නම් කැමති මේ වගේ දරුවන්ව හදාගන්න මෙහෙම දෙන එකට,මොන රටක හරි ඒ ළමයිට දෙමවුපියෙක් ලැබෙනවා නම් එයාලට හොද ආරක්ශාවක් ලැබෙනවා නම් එච්චරයි නේ වෙන්න ඕනා.
ඒත් අපේ මිනිස්සු මේකට ගොඩක්ම කැමති නැත්තේ ඇයි කියන්න මට තේරෙන්නේ නෑ,සමහර අය කියන්නේ ආ ඒ ළමයිව ගෙනියන්නේ ශරීර අවයව ගන්න,ඕනා බූරුවෙක්ට තේරෙනවා ඒ වැඩේ ලේසියකින් කරන්න පුලුවන් දෙයක් නෙමේ කියලා, අනික මම පුද්ගලිකවම දන්නවා මේ ළමයිව ලේසියකින් එහෙම හදාගන්න ඕනා කිවුවට එහෙම ගේන්න බෑ කියලා,ඒකට මේ රටවලින් අවසරේ ගන්න ඕනා මුලින්ම,ඒකත් පොඩි දෙයක් නෙමේ,පස්සේ ලංකාවෙන් ළමයෙක් හම්බුනාට හොරෙන් ගේන්න බෑ කොහොමත් උසාවි මාරගයෙන් ඒක වෙන්නේ,දින කීඉපයක්ම උසාවි වල රස්තියාදු වෙන්න ඕනා, ඒකෙන් පේන්නේ මේ රටවලින් එහෙම ළමයෙක් ගන්න යන්නේ දරුවෙක් ඕනා හින්දමයි කියලා.
ඔය ළමා නිවාස වලට අලුත් නමක් ආවා මේ ළගදි උනු ප්‍රශ්නෙත් එක්කලා ඒක තමා බේබි පාම්,ඒක නිකන් හරියට අර බ්‍රොයිලර් කුකුල්ලු ඇති කරනවා වගේ දෙයක් ඒකෙන් අපේ රටේ මිනිස්සු ඇගෙව්වේ, ළමයි ඇති කරලා රට පටවන්න කියලා,ඕකෙන් ඇත්තටම පොඩියට ආගම් ප්‍රශ්නයක් එලියට දැම්මේ,ඇත්තටම එතනින් උනේ අනාථ උනු අම්මලාව බබාලා හම්බෙනකන් එතන තියන් ඉදලා එයාලට ‍රැකවරනය දුන්නු එක,තාත්තෙක් නැති දරුවෙක් එක්ක ඒ අම්මලාට කීයකටවත් අපේ සමාජේ ජීවත් වෙන්න බෑ, තාත්තෙක් නැති දරුවෙක් ආවේ ඇයි කියන එක වෙනම ප්‍රශ්නයක්, මේ වෙද්දි ළමා නිවාස වල තදබදය ගොඩක් තියනවා,මොකද මම ළමා නිවාස කීපයකටම ගිහින් ඒක ඇස් දෙකෙන් දැක්ක නිසා,ඒක ඇත්තටම ලොකු ප්‍රශ්නයක් අපේ රටේ තියන,මිනිස්සු වැඩිය කතානොකරන ප්‍රශ්නයක්,
සමහරවිට ඒ අම්මලා හිතකින් නෙමේ නේ එහෙම ළමයිව ළමා නිවාසෙකට දෙන්නේ,නැත්නම් එහෙම ලංකාවේ හෝ පිටරටක කෙනෙක්ට හදාගන්න දෙන්නේ, අපේ සමාජේ එහෙම දරුවෙක්ව හදාගන්න බැ කීයකටවත්,නින්දා අපහස ගැන කියන්න දෙයක් නැ නේ,ඒ වගේම ලංකාවේ කවුරුහරි එහෙම දරුවෙක්ව හදා ගත්තත් ඒ ළමයට හරි වෙලාවක් බලල කියන්න බලන් ඉන්නේ උබ හදාගන්න ගත්ත එකෙක්,ඔය ඉන්නේ උබේ අම්මයි තාත්තයි නෙමේ කියලා, ඒ ළමයව කොච්චර හොදට හදාගත්තත් මිනිස්සු බලන්නේ ඒ ළමයට අවජාතකයා කියන නම දෙන්නමයි. අපි උනත් ස්කෝලේ එහෙම ළමයෙක් හිටියත් මූනටම නැති උනාට හොරෙන් වෙන එකෙක්ට හරි කියනවා අරූ බන් හදාගන්න ගත්ත එකෙක් කියලා මට ආරංචි උනා කියලා. ඒකයි අපේ රටේ හැටි.
මේ ළගදී මම අපූරු දෙයක් දැක්කා,එහෙම හදගන්න ගෙනාපු ආබාධිත ගැණු ළමයෙක්.දැන් නම් අවුරුදු 30ක් විතර ඇවිදින්න බැරි කෙනෙක් අත දරුවෙක් විදිහට එයාව ගෙනල්ලා තියෙන්නේ,ලංකාවේ මිනිස්සු එක්ක ආශ්‍රය කරන්න කැමති කියලා එයා එනවා අදුනගන්න, එතන විශේසත්වය ඒ දෙමව්පියෝ මේ දරුවට ඇවිදින්න බැරි බව දැනගෙනමයි ලංකාවෙන් ගෙනල්ල තියෙන්නේ,ඇත්තටම මොන තරම් ලොකු පිනක්ද ඒක,,සමහරවිට ඒ ළමයා මොනතරම් දුක් විදීද ලංකාවේ හිටියා නම ආබාධිතයෙක් විදිහට,ළමා නිවාසෙක ඉදලා තියෙන්නේ,අද එයාටම වෙන් උනු සේවකයෙක් ඉන්නවා,හොදට ඉගෙනගෙන තියනවා, ‍රැකියාවක් කරනවා එහෙම ඉදගෙනත්.
ඔහොම හදාගන්න ගෙනාපු කීප දෙනෙක් ගැනම තොරතුරු මම දන්නවා,කීප දෙනෙක් එක්කම කතා බහ කරලා තියනවා,කොහොමහරි එක්කෙනෙක් මට කිවුවා එයා ගියාලු අම්මව හොයාගෙන,කොහොමහරි හොයලා හොයලා හම්බවෙලා,එත් එයා කියනවා ඒ අම්මා කැමති උනේ නැලු ආයේ එයාගේ දරුවෙක් විදිහට පිලිගන්න,මොකද ඒ වෙද්දි ඒ අම්මා වෙනම පවුල් ජීවිතයක් ගත කරන කෙනෙක්,ඉතින් එයා ආයේ ආවලු ඒ අම්මව අමතකම කරලා,එයා කියන්නේ එයාගේ හදාගත්තු අම්මල ලගටම ආවලු ආයේ යන්නේ නෑලු අර අම්මව බලන්න,හැබැයි එයා හිටිය ළම නිවාසෙට තාමත් උදව් කරනවලු.එයාගේ තාත්තා ගැන නම් කිසිම දෙයක් දන්නේ නෑලු.
කාලෙකට ඉස්සල්ල මරු දෙයක් දැක්ක,ලංකාවෙදිම,කොහොමහරි ඔහොම නිව්න් සහෝදරයෝ දෙන්නෙක්ව හදාගන්න දීලා සුදු ජෝඩුවකට එයාලා නම් ළමා නිවාසෙක නෙමේ හරි දුප්පත් පවුලක ,එයාලට තව සහෝදරයෝ ඉන්නවා ලංකාවේ පවුලේ,ඉති අර සුදු ජෝඩුව හැම අවුරුදු 2ට සැරයක්ම අර ලමයි දෙන්නව අරගෙන ලංකාවට එනවලු,ඒ එද්දි අර පවුලේ අය ඉන්නේ උළු මෝලක වැඩ කරන ගමන්,ඉතින් අර ජෝඩුව මෙයාලට ගෙයක් කුළියට අරගෙන දීල ඒකට උවමනා දේවල් අරන් දීලා ආයේ යනවලු,මේ මිනිස්සු මොකද කරන්නේ අර මිනිස්සු ගිය ගමන් තියන බඩු ටිකෙන් ටික විකුනනව,අන්තිමට ගෙවල් අයිති කාරයට කන් කෙදිරි ගාල අවුරුදු 2ටම දීපු ගෙවල් කුලියත් අරගෙන කොහෙ හරි උළු මෝලකට ආයේ යනවලු,අර සුදු ජෝඩුව ආයේ අවුරුදු 2න් එනවලු,එයලට ළමයිව ගන්න උදව් කරපු කෙනා ලව්ව ආයේ අර පවුලේ අයව හොයාගෙන අර වගේම කරනවලු,ඔහොම කීපසැරයක්ම කරලා බැරිම තැන අර සුදු ජෝඩුව දැන් එන්නෙම නෑලු.
ඇත්තටම මේ වගේ ළමයි ළමා නිවාසෙකට ජීවත් වෙනවට අඩුම ගානේ පිටරටකින් හරි එයාලට දෙමවුපියෝ ලබෙනවා කියන්නේ කොච්චර ලොකු දෙයක්ද,අපිට අපෙ දෙමවුපියෝ නැතුව ගියෝත් කොච්චර දැනෙනවද,එහෙම බලද්දි අර ළමා නිවාස වල ජීවත් වෙන දරුවන්ගේ මානසික මට්ටම කොහොම ඇත්ද. පොඩ්ඩක් හදවතින් අහලා බලන්න ඒ වගේ ළමයිට කොහෙන් හරි අම්මෙක් තාත්තෙක් ලැබෙනවා නම් කොච්චර දෙයක්ද කියලා.
ලස්සන ගීයක් තියනවා සන්ප්ලවර් ගායක නෙල්සන් වාස් ගායනා කරන පොඩ්ඩක් අහලා බලලම යන්න...

සුභම සුභ නත්තලක් වේවා!!!

2011-12-25T02:51:00.002+01:00

මගේ බ්ලොග් එකත් එක්ක එකතු වෙලා ඉන්න සියලුම දෙනාට ලැබුවාවූ නත්තල සුභම සුභ නත්තලක් වේවා!!!
තවත් නත්තලක් ලැබුවා රටින් පිට, 2007 නත්තල ලංකාවෙදි සැමරුවට පස්සේ තාමත් ලංකාවෙදී නත්තල සමරන්න බැරි උනා, මොනා කරන්නද ඉතින්, මේ සැරේ මගේ ගෙදර අයත් එක්කවත් නත්තල සමරන්න බැරි උනා, බලමු ලබන සැරේවත් ලංකාවෙදි සමරන්න.....

අග...මුල...මුල ...අග

2011-12-17T00:09:00.003+01:00

උත්සව සමයනේ,මේ කාලේ ජයටම යන වැඩක් තමා බූරුවා ගැසීම, ඉතාලියෙත් අපේ ලාංකිකයෝ අතර මේක බහුලවම යනවා, නීතිය ගත්තොත් ගෙයක් ඇතුලේ ගොඩක් දෙනෙක් ‍රැස්වී කෑ ගහලා අහල පහල මිනිස්සු කෝල් කරලා පොලෝසියෙන් පැන්නොත් මිසක් ඒත් ලංකාවේ වගේ පොලෝසියෙන් පැනලා බූරු ගහපු පැදුරු ඔලුවේ තියන් පොලෝසියට ගෙනියන්නේ නෑ,අපේ කස්ටිය මොකක් හරි බොරුවක් කියලා ශේප් එකක් දාගන්නවා ඇති,මොකද මම අහලම නෑ බූරු ගහලා පොලිසියෙන් ගෙනිච්චා කියලා, සමහර බූරු පොලවල් වලට ඇතුල් වෙන්නත් බෑලු යූරෝ 500,1000 සංවිධායකයන්ට පෙන්නන්නේ නැතුව,කොහොමද බූරු පොළේ ගුනාත්මකභාවය ,ඒවගේ තැන්වල විස්කි, බයිට්, සිගරට්, කෝපි, තේ නොමිලේ සපයනවා,අනික තමා ඒවගේ තැනක දින්න එකා අඩුම ගානේ යූරෝ විසිදහක්වත් අරගෙන තමා ගෙදර යන්නේ,පරදින එකත් ඕකේ අනිත් පැත්ත, මම අහලා තියනවා පැරදිලා හාට් ඇටැක් හැදිලා එතනින්ම ඇම්බියුලන්ස් පටෝපු උන් ගැනත්, ඇයි දෙයියනේ සමහරවිට අවුරුද්ද පුරා හම්බු කරපු සල්ලි සේරම ඔතෙන්ට පූජා කරලා කොහොම ගෙදර යන්නද ගැණිගෙන් ඉන්න ඈ.
මට මේක කියද්දි මතක් උනා කතාවක් අපේ ගමේ ‍රැකියාවට බූරු ගහපු පොරක් හිටියා, ඒත් ‍රැට ගෙදර ආවහම ගෙදර ගෑණි මූ දිනලද නෑද කියලා චෙක් කරලලු ගෙට ගන්නේ , පොර දිනන දාට ගෙදර ගැණි හරි සැලකුම් මැදලු ගේ ඇතුලට ගන්නේ, පරදිනදාට ඉතින් ගේ දොර අරින්නෙත් නෑලු,දවසක් පොර පොඩි අත් හදා බැලීමක් කලාලු, එදා ආවේ හොදටම පැරදිලාලු, ගේ දොර ගාවට ඇවිත් පොරගේ යාලුවන්ගේ එක එක නම් කියන ගමන් යමන්කෝ මම උබට මෙච්චරක් දුන්නා නේ,,උබට අච්චරක් දුන්නේ තවත් මදිද වගේ හයියෙන් කියනවලු,මේක ඇහිච්ච ගැණි දොර ඇරියලු ඇයි මේ යකා දිනලා සල්ලි බෙදනවා කියලා හිතලා,පොර කලේ එකපාරටම දොරෙන් ගේ ඇතුලට පැනපු එකලු.
ආ ආයේ එමු ඉතාලි බූරු පොලට,මේ වගේ ජයටම ගිය බූරු පොලකින් යූරෝ 25000 ක් වගේ ගානක් දිනපු පොරක් පහු ගිය සතියේ ගෙදර ගිහින් තියනවා, එදා ‍රැම ගෙදරට හොරු පැනලා,ප්ලැට් එකක උඩ තට්‍ටුවක හිටිය එකෙක්,කළු අර නින්ජලා වගේ මූන වහගෙන තුවක්කු අරගෙන පැනලා තියෙන්නේ, මුලදී නගරේ ආරංචිය ගියේ ලංකාවට යන්න ඉස්සරින්දා ගෙදරට හොරු පැනලා සල්ලි හොරකම් කලා කියලා,ගෙදරට පැන්නේ ඉතාලි ජාතිකයෝ 4ක් කියලා,ඔය පුවත අද ලංකාවේ ජාතික පුවත් පතකත් තිබුනා, ඒකේ නම් තිබුනේ මේ සල්ලි දිනුමකින් ලැබුනු ඒවා කියලා, හික්ස් හරිනේ දිනුමක් තමා සල්ලි බූරු ගහලා දිනලා ගෙනිච්ච සල්ලි නේ, ඒ එක්කම අද ආපු ආරංචියෙන් ආවේ අතන හොරු 4න් 2ක් ලාංකිකයොම තමා කියලා ඉතාලි පුවත් පතක තිබිලා ,,උන් දෙන්නව පොලිසියෙන් අල්ලලා,කොහොමහරි බූරුපොලෙන්ම දෙන්නෙක් කාව හරි ඉතාලි හොරු දෙන්නෙක් එක්ක එකතු වෙලා ගේම දීලා වගේ, කොහොම උනත් බූරු ගහලා දිනපු අනුන්ගේ සල්ලිම නේ. ඔන්න ඔහොමයි අපේ කස්ටිය අපේ රටේ නම ආරක්ශා කරන්නේ....

ජීවිතයේ තවත් කඩ ඉමක්....

2011-12-12T00:07:00.002+01:00

මාසෙකට සැරයක් ගාට ගාට යන මගේ බ්ලොග් එකේ මේ මාසේ පලවෙනි පෝස්ට් එක,, ලියන්න දේවල් ඔලුවට ආවට මොනා කරන්නද ලියවෙන්නේ නෑනේ. ආ තවත් පණිවිඩයක් මගේ බ්ලොග් එකේ කොටන 3වෙනි රට. ලංකාවට ගිය වෙලාවකත් බ්ලොග් එකේ කුරු‍ටු ගෑවා පටන් ගත්තේ නම් ඉතාලියෙදි නේ, මේ පෝස්ට් එක කොටන්නේ ස්විඩනයේ ඉදන්. අදට සති 2ක් උනා මෙහෙට ගොඩ බැහැලා. ඉස්සරහට මෙහෙ විස්තරත් කියන්නම්,
ආ ජීවිතයේ කඩ ඉමක් කියලනේ පටන් ගත්තේ,,ඔව් අද නම් මට විශේස දවසක් සමහරවිට අද ඉදන් මගේ ජීවිතයේ 3 කොටස පටන් ගනීද මන්දා, ලංකාවෙදි 1 කොටස ගියා පාසල් ජීවිතයත් එක්ක 2 කොටස ගෙවුනා ඉතාලියේදි, අදින් පටන් ගන්න මගේ 26 වෙනි උපන්දිනයත් එක්ක තවත් රටකදී මගේ 3 කොටස ලියන්න ගන්න ගොඩක් ඉඩ තියනවා, ඒකට මේ දවස් වල පුල් ට්‍රයි බලමු.මොකද මමත් ලොකු බලාපොරොත්තු ලොකු ප්ලැන් එක්ක නෙමේ තාමත් මගේ ගමන යන්නේ, එන එන පැත්තට ගහ උලුවස්සා ක්‍රමේට. කොහොමහරි අවුරුදු 26ක් ගෙවුනා රටවල් 2කදී, අප්පේ ඉතාලියට එද්දි මම පොඩි එකානේ, පලවෙනි ඉතාලි කොලේට ගත්තු පොටෝ එකක් අම්මා ගාව තාම තියනවා ඒක දකිද්දී හිනා යනවා, පාස්පෝට් එකත් දෙවෙනි එක මේ වෙද්දි,පලවෙනි එකේ නම් මම පොඩිම එකා ඉන්නේ දෙවෙනි එකේ දැන් ඉන්න එකාමයි ඉන්නේ. අත්දැකීම් නම් ගොඩක් ගත්තා ඉතාලියෙදි, ඒවට මම ගොඩක් ආසයි, ලොකුම අත්දැකීමත් ගත්තානේ හපොයි තව පොඩ්ඩෙන් ඉතාලියේ ඉදන් උඩට යන්න වීසා එකත් අරගෙන උඩට ගිහින් එහෙන් ඩීපෝට් කලා නේ, තව පොඩ්ඩෙන් අවුරුදු 24න්ම කොල්ලා උඩ,,අද මේ බ්ලොගත් නෑ ඩිලාත් නෑ,අර මගේ නමේ ඉතුරු කැලි දෙකේ උන් දෙන්නත් නෑ. මට නම් කැලි 3ක් හින්දා මම ඔය 3ම පාවිච්චියට ගන්නවා නිකන් තියන එකේ.ඉතින් මුන එකක් නම් 3ක් එක්ක,,,චරිත 3ක් නම් ගෙනියන්නේ නෑ හරිය.
අද මගේ උපන්දිනේ වගේම අනිද්දා මගේ ආදරණීය අම්මගෙ 48 වෙනි උපන්දිනේ මේ උපන්දිනේට අම්මා ගාව මම නෑ. පුතෙක් අම්මා කෙනෙක්ට ගොඩක් ලගයි කියනවා නේ,,මමත් ඒ වගේම තමා , මේ ගෙවපු අවුරුදු 26ට මම කොහොමත් අම්මට ලොකු දුකක් දීලා නැ ඒ ගැන මම සතු‍ටු වෙනවා පුතෙක් හැටියට,,හැබැයි හොදටම ඇඩෙවුවා අර උඩට යන්න ගිය සිද්ධිය වෙලේ නම්,, ඒක ඉතින් හදිසි අනතුරක් නේ මොනා කරන්නද?
වැඩිය උපන්දිනේ ගැන ලියන්න බෑ වගේ බ්ලොග් ලියන්න ඇවිත් අහක තිබුනු බස් කෙරුවාවක් හින්දයි රේඩියෝ කෙරුවාවක් හින්දයි බ්ලොගේ විසි උනා පැත්තකට. මාසෙකට සැරයක් මකුණු දැල් කඩලා යනවා,,ලබන සතිය දිහෑ ස්විඩන් විස්තරත් ලියන්න හිතන් ඉන්නේ, කොහොමත් මේ ජංජාලේ හින්දා,කොටින්ම මේ බ්ලොග්,බස් ,රේඩියෝ කෙරුවාව හින්දා ජීවිතේට හිතමිතුරන් ගොඩක් අදුන ගත්තා,,පොඩි දුකක් තියෙන්නේ මේ එකෙක්වත් මට මුනගැහෙන්න බැරි උනා තාමත්, මාව ක‍ටුනායකින්ම පැහැරගන්න බලන් ඉන්න අයත් ඉන්නවලු ,චොකලට් බව්සරයක් බලන් ඉන්න අයත් ඉන්නවලු,,තව මොන මොනාද ඉල්ලනවා සලකන්න ඕනා කියලත්,,අනේ අපෝයි මේවා හිතද්දි මට එන්න හිතෙන්නෙත් නෑ. හා හා කස්ටියටම කියන්නේ ඉක්මනින් එන්නම්කෝ උබලා සේරමන්වම බලන්න. එහෙනම් උබලා සේරමන්ටම ජය වේවා!!! මටත් ජය වේවා!!!

අපේ අත්කම් නිර්මාණ වලට ගිය කල

2011-11-10T09:56:00.002+01:00

වැඩි කතා නැතුව ආපු ගමන් කතාව පටන් ගන්නම්,මේක මේ මට ලගදී උනු වැඩක් ඔන්න මම වැඩ කරන අවන්හලේ ගබඩාව සුද්ද කරන්න ගත්තා, සුද්ද බුද්ද කරන් යද්දි පෙට්ටියක් ඇතුලේ ඉදන් එකපාරටම එලියට ආවා දෙයක් ,හුටස් බැලින්නම් ලංකාවේ තියන අලියා පෝච්චියක්, ඕකේම තිබිලා ආයේ එලියට ආවේ බිත්තිවල එල්ලන ලී වලින් හදපු සීගිරි අප්සරාවෝ දෙන්නෙක්, කවුරු හරි කෙනෙක් මෙතෙන්ට තෑගි දීපු දෙයක්,,ඒ කොලවලින්ම ඔතලා එහෙම්ම මෙතෙන්ට වැටිලා ප්‍රයෝජනයට අරගෙන නම් නෑ, ඒ ගමන් අයිතිකාරයත් ඕවා අතට අරගෙන බලල එකපාරටම මූ කිවුවේ කැත මේකත් විසිකරපන්,,,මේවා මොන රටේ ඒවද? කියන ප්‍රශ්නේ අනිත් පැත්තට ආවේ, මූ කැත කිවුව හින්දා මට ශ්‍රී ලංකාව කියන්න පුලුවන්ද ඇදුමක් ඇදගෙන, මම අපේ රට ගැන ගහන බයිලා වල හැටියට,මම කියලා දැම්මා ආ මේවා ඉන්දියාවේ තමා තියෙන්නේ කියලා, මම දන්නවා නේ ඕකා හෝවා හොයන්නේ නෑ කියලා,සල්ලි හම්බ කරන්න දන්නවා උනාට ලෝකේ ගැන කිසි දැනීමක් නැති එකෙක්, මේ සිසිලියේ ඉන්න ගොඩක් උන් ඔහොමයි, උබ ලංකාවට යන්නේ නැවේද කියලා අහන උන් තාම ඉන්නවා,,,ලංකාව කොහෙද තියෙන්නේ කියලා අහන උන් ඉන්නවා ඉන්දියාව ලග කිවුවම ඉන්දියාවයි,මහත්මා ගාන්ධිවයි දන්නවා උනාට ඉන්දියාව කොහෙද තියෙන්නේ කියලා ගොඩක් උන් දන්නෙත් නැ.
අනේ මට මේවා අපේ රටෙ කියන්න බැරි උනු හේතුව තමා, අලියා පෝච්චිය අනේ අලි 3නා කේඩැරී වෙච්ච හරිම කැත අලි 3ක්,,උන් අලිද කියලත් හිතා ගන්න බෑ උන්ගේ කන්වල කැත,,, හොඩ වැලත් නිකන් ඉර‍ටු කැල්ලක් ගහලා වගේ,අලියගේ ශරීරය නම් බලන්න දුකේ බැ ,ඉතින් කොහොමද මේක අපේ රටේ කියන්නේ, අපේ අම්මගේ මහ ගෙදර පරන අලියා පෝච්චියක් තියනවා ඒ කාලේ හදපු ඒව බලන්න ලස්සනේ බැ, ඔන්න ඊලගට සීගිරි අප්සරාවෝ අනිවා කාශ්යප රජතුමා දැක්කා නම් මේවා හදපු උන්වයි විකුනපු උන්වයි අරගෙන සීගිරිය කන්ද උඩට ගෙනියලා තල්ලු කරනවා බිමට,රජතුමා කියයි යකෝ මම අන්තංපුරේ තියාගේන හිටියේ මේ වගේ කෙල්ලෝ නෙමේ සුපිරි කෙල්ලෝ කියලා, තොපි ලස්සන කෙල්ලෙක්වත් ඇහැට දැකලා නෑද කියලා අහයි, සීගිරි ළලනාවෝ දෙන්නගේ මූන ඇදිලා ගිහින්,පිරුනු පියයුරු නෙමේ තියෙන්නේ එල්ලුනු පියයුරු යුගලක්, හරියට මන්ධපෝශනය හැදිලා වගේ අප්සරාවන්ට. කොහොමහරි අලියා පෝච්චිය නම් මම ගෙදර ගෙනාවා සීගිරි අප්සරාවෝ නම් බිම වැටිලා දෙකට කැඩුනා එහෙම්ම විසි කලා ඒකත්.
ඇත්තටම මේක කවුරුහරි ගෙනත් දීපු එකාට ඇස් දෙකක් තිබුනේ නෑද මන්දා,,,අනික තමා,මමත් මීගමු සංචාරක ප්‍රදේශයේ මේ වගේ දේවල් විකුනන කඩවලට ගිහින් තියනවා 10ක් ගත්තොත් 8කම තියෙන්නේ මේ වගේ කැත නිර්මාන,අපේ රටේ මේ නිර්මානකරුවෝ හිගවෙලාද,නැත්නම් සල්ලි හොයන්න නිකන් එහෙන් මෙහෙන් ගහලා දානවද මන්දා, අනික අපේ නිර්මානකරුවන්ට නුවර යුගයේ කැටයම් ටික නැතුව ගියා නම් නිර්මානවලට යොදන්න කැටයම් නැතුව යනවා මට හිතෙන විදිහට, තාමත් ඒ කැටයම් විතරයි පාවිච්චි කරන්නේ, ඒත් අද ඉන්දියානුවන්ගේ මේ අත්කම් නිර්මාන ලෝකය අල්ලල ඉවරයි,අඩ්ද ඉන්දියානුවෝ,පකිස්තානුවෝ ,බංගලිදේශ් තුන් ගොල්ලෝම එකතු වෙලා මේඩ් ඉන් ඉන්දියා කියන මේ අත්කම් නිර්මාන වලට මාකට් එක හදලා ඉවරයි, ඒ වගේම ඒ අත්කම් අලුත් නිර්මාන හරිම ලස්සනයි, අලියව උනත් දැන් ලස්සන කරලා නිකන්ම නිකන් අලියෙක් නෙමේ, මම මේ ලගදි ඉන්දියන් අත්කම් විකුනන කඩේකට ගියා ඒක කරන්නේ පකිස්තානුවෙක්, විකුනන්න තිබුන ලී වලින් කපපු ලස්සන බුදු පිලිමයක්,,බලන්න ලස්සනේ බැ, අපේ රටේ මිනිස්සු දැන් බුදුපිලිමෙවත් හරියට හදන්නේ නෑද මන්ද,මෙතන බැරිකමක් නෙමේ මට හිතෙන්නේ ලස්සන නිර්මානෙකට වඩා ඒක එහෙන් මෙහෙන් ගහලා කොහොමහරි විකුනගන්න.
කොහොමත් මේ යන විදිහට අපේ අත්කම් නිර්මාන වලට ලෝකේ තැනක් නැතුව යයි වගේ,බතික් උනත් අලුත් දේවල් නෑ ඒකත් පරන දේමයි,ලංකාවේ හොටෙල් ඇතුලේ තියන මේ වගේ අත්කම් විකුනන කඩවල නම් ලස්සනට කරපු නිර්මාන තියනවා මිලදී ගන්න ඒ හොටෙල් වලින් ඒ වගේ කොලිටිය බලන හින්දා වෙන්න ඇති, තව ටික කාලෙකින් ඉන්දියවෙන් ආයෙත් අපිට මේ කලා නිර්මාන ඉගෙන ගන්න වෙයි වගේ.

ශූරයෙක්ගේ නික්මයාම

2011-10-23T19:19:00.009+02:00

මාර්කෝ සිමොන්චෙල්ලි කියන නම මෝටර් බයිසිකල් ධාවන තරග රසිකයන්ට නුහුරු නෙමේ,,ඉතාමත් දක්ශ ධාවකයෙක් මෝට ජී.පී අංශයෙන්,ඒත් අද දහස් ගනන් ප්‍රේක්ශකයන් සහ මිලියන ගනන් රූපවාහිනි ප්‍රේක්ශකයන් ඉදිරියේ මැලේසියාවේ සෙපෑන්ග් ධාවන පථයේ සිදු වූ බරපතල අනතුරක් හේතුවෙන් ධාවන පථය මතම මිය ගියා.
ඉතාලි ජාතිකයන් ලෝක මෝටර් බයිසිකල් ධාවන තරගවල පෙරමුන ගන්නවා නිරන්තරයෙන්ම, ඒ අතරින් මේ මෝටර් ජී.පී අංශයෙන් ගොඩක්ම දක්ශතා පෙන්වපු ඉතාලි ජාතිකයන් අතරින් මාර්කෝ ගොඩක් ඉදිරියෙන් හිටියා..මෙයා මෝටර් ජී.පී අංශයට ඇවිල්ලා තියෙන්නේ 125 අංශයෙන් 2002දි අප්‍රීලියා කණ්ඩායමෙන්,එතකොට මෙයාගේ වයස 16 විතර කියලා තමා කියන්නේ. මේ අංශයෙන් දක්ශතා දක්වපු මාර්කෝ 2006 දී 250 අංශයෙන් ධාවනයට එකතු වෙනවා ජිලේරා මෝටර් බයිසිකල් කන්ඩායමෙන්. මේ අංශයෙන්ම 2007 දී නැවතත් අප්‍රීලියා කන්ඩායමට එකතු වෙන මාර්කෝ,2008 දී 250 අංශයෙන් ලෝක ශූරතාව හිමිකර ගන්නවා ජිලේරා කණ්ඩායමෙන්ම. 2009 දිත් තුන්වන ස්තානයට පත්වෙලා, 2010 සුපර් මෝට ජී.පී අංශයෙන් තරග වලට එකතු වෙනවා, මේ අංශයෙන් තමා තරගකරුවෙක් තමාගේ දක්ශතා උපරිමයට ආවහම තරගවලට ඉදිරිපත් වෙන්නේ. ඒ හොන්ඩා කණ්ඩායමෙන්,ඒ වසරේ 8 වෙනි ස්ථානයට පත් වෙනවා..මේ වසරෙත් හොන්ඩා කණ්ඩායම නියෝජනය කරන මාර්කෝ කේසි ස්ටෝනර්,ජෝජ් ලොරෙන්සෝ ,අන්ද්‍රයා ඩොවී , වැලෙන්තීනෝ රොස්සී වගේ ප්‍රභල තරගකරුවන් අතරින් මේ වෙද්දි 6 වෙනි ස්ථානයට පත් වෙලා,මේ වසරේ අවසන් තරගයට පෙර තමා මේ මැලේසියා සේපෑන්ග් තරගය පැවතුනේ. මම හිතන්නේ මාර්කෝ අනිවාර්යෙන්ම පලමු තරග කරුවන් 5 අතරට එන්න බොහෝ ඉඩ තිබුනා,,,ප්‍රබල තරග කරු වැලෙන්තීනෝ රොස්සීවත් අභිබවාගෙන.
ඉතාමත් අඩු වයසකින් ලෝක ප්‍රසිද්ද වෙලා අවුරුදු 24 දීම තම ජීවිත ගමන නිමා කෙරුවා,තමා දක්ශතා පෙන්නපු , ආසා කරපු මෝටර් බයික් ධාවන තරගයක් අතරදිම... මෝට බයිසිකල් ධාවන තරග අනතුරුදයක තරග අංශයක් උනත් ලොකු ක්‍රීඩා ලෝලීන් ප්‍රමානයක් රදවා ගන්න ක්‍රීඩාවක්,, ඔයාලා දකිනවා ඇති අපි කියන්නේ කනේ වැලි ගෑවෙන්න වංගු ගන්නවා කියන්නේ ඒ වගේ ත්‍රාසජනක සිදුවීම නිසා තමා මම උනත් මේ තරග වලට ආසා කරන්නේ. අද උදේ අපි වැඩකරන ගමන් ටීවී එකේ මේ තරගය නරබමින් හිටියේ ඇත්තටම අපේ ඇහැට කදුලුක් එක් කලා මේ අනතුර,,
ඉතින් සුභ ගමන් මාර්කෝ සිමොන්චෙල්ලී!!!

&amp;amp;amp;amp;amp;amp;amp;amp;amp;amp;lt;/ඉෆ්‍රමෙ&amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;lt;br&amp;amp;amp;amp;amp;amp;amp;amp;amp;amp;gt;මේ අද සිදු වූ අනතුර ,මෙහි අනිත් තරගකරුවන් වන්නේ කොලින් එඩ්වඩ්ස් හා වෑලෙන්තීනෝ රොස්සි.

ගෘහස්ත ළමා හිංසනය

2011-09-19T10:16:00.002+02:00

බයවෙන්න එපා මාතෘකාව ලොකු උනාට ,දහ අතේ කල්පනා කරලා මේක දැම්මේ ගැලපෙනවද මන්දා ඔන්න ඔහේ දැම්මා. ඔන්න එහෙනම් පටන් ගත්තා. පහු ගිය දවසක මට මෙහෙ ටීවී එකෙන් බලන්න ලැබුනා නිවුස් එකක් ස්කැන්ඩිනේවියා රටක පදිංචි වෙලා ඉන්න ඉතාලි ජාතිකයෙක්ව හිරේ යවලා,,ඉතින් අපිට මොකෝ නේ ඒත් මේකට හේතුව හරි අපූරුයි ,පාරෙදී තමන්ගේම පොඩි දරුවට පහර දුන්නා කියලා හේතුව, වැ‍රැද්දක් කරපුවහම තාත්තා ගහන්නේ නැතුව අල්ලපු ගෙදර ඉන්න එකා ගහන්නද කියලයි මට හිතුනේ,කොහොමහරි මේ තාත්තට විරුද්දව පාරේ ඇසින් දු‍ටු සාක්ශි කීපයකම තියනවා ලු, මේ වගේ පුවත් කීපයක්ම ලගක ඉදන් අහන්න ලැබුනා මට,,අනික් දේ ඔය ස්කැන්ඩිනේවියා රටක පදිංචි මාගේ මිතුරෙක් කිවුව කතාවක්,,එහේ පදිංචි ලාංකික පවුලකත් ඔහොම දෙයක් උනාලු, දරුවන් දෙමවුපියන්ට විරුද්දව පැමිණිලි කරලා , තවත් ඔහොම තොරතුරක් දැක්කා තමන්ගේ අම්මට එරෙහිව පැමිනිලි කරලා තමන්ගේ අම්මා තමන්ගෙන් වැඩ ගන්නවා කියලා බලද්දි පොලිසියෙන් හොයලා බලද්දී වෙලා තියෙන්නේ ඒ ළමයට අම්මා කියලා තියෙන්නේ කෑම කාලා ඉවර වෙලා තමාගේ පිගාන හෝදන්න කියලා, මෙහෙමත් නීති මුන්ට පිස්සු, හැබැයි පිස්සුවෙන් වගේ දරුවන්ට දඩුවම් කරන දෙමවුපියනුත් ඕනා තරම් ඉන්නවා,යම් ප්‍රාමානෙකට නෙමේ දඩුවම ඉවරයක් නැ,,එහෙම අයට ඉතින් නීතියෙන් දඩුවම් කලත් කමක් නෑ වගේ,පිස්සු හැදිච්ච දෙමවුපියන් යුරෝපේ වැඩි නිසා මේ නීති ආවද මන්දා.
මම මේ කල්පනා කලේ අපේ රටේ මේ වගේ නීති තිබුනොත් මොනා වෙයිද කියලා, ඇයි දෙයියනේ අපි දන්න කාලේ ඉදන් ගු‍ටු මිටි මිටි කැවේ කරපු කුප්ප වැඩ වලට.දැන් හිතෙනවා ඒ වැඩවලට ගහපු එක හොදයි කියලා,,මම පොඩි කාලේ මගේ දකුණු කන ඇදයි පොඩ්ඩක් අපේ අම්ම කනම කරකෝලා,ඉස්සර අර ටීවී වල චැනල් කරකෝනවා වගේ තමා නිතරම.කොහොම උනත් ඒ කාලේ අපිට දඩුවම් නොකල නම් අපි මේ වෙද්දි මෙහෙම ඉන්න එකක් නැ,,මොකද මම 2 වසරේ විතර ස්කෝලෙන් ලග ඉන්න එකාගෙ තුල් මාරු කරන පැන්සලක් ඉස්සුවා,ගෙදර ඇවිත් ඉතින් ඕක කොහොමහරි පැන්සල අම්මා දැක්කා ,කොහෙන්ද කියලා අහලා ඉතින් බොරු කිවුවට සැරෙන් අහද්දි ඇත්තම කියන්න උනා,,අම්මෝ කාපු ගුටි වල තරමක් තාම මතක් වෙද්දිත් රිදෙනවා ,එදා පහුවෙනිදම ස්කෝලෙට ගියෙත් පාර දිගට ගුටි කකා,කොහොමහරි මිස් තමා ගුටි කන එකෙන් බේර ගත්තේ ස්කෝලෙට ගිය හින්දා,,,අරූට පැන්සල දීලා සමාව ගන්නත් උනා,මිස්ගෙනුත් සමාව ගන්න උනා.
කොහොමහරි එදා ඉගෙන ගත්තු පාඩමේ හැටියට අද වෙනකනුත් අනුන්ගේ දේකට අතක් තියලා නෑ.පුංචි කාලේ දෙමවුපියන් අපි කරන වැරදි වැඩවලට දඩුවම් කලේ නැත්නම් ඇත්තටම අපි වැඩිහිටියන් වෙන දාකට හොද මිනිස්සු විදිහට නෙමේ සමාජෙට යන්නේ,එහෙම බලද්දි මේ යුරෝපෙ උන්ට පිස්සු හැදීගෙන එනවා වගේ මට හිතෙන්නේ.
අනික් දේ තමා යුරෝපේ කාලෙකට ඉස්සල්ලා පාසල් වලදී දඩුවම් කරන එක නැවතුනා,,මේ වෙද්දී අපේ රටෙත් දඩුවම් කිරීම නැවතිලා තියෙන්නේ, සමහර ගුරුවරු අපිට බොරුවට දඩුවම් කරපු වෙලාවලුත් තිබුනා ,,සමහර වෙලාවට එයාලගේ හිතේ තිබුනු තරහවල් ළමයින්ගේ පිටින් යවන වෙලාවල් තිබුනා,ඒත් එහෙම නොවී අපිට උගන්නන්නම අදහසින් දඩුවම් කරපු ගුරුවරු අපේ රටේ හැම ස්කෝලෙකම වගේ ඉන්නවා, ඒ වගේ ගුරුවරු අදටත් නැතුව නෙමේ,,ඒත් අද ඉතින් ලංකාවේ ස්කෝලෙක ගුරුවරයෙක් දඩුවම් කලොත් දෙමවුපියන් පොලිසි යනවා නැත්නම් හැන්දෑවට ගුරුවරයා වැඩ ඇරිලා යද්දි ගුරුවරයට පහර දෙනවා. එහෙම බලද්දි යුරෝපයේ කාලෙකට පෙර ආපු ඒ නීති මේ වෙද්දි ගෙවල් වලට ඇවිල්ලා. දැන් අපේ රටේ ස්කෝලෙට ආපු ඒ නීති යම් කාලෙකදි ගෙවල් වලට එයිද? එහෙම උනොත් නම් මහා ජල්බරියක් වෙන්නේ. සමහරවිට ඉදිරි කාලේ අපිට හිරේ ලගින්න වෙයිද මන්දා අපේ දරුවන්ට දඩුවම් කරලා?

මෙහෙමත් හොරු

2011-09-06T10:29:00.002+02:00

මොන වෙඩිමක්ද මේ කියලා හිතෙන්නේ මේ වෙලාවට තමා ඇයි දෙයියනේ මේ හොරු මේ ටිකේම මගේ පස්සෙන් පන්නනවා නේ, තව පොඩ්ඩෙන් අද මගේ දුප්පත් බයිසිකලේ උස්සන්නේ. ඔන්න මම අද සවස වැඩට ගිහින් වැඩ ඉවර වෙලා ඔන්න ලග බාර් එකට ගියා,,හෝව් හෝව් බොලාලා හිතන්නේ මම වැඩ ඉවර වෙලා ශොට් එකක් දාන්න කියලද පිස්සු හැදෙයි මම හොද කොල්ලෙක්,මම ගියේ ටී එකක් බීලා සීනි බනිසක් කන්න වගේ කැෆේ එකක් බීලා මෙහෙ තියනවා ඔය බනිස් වගේ එක එක ජාති තියනවා ඒවා එකක් කන්න ගියේ.මොනා කරන්නද බාර් වල තමා ඕවා සේරම තියෙන්නේ උඩ රාක්කවල බැබලෙනවා අරවත් පේලියට මම නම් ඕවා දිහා ඇහැක් ඇරල බලන්නේ නෑ. එක එක ජාතියේ ඒවා කැෆේ එක බොන ගමන් වම් ඇහැ යනවා ඒත් අහක බලා ගන්නවා.
ඔන්න මම කාලා බීලා එලියට ආවා මෙන්න බොලේ එකෙක් මගේ බයිසිකලේට දාලා තියන ඉබ්බට යතුරු වගයක් දානවා එකක් දානවා කරකෝනවා හොල්ලනවා ආයේ දානවා,හරියට උගේ වගේ,,මම බයිසිකලේට දාලා තියෙන්නේ ඉබෙක් එක්ක දං වැලක් ,නැතුව බයිසිකලේ පරිස්සම් කර ගන්න බැ,,මේ ලගදි සීට් එකත් ගලෝගෙන ගිහින් තිබුනා, ඔන්න මම අරූගේ වැඩේ දිහා බලන් ඉන්නවා මූ මොකද කරන්නේ කියලා ,බැරිම තැන මම ගියා බයිසිකලේ ලගට ගිහින් මගේ යතුර ගත්තා එලියට මු ම දිහා බලල හිනා වෙලා අහනවා උබේද බයිසිකලේ කියලා,මම ඔව් කිවුවහම කියනවා ආ මට සමාවෙයන් කියලා මෙන්න මූ යන්න යනවා, විනීත හොරුත් ඉන්නවා බලන් යද්දී,ඌ නම් ඉතාලි ජාතිකයෙක් නෙමේ නැගෙනහිර යුරෝපා රටකින් ආපු අනාත පොරක් වගේ...
මේ ටිකේම මගේ පස්සෙන් හොරු එනවා වැඩීනේ කොහොමත් පහු ගිය අගෝස්තු 15 ගෙදරට හොරු පැනලා ගේ සේරම අනිත් පැත්ත හරෝලා ගෙනියලා තිබුනේ මගේ ලැප විතරයි නේ, අනේ පොලිසියකට ගියා උන් නෙමේ තාම අපේ ගේ පලාතෙවත් ආවේ, පැමිනිල්ල ලියන්න ගිය වෙලේ නම් අනේ පු‍ටු පෙන්නලා වාඩි වෙන්න කියලා,නිලධාරියා ආව ගමන් කියන්නම් කියලා,,ඔන්න ඌ ආවා කියලා උගේ කාමරේ පෙන්නලා,,,අපි එතෙන්ට යද්දී පොර ඉන්නවා පොරගේ කාමරේ එලියට වෙලාම අපි එනකන්,අම්මෝ බලන්න එපැයි අපිට තිබුනු සැලකිලි , ඒක විතරයි ලැබුනේ , ඉක්මනින් ලැප ලැබෙයි කියලා බලාපොරොත්තු වෙනවා කියලා මූ මාව ආයේ දොර ගාවට ගෙනත් ඇරලා ගියේ. ඒ අතින් ඒක තමා මෙහෙ පොලිසියේ වෙනස,,හොරු පැන්න එකට නම් පලාතේ ආවේ නැ අපේ ගෙදරට ඒත් ඉතින් හිතලා බලද්දී උන් මොනාට එන්නද හොරු පැන්නට පස්සේ.
කොහොමහරි මේ ලගදී නියම වැඩක් ආරන්චි උනාමගේ යාලුවෙක් ඉන්නවා තට්‍ටු 5ක් විතර උස ප්ලැට් එකක් ඕකේ ඉන්නේ ඉතාලි අයට වඩා විදේශිකයෝ ,කොහොම හරී එක පාරටම මේ ප්ලැට් එකම මාර කුණු ගදක් ගහන්න අරගෙන එක ගෙයක් වහලා ඒ ගෙදරින් ලු එන්නේ ඒ ගෙදර ඉදලා තියෙන්නේ මොරොක්කෝ මිනිහෙක් විතරලු ඌත් හෙන ජල්තර පොරක් ලු, මේ අනිත් ගෙවල් වල ඉන්න උන් හිතලා තියෙන්නේ මූ මැරිලා කියලා මුන් පොලිසියට එනවලු, ටිකකින් පොලිසිය ආවලු පොලිස් කාර් 20ක් විතර,අර ගැස් වෙස් මුහුනු දාගෙන නිකන් හෙන මෙහෙයුමකට යනවා වගේ,,අර ඉංග්‍රීසි පිචැර් වල එන්නේ තුවක්කු මානගෙන ඒ වගේ,,,ආ තව ගිනිනිවන වාහනයක්,,ඇම්බියුලන්ස් එකක්, පොලිසි දෙක තුනකින්ම වාහන,,ඇවිල්ලා කැඩුවලු දොර බලද්දී අරූ මොකක් හරි කේස් එකකට ගෙදරින් පැනලා ගිහින් මු කන්න ගෙනාපු මස් වගයක් මේසේ උඩ දාලා ගිහින්ලු ඒක කුණු වෙලා ගද ඇවිල්ලා තියෙන්නේ,,අනේ කට්ටිය ආපහු හැරිලා ගියාලු මූණු පපඩම් වගේ කරගෙන. හොරු ගැන කියලා පොලිසිය ගැනත් කියලා දැම්මා. බලමු ආයේ මාව හොයන් මොන හොරෙක් එයිද දන්නේ නෑ.

අවදි වු යෝධයා....

2011-08-01T14:23:00.012+02:00

මේ මාස දෙක තුනේම විටින් විට මේ යෝධයා ඇහැරෙනවා, ලොකු හානියක් නොකලත් මේ යෝධයවත් විශ්වාස කරන්න බෑ...ආ යෝධයා කවුද කියලා කියන්න අමතක උනා නේ... ධර්මයගේ තවත් එක් නිර්මානයක්,,,යුරෝපයේ තිබෙනා එක් සක්‍රීය ගිණි කදු රාජයෙක්,,,යෝධයාගේ නම එට්නා ගිනිකන්ද, මෙයා තමා යුරෝපේ ඉන්නා උසම සක්‍රීය ගිනිකදු යෝධයා... මේක පිහිටලා තියෙන්නේ දකුණු ඉතාලියේ සිසිලි දිවයිනේ,,,මධ්යදරනි මුහුදේ තිබෙනා ගිණි කදු දෙකෙන් එකක්.. අනෙකා ස්ට්‍රොම්බෝලි නමින් හදුන්වන කුඩා ප්‍රමානයේ ගිනි කන්දක්,,ඒකත් අයිතිවෙන්නේ සිසිලි දිවයිනටම අයත් තවත් පුංචි දිවයිනක. ඉතාලියට ගිණි කදු 3ක් තියනවා අනෙකා නම් නාපෝලි නම් නගරයේ පිහිටා තිබෙනා විසූවියස් ගිණිකන්ද මේක නම් මම තාම දැකලා නැ,මේකත් ක්‍රි.ව. 79 දී විශාල හානියක් සිදුකරමින් ගම් පිටින් යට කරගෙන පුපුරා ගිය ගිනි කන්දක්,,දැන් නම් නිදාගෙන හිටියට.
අපි එමු ආයේ එට්නා වෙතට අවසන් වතාවට පහුගිය 30 වෙනිදා තමා මෙයා ආයෙත් නැගිට්ටේ. ඒකේ වීඩියෝවක් පහල ඇති. එට්නා ගිනි කන්දේ උස මීටර් 3330 විතර කියලා කියන්නේ, මේ කන්ද සීත කාලෙට පුදුම ලස්සනක්,,,හිම වලින් පුරෝගෙන සුදෝ සුදට ඉන්නේ,,, ඒත් රශ්නේ කාලේ එද්දී මෙයා ඇහැරෙනවා,,මේ වසරේ නම් ලොකු සද්දයක් දැම්මේ නැ, ඒත් මට මතකයි පහු ගිය වසරක මෙයා ඇහැරුන පාරට මා සිටිනා නගරයට පවා අලු ආවා, මා සිටින්නේ මේකට 150 කිලෝමීටර පමන දුරකින්. කොහොමත් මේ වසරේ නම් විශාල පිපුරුම් වාර්තා වෙලා නැ,,,ඒත් මේ වසරට මේ වෙද්දී අට වතාවක් පමන අවදි වෙලා තියනවා , ඒත් මේ වසරේ ලොකු පිපිරුම් නොමැති ඌවත් එට්නා ගිනි කන්දට අසලම විශාල නගරය වන කතානියා නම් නගරයේ ගුවන් තො‍ටුපල නම් වසා දැමුවා 3 වතාවක් පමන. ගිණි කදු පිපිරුම් ඇති උනාම එයින් පිට වන අලු ගුවන් යානා වලට අහිතකරව බලපැම මීට හෙතුව,ඔයාලට මතක ඇති මේ වසරේ මුල අයිස්ලන්තේ ගිනිකදු පිපිරුමක් නිසා යුරෝපයේ ගුවන් තො‍ටුපලවල් විශාල ප්‍රමානයක් වසා දැමුවා.
එට්නා ගිනිකන්ද පාමුල වට පොඩි පොඩි නගර විශාල ප්‍රමානයක් තියනවා,,,ඒ නගර වල මිනිස්සුන්ගේ ප්‍රාදාන ආදායම් මාර්ගය තමා මේ ගිනිකන්ද, ප්‍රදානවම සංචාරක වියාපාරය සහ ගොවිතැන,,සංචාර්කයින් විශාල ප්‍රමානයක් නිරන්තරයෙන් මෙහි ගැවසෙනවා,,අනික ලෝකයේ රසම දොඩම් වර්ගයක් වන රතු දොඩම් වැවෙන්නේ මේ බිමේ ,දොඩම් ගෙඩියේ මැද රතුම රතු පාටයි,,ඇත්තටම පුදුම රසයක් තියෙන්නේ,,මේ දොඩම් මිලෙන් වැඩී අනික් ඒවට වඩා , මෙහි තිබෙන අනික් වගාවන්ද තරමක් මිල අදිකයි,,,ඒකට හේතුව මේ බිමේ වැවෙන සියලුම දේවල් වල ගුනදායක බව වැඩී කියලා,,,ඊට හේතුව මේ ගිනිකන්දමලු.
කෙසේ උනත් මේ ගිනිකන්ද සක්‍රීය නිසාම සිසිලි බිමේ නිරන්තරයෙන්ම පොඩි පොඩි භූ චලන ඇති වෙනවා ඒ වගේම පොලව අභ්යන්තරයෙන් එට්නා ගිනි කන්ද සහ ස්ට්‍රොම්බෝලි ගිනි කන්දේ සම්බන්දයක් තියනවා ලු මේ දෙකම සක්‍රීය ගිනිකදු නිසා, ස්වභාව ධර්මයේ යම් විශාල බලපැමක් උනොත් මේ සබදතාවයෙන් සිසිලි දූපත චක බ්ලාස්ට් වෙන්න බැරි කමකුත් නෑ කියලා තමා කියන්නේ,,,අනේ මම මේ බිමේ ඉන්න තුරු ඒසේ දෙයක් නොවේවා,,, හොදට මතක තියා ගන්න සමහරවිට ලග කාලෙක ධර්මයා එහෙම කලොත් මමත් මේ බිමේ හිටියාය,,,මේ ගැන බ්ලොග් ලිපියක් ලිවුව බවත් මතක තියා ගන්න හොදද.... ධර්මයා කියන්නෙත් විශ්වාස කරන්නම බැරි පොරක් නේ. පොරට හිතුනද කෙරුවා ආයේ ලොවෙත් නැති වෙන්නම.

මේ ජායාරූප මේ වසරේ මෑයි මස ඈති ඌ පිපිරුමේදීය

මෙය පහුගිය 30 වෙනිදා පිපිරුමේ වීඩියෝ දෙකකි

වරද කාගෙද?

2011-06-27T09:49:00.002+02:00

දින 2ට ඉස්සල්ලා මගේ ලගම යහලුවෙක්ගෙන් දුරකතන ඇමතුමක් ආවා,ඒත් අහන්න ලැබුනේ දුක්බර ආරංචියක්,යාලුවගේ මවගේ පාර්ශවයේ නෑයෙක්ගේ අභාවයක්. මාර්කෝ ප්‍රනාන්දු කියලා වයස 18ක තරුනයෙක් මිය යාමට හේතුව දිවිනසා ගැනීම. දින 10ට ඉස්සල්ලා ගෙදරින් රන්ඩු කරගෙන ගෙදරින් පැනලා ගිහින්, මේ දින 10 ම දෙමවුපියන් මාර්කෝව හොයලා,පත්තර වල දැන්වීම්,පොලිසියෙනුත් සැහෙන්න හොයලා තියනවා,,ඒත් ඉතාලියේ පොලිසිවලින් තරුණ අය ගෙවල් වලින් පැනලා ගිහාම හොයනවා අඩුයි. මොකද ඒ තරමට පැනලා යන නිසාම. අවසානෙදී මළ සිරුර හම්බවෙලා තියනවා දවස් 10ට පස්සේ නගරේ හරහා ගලා යන ගං ඉවුරක තිබිලා සිරුර හදුනා ගන්න බැරි තරමටම නරක් වෙලා,පවුලේ අය හදුනා ගෙන තියෙන්නෙත්,දත් ඉදිරියට ඒම සදහා දත්වලට දාපු කම්බියකින්.
මේ වෙද්දී නොයෙක් නොයෙක් හේතු කියනවා මේ තරුනයා සියදිවි හානිකරගත්ත එක ගැන, මේ තරුනයා ඉතාලියෙම ඉපදිලා සම්පූරන යුරෝප් ක්‍රමේටම හැඩගැසී ජීවත් වෙච්ච කෙනෙක්,පහු ගිය දවස් වල ඉතාලි ජාතික තරුනියක් වෙච්ච තමාගේ ප්‍රේමවන්තියත් මෙයාව අතැරලා ගිහින් තියනවා,ගෙදරින් කියන්නේ එදා රන්ඩුවට හේතුව විභාගය අසමත්වීම කියල.
ඒත් මට හිතෙන විදිහට ඉතාලියේ ජීවත් වෙන ලාංකික පවුල් වල සිදුවෙන පොදු දෙයක් බවට පත් වෙච්ච ප්‍රශ්නයක්,මොකද දෙමවුපියන් සහ දරුවන් අතර සබදතාවය ඉතාමත් නරක පැත්තට හැරිලා තියනවා,,මොකද උදෙන්ම ගෙදරින් පිටත් වෙන දෙමවුපියන් සහ දරුවන් මුන නොගැසෙන තරමට ඇත් වෙලා, ඒ එක්කම යුරෝප් ක්‍රමේටම හැඩගහෙන දරුවන් උනත් ගෙවල් වලට එන්නේ ‍රැ නිදියන්න ඕනා උනාම බවට පත් වෙලා, දරුවන්ට දක්වන ආදරය ගොඩක් දුරට අඩු වීම මම මේ දිවිනසාගැනීමට හේතුව විදිහට දකිනවා,
ආරංචි විදිහට මේ තරුනයා ලග කාලෙක ඉදන් කිසිම කෙනෙක් එක්ක ආශ්‍රයක් නැතුව තනියම ඉන්න පුරුදු වෙලා තියනවා,තමන්ගේ හිටිය ලගම යාලුවන්ගෙන් පවා ඇත් වෙලා තියනවා, මට පේන්නේ ලොකු මානසික පීඩනයක ඉදලා වගේ.මගේ යාලුවා කියපු විදිහට එයාලත් මේ දිවිනසා ගැනීමට පැහැදිලි හේතුවක් දන්නේ නැ, එද ගෙදරින් රන්ඩුකරන් එලියට බැහැලා ගිය වෙලේ පාරෙදී මෙයාට එයාගේ මාමා කෙනෙක් හම්බවෙල කතා කරලා ගිහින් තියනවා,ඒත් ඒ කෙනත් වැඩිය ගනන් අරගෙන නැ මොකද මේ තරුනයා ‍රැ 9,10ට පාරෙදී දකින්න ලැබෙන හින්දා. කොහොමහරි අවසානෙදී තවත් තරුන ජීවිතයක් අකාලේ විනාශ වෙලා ගිහින්, පැහැදිලි හේතුවක් නැති දිවි නසා ගැනීමක්. දෙමවුපියන් උනත් සල්ලි හොයන එකටම වඩා දරුවන් ගැන අවධානයක් යොමු කරන්න ඕනා,අනික විදේශ රටක ඉද්දී ඒක ගොඩක් තදටම කරන්න ඕනා දෙයක් මම හිතන්නේ,සංස්කෘතික 2ක ජීවත් වීමේදී දෙමවුපියන් දැනගන්න ඕනා දරුවන්ව යහමග ගෙනියන්න. අන්තිමේදී සල්ලි හොයන්න ආපු දෙමවුපියන්ට තමාගේ දරුවගේ නරක්වී විරූප වී ගිය මල ශිරුර ලැබුනේ. ප්‍රශ්න තිබුනත් නැතත් දරුවෝ විදිහට අපෙත් යුතුකම් ගොඩක් තියනවා,අපිත් ඒවා ගැන හිතන්න ඕනා.

ඒකි ගියා මල්ලි....

2011-04-28T12:39:00.001+02:00

මල්ලි මම සේරම දින්නා කියලා හිතුවට අන්තිමට ලොකුම දේකින් ආයෙත් පැරදුනා..මම 10 වසරට වෙනකන් විතරයි ඉස්කෝලේ ගියේ,,,ගෙදර තිබුන බර මට කරගහන්න උනා.ඉස්කෝලෙන් නැවතිලා මම මේසන් බාස් කෙනෙක්ට අත්වැඩ දෙන්න ගියේ,,ඒ වෙද්දී මගේ තාත්තගේ රස්සව උනෙත් මේසන් වැඩේ,,එයා හොද බාස් කෙනෙක් ඒ හැකියාව මටත් ඔහොම්ම පිහිටලා තිබුනා...මාස 6ක් වෙද්දී මමත් මේසන් හැන්ද අතට ගත්තා. බාස් කෙනෙක් නොවුනත් මේසන් හැන්ද මට ඉක්මනින්ම හුරු උනා.මම ගොඩක් මහන්සියෙන් වැඩ කලා පවුලේ තාත්තයි මමයි වැඩ කලේ කොහොමහරි ලොකු සල්ලියක් නැති උනත් අපිට කාලා බීලා ඉන්න ඇති උනා,පොඩියට ගේත් හදාගත්තා.අවුරුදු 18 වෙද්දී මම චැලියක් ගත්තා සල්ලි එකතු කරලා පොඩි සල්ලියක් පොතේ දාගෙන හිටියේ ඒ වෙද්දි,ඔහොම ඉද්දී තමා ඒකාලේ බෝට්‍ටුවෙන් ඉතාලි එන වැඩේ නැගලා ගියේ,අපේ ලොකු බාස් බෝට්‍ටුවෙන් ඉතාලි යන්න සෙට් කරගෙන මටත් කතා කලා,ඇත්තටම අපේ පැත්තේ ගොඩක් උන් ඒ වෙද්දී ඉතාලි ගිහින් ඇවිත් ගෙවල්,වාහන එහෙම අරගෙන ජයටම හිටියා,ඉතින් මල්ලි මටත් ඒ ආසව තිබුනා,මටත් ඕනා උනා දියුනුවෙන්න,කොහොමහරි ගමනට ලක්ශ තුනහමාරක් ඕනා කලා,,මට පුලුවන් උනා ලක්ශ එකහමාරක් සෙට් කර ගන්න,,ඉතුරු හරිය ගේ උගස් තියල හොයාගෙන තම මල්ලි මම ඉතාලි ආවේ.
මල්ලි මම ආපු දා ඉදන් ගොඩක් මහන්සිවෙලා වැඩ කලා,කොහොමහරි ටික දවසකින්ම මම ලංකාවේ කරපු මේසන් වැඩේම මෙහෙත් සෙට් උනා..අත් උදවු දෙන වැඩෙන් තමා මෙහෙත් මම ආයෙත් පටන් ගත්තේ,,ඒත් හොද ගෙවීමක් කලා,,ටික දවසකින්ම මට මෙහෙත් බාස් වැඩේම ලැබුනා.කොහොමහරි අවුරුද්දක් යද්දී මම සේරම ණය ඉවර කලා..මම නාස්ති නොකර හොදට හම්බ කලා මල්ලි,,කොල්ලෝ මෙහෙ සල්ලි හම්බකරලා පිස්සු නටද්දී මම නිවාඩු දවසට ගෙදර..මට ඕනා උනේ කොහොම හරි දියුනුවෙන්න,
මම දුප්පත්කම හින්දා ඉස්කෝලෙන් ගමෙන් ඕනා තරම් අපහස විදලා තියනව,මට ඒකාලේ ඉස්කෝලේ යන්න සපත්තු දෙකක් වත් තිබුනේ නැ,,ඉගෙන ගන්න ලොකු දක්ශකමක් තිබුනෙත් නැ,,කොහොම හරි ඉස්කෝලේ ගමන නැවතුනා..ඉතින් මට ඕනා උනේ සල්ලි එකතු කරලා ගමේ අනිත් සල්ලිකාරයෝ වගේ ඉන්න.
ඔය විදිහට කාලේ ගියා අවුරුදු 10ක් ඉතාලියට ඇවිල්ලා,,මම ඒ වෙද්දී තට්‍ටු දෙකේ ගෙයක් හදලා,මල්ලිවයි නංගිවයි මෙහෙට අරගෙන,එයාලවත් පිලිවෙලක් කරලා,මටම කියලා වාහනේකුත් අරගෙන හිටියේ.දැන් ගෙදරින් බර බරේ බදින්න කියලා,මටත් හිතුනා දැන් කාලේ හරි කියලා කසාදයක් කර ගන්න,මමත් ඉතින් කෙල්ලෝ දෙන්නෙක් තුන්දෙනෙක්ම බලන්න ගිය,අනික මට ඕනා උනේ ඉගෙනගත්තු,වැදගත් පවුලක කෙල්ලෙක්,කොහොමහරි කෙල්ලෙක් හම්බුනා ඒකි ලස්සනයි,දෙමවුපියෝ ගුරුවරු,මම ඉතින් ඒකිට කැමති උනා.ලොකු හොයලා බැලීමක් කලෙත් නැ,,ඇත්තටම මම ඒකිට ගොඩක් ආදරේ කලා යෝජනාවකින් ආව උනත්, ඒකිගේ ලොකු වෙනසක් දැක්කෙත් නැ,,ඒකි මටත් ආදරේ කරනවා කියලා හිතුනේ,,මොකද ඒකිත් ලොකු සතුටකින් ඉන්නේ කියලා පෙනුනේ.
කොහොමහරි මම ලොකුවට මගුල් ගෙයක් අරගෙන බැන්දා,,ගමටම මගුල් කියල,මේරියන්ස් බැන්ඩ් එක ආවේ මියුසික් වලට,,මට ඇත්තටම ඕනා උනා ගමටම පේන්න මගුල් ගේ ගන්න,මට පෙන්නන්න ඕනා උනා මට පොඩි කාලේ අපහස කරපු උන්ට පේන්නම ඒවා ලොකුවට කරන්න.
කොහොමහරි වෙඩින්ග් එකෙන් සතියකට පස්සේ මට එන්න ඕනා උනා ආයෙත් මගේ රස්සව බේර ගන්නත් ඕනා නේ,,ඒ වෙද්දි කෙල්ලගේ වීසා එකත් ලැස්ති නැ,,එම්බසියේ හිර වෙලා,මම ඉතින් ඒකිව දාල ආව,,කෙල්ලට වීසා එක අරගෙන එන්න කියල.ඔහොම මාසෙකට පස්සේ කෙල්ලට වීස හම්බෙලා එන්න ලැස්ති උනා,,මම ඇගිලි ගැන ගැන හිටියේ ඒකි එනකන්, ඒකි එනදවසත් ආව,,මම ඉතින් එයාපෝර්ට් ගියා ඒකිව ගන්න,,රෝමෙට ඇවිල්ලා මම ඉන්න සිටි එකට එන්න තවත් ප්ලයිට් එකක් ගන්න ඕනා.මම ඊතින් බලන් ඉන්නවා මේකි එනකන්,,ප්ලයිට් එක ආවත් මේකි නැ ආවේ,,මම දෙලෝ රත්වෙලා හිටියේ,,මම රෝමෙට එන්නම් කිවුවත් මේකි එපා කිවුවා බය වෙන්න එපා මට එන්න පුලුවන් කියලා.ඔහොම හොය හොය ඉද්දී තමා කෝල් එක ආවේ,මේකි කියපි අයියේ මාව හොයන්න එපා මම පරිස්සමින්,,මම ඉස්සල්ල යාලු වෙලා හිටිය කොල්ලා එක්ක ගියා කියලා..මල්ලි ඇත්තටම මට ඒක ඇහුවට පස්සේ කලන්තේට ආවා,,මට විනාඩි 5කට විතර කතා කර ගන්නත් බැරි උනා.මාව පිස්සෙක් වගේ උනා.කොහොමද මල්ලි එහෙම කතාවක් අහන්නේ,,මම මොනතරම් බලාපොරොත්තුවකින්ද හිටියේ,,මම බැන්දට පස්සේ හිතුවේ මම දින්නා කියලා,,මගේ ජීවිතේ සේරම සම්පුර්නයි කියලා හිතුවේ.
ආයේ ගෙදර ඇවිල්ල මම සතියක් විතර බිවුවා,,ඒකිගේන් ආයේ කෝල් එකක් ආවෙත් නැ,පස්සේ ආයේ ඒකි කෝල් කල ඒකි මගෙන් සමාව ඉල්ලුවා,,ඒකි මාව බදින්න ඉස්සල්ල ඒ කොල්ල එක්ක යාලු වෙලා ඉදලා තියෙන්නේ,ඒ කොල්ලට ගෙදරින් කැමති වෙලා නැ,,පස්සේ ඒ කොල්ල ඉතාලි ඇවිත්,හැබැයි කොලේ නැ,,ප්ලැන් කරගෙන ඉදලා තියෙන්නේ කොලේ හදලා කෙල්ලව ගන්න,එහෙම ඉද්දී තම මාව අහු උනේ,,ගෙදරින් බලෙන් වගේ මාව බන්දලා තියෙන්නේ,,මට හිතෙන හැටියට ඒකි ලස්සනටම ප්ලැන් කරලා මාව බැදලා ඉතාලියට එන්න පුලුවන් නේ.අන්තිමට ඒකි ඒකිගේ ආදරේ දින්නා,,මම පැරදුනා.මම ඒකිට සමාව දුන්නා මල්ලි,,මගේ යාලුවෝ සේරම මට බනිනවා,,මම ඒකිට උවමනා කොල ටිකත් යවලා දැම්ම කොලේ වැඩවලට.මම මේ වෙද්දී හිත හදාගෙන ඉන්නේ,,මොනා කරන්නද,,මම සේරම දිනලා අන්තිමට කසාදෙන් පැරදුනා.අන්තිමට ඩිවෝස් එකත් දීලා දැම්ම,,ඒකිට කසදෙට හදලා දුන්න රත්තරන් බඩුවත් ආයේ මම ගත්තේ නැ,,ඒකිට මම ආදරේ කලා,,ඒකි සතුටින් නේ කියලා මම හිත හදා ගත්තා.
මේ මට අහන්න ලැබුන කතාවක්,,කතාව මම කෙටි කරලා ලියලා තියෙන්නේ,,මීට වඩා ගොඩක් දේවල් මට කිවුවා,,,ඒ අයියා සැහෙන උප්දෙස් වගයකුත් කියලා ගියේ,,කතාවෙන්ම ඔයාලට තේරෙනවා ඇති මොනාද උපදෙස් කියලා.....

මගේ කොම්පියුටර් පන්තිය

2011-04-10T23:10:00.002+02:00

කාලෙකින් මට මගේ බ්ලොග් එක මතක් වෙලා පොඩි කතාවක් දාන්න හිතුනා,මොනා කරන්නද මම ලියන්නෙක්ට වඩා හොද කියවන්නෙක්,,,අනික මේ බස් කර්මාන්තේ ඔලුවටම ගහලා නේ,බ්ලොග් ලියන කියෝන අයව කම්මැලි කරලා කියලා හිතෙනවා වෙලාවකට,,ඒත් බස් වැඩෙන් කට්ටියව ගොඩක් ලන් වෙලා.
හරි කතාවට යන්නම්.ඔන්න මම ආයෙත් ඉගෙනීමේ පැත්තට හිත ගිහින් වැඩ කරන ගමන් පොඩි කොම්පියුටර් කෝස් එකක් කරන්න හිතුනා.මම අදුනන ඉතාලි ජාතික ගුරුවරියක්ට මගේ කාරනාව කියලා එයා ගොඩක් සතු‍ටු උනා ඒකට,,ඉතින් එයා මුල ඉදන් කරන කොම්පියුටර් කෝස් එකක් හොයලා දෙන්න පොරොන්දු උනා.ඔන්න පස්සේ එයා මට ඉස්කෝලෙක විස්තර,දින රෙජිස්ටර් වෙන විදිහ කිවුවා,මමත් ඉතින් ඉස්කෝලෙට ගිහින් රෙජිස්ටර් වෙන වැඩේ කලා.එයාලා කිවුවා පටන් ගන්න දිනේ කෝල් කරලා කියන්නම් කියලා.කෝස් එකේ ස්වභාවය උනේ පරිගනක මූලික දැනුම ඒක උපයෝගිකරගෙන ECDL කෝස් එකට යන්න පුලුවන්.මමත් ඉතින් ඒක හින්දා තමා මේක කරන්න හිතුවේ.
මේ මාසේ පටන් ගද්දිම වැඩේ පටන් ගත්තා සතියකට පැය 4ක් උනේ,සෙනසුරාදා දවසක,,මමත් ඉතින් උදෙන්ම ගියා ඉස්කෝලෙට,මේ කෝස් එක විවෘත උනේ වැඩකරන අය සදහා විතරයි.ඉතින් මමත් ගිහින් ඉන්නවා පටන් ගන්නකන්, බැලුවා විදේශිකයෝ කවුරුත් ආවෙත් නැ,මම එලියට වෙලා ඉන්නේ,,හැබැයි නාකි මිනිස්සු එකා දෙන්න එනවා,වයස ගිය උන් තමා ආවේ,,මම හිතුවේ ඉතින් මිනිස්සු එක එක දේ වලට මේ තැන් වලට එනවා නේ.මමත් ඇතුලට ගියා ඇතුලෙන් ඇහුවා පන්තිය තියන තැන ,එයාලා කිවුවා පන්තිය පටන් ගන්න යන්නේ ඉක්මනින් යන්න කියලා.මම ගිහින් පන්තියට ඇතුල් වෙන්න යද්දී බැලුවේ ඉන්නේ සේරම වයස උන්,15ක් විතර හිටියා,,මම බැලුවා මේ මොකෝ කියලා ආයෙ හැරුනා එලියට ගියා,මෙහෙම නාකි උන් පන්තියේ මොකද කියලා මම දන්නේ නෑ නේ,එතකොටම තමා ඒකෙ උගන්නන සර් ආවේ,පොර ඇහුවා මොකද කියලා මම කිවුවා මෙහෙම පන්තියට ආවේ කියලා රෙජිස්ටර් කොලේ දුන්න.මාර වැඩේ පොර කිවුවා මේක තමා පන්තිය.මට හීන්දඩිය දාල ගියා යකෝ මේ නාකි සෙට් එක මොන කෙන්ගෙඩියක් කරන්නද අනික කොම්පියුටර්.අනේ මමත් ගිහින් වාඩි උනා,,අල්ලපු එකා හෙන හිනාවක් දැම්මා 70 විතර පොරක්.මුලින් ඉතින් සර්කාරයා කෝස් එකේ හැදින්වීම කරලා එක එකාව අදුන ගන්න නම විස්තර ඇහුවා.බලද්දී මේ කෝස් එක වැඩිහිටි අයට කරන එකක් නේ ඉතින් 18 වැඩි මාවත් මේකට දාලා දැන් මම තමා බාලම එකා.වැඩිමල්ම එකාට 78ක්..මම දැන් කල්පනා කරනවා මොකටද මුන්ට කොම්පියුටර්..ඇයි දෙයියනේ උඩට යන්න වීසා ඇප්ලයි කරලා ඉන්න උන් සේරම..මොකෝ ඒ වීසා වලට මේ සුදුසුකම් ඕනේ නැ නේ,,අනික මෙයාලට ECDL නෙමේ මේකවත් ඉවර කර ගන්න පුලුවන් වෙයිද දන්නේ නැ,,මට පස්සේ ඉන්න අඩුම වයස එකාට 54ක් විතර ගැණු කෙනෙක්,ගෑනුත් ඉන්නවා 5ක් විතර.නාකි උනාට ඉතින් ඉන්න යන්නේ කෙල්ලෝ වගේ තමා.
මේ නාකි සේරම පෙන්ශන් ගිය උන්,ගෑනුත් එකෙක් දෙන්නෙක් වැඩට යන්නේ නෑ අනිත් උන් පෙන්ශන්.මම විතරයි වැඩට යන එකා..අනිත් මාර වැඩේ කියන්නේ නාකි උන් එසේ මෙසේ උන් නෙමේ ගුරුවරු,ඩොකාලා ,එක එක හොද ජොබ් කරපු උන්,වැඩේ ඉතින් මෙයාලගේ කාලේ මොන කොපියුටර්ද ඒවා නෑ නේ.දැන් පෙන්ශන් ගිහින් ගෙදර ඉද්දී තමා මේවට ආස හිතිලා ඉගෙනගන්න එන්නේ.මොනවා උනත් මම හීනෙකින්වත් හිතුවේ නැති දෙයක් මට උනේ,මොකෝ මම හිතුවද මෙහෙම පෙන්ශන් ගියත් වැඩකාරයෝ එක්ක එකට ඉගෙන ගන්න.සෙල්ලමක් නෙමේ මමත් දැන් හෙන වැඩකාරයෙක්,මගේ අල්ලපු මේසේ ඉන්නේ ඩොකෙක්. මමත් ඉතින් එකෙක් දෙන්නෙක් එක්ක කතා කලා මෙහෙ ඉන්න පෙන්ශන් ගිය කට්ටිය හරි ආසයි එයාලට මහත්මයා කියනවට වඩා,,ඒකාලෙ ජොබ් එකේ විදිහට කතා කරනවට,,ඉතින් දොස්තර,ප්‍රොෆෙශර්,ඒ වගේ කියනවට පුදුම ආසවක්,,මොකද ඒ වගේ ඒ මිනිස්සුන්ට කවුරුත් කියන්නේ නෑ නේ දන්න කෙනෙක් ඇර ඒ නම් කියලා,,මමත් ඉතින් කට්ටියට එහෙම කතා කරන්නේ ,,අනික ඉතින් පට්ට නාකි හින්දා මෙයාලට තේරෙනවත් අඩුයි,ඉතින් දවස් දෙකයි පන්තියට ගියේ මට හෙන තැන.
ඒත් මේ මිනිස්සුන්ගේ උනන්දුව මට හිතා ගන්නවත් බැ.තමන් වයසට ගියත් ඉගෙන ගන්න එක නවත්තලා නෑ ,,ඒ මිනිස්සු හොදටම දන්නවා මේකෙන් එයාලට වැඩක් වෙන එකක් නෑ කියලා,ඒත් පොඩි හරි දැනීමක් අරගන්න තමා එයාලට ඕනා..මොකද කොයිවෙලේක හරි ඒක ප්‍රයෝජනවත් වෙයි සමහරවිට,,අපිටනම් හිතෙන්නේ මේ මිනිස්සුන්ට පිස්සුද කියලා.අපේ රටට මේවා පිස්සු වගේ නේ පේන්නේ,,ඒත් ඉතින් ඉගෙන ගන්න වයසක් ඕනෙ නෑනේ,අපේ රටේ වගේ නම් මෙහෙම නාකි කෙනෙක් මෙහෙම පන්තියකට ගියොත් තරුන අය හිනා වෙයි විහිලු කරයි. අනික අපේ අයට ඉගෙනීම ඕනා වෙන්නේ ටික කාලයයි ඒක නවත්තලා දානවා,මොකද මමත් නවත්තගෙන හිටියේ,ආයේ ආසාව ආවට.මේ දවස් වල විදේශික අයට ඉතාලි උගන්නන පන්ති ගොඩක් තියනවා ඒත් අපේ මිනිස්සු ඒවටවත් යන්නේ නෑ.මොකද සල්ලි පස්සේ විතරනේ,,අනික මගේ පන්තියත් සම්පූර්න නොමිලේ.පොත් වලටවත් මට සල්ලි ගියේ නෑ.මේ නාකි මිනිස්සු එක්ක මම කොම්පියුටර්වලට වඩා ලොකු පාඩම් ඉගෙන ගත්තා මේ දවස් 2ට.තව තව විස්තර එයි ඉස්සරහට මම දෙන්නම්කෝ මගේ පන්තිය ගැන විස්තර.

ගමින් ලියුමක් ඇවිල්ලා....

2011-02-25T20:53:00.003+01:00

ලගදී මට හරි අපූරු ලියුමක් හම්බ උනා,හම්බ උනා කිවුවට පුංචි හොරකමක්. ඔන්න මම හොරෙක්ම නෙමේ,පහු ගිය දවසක මම ගියා ලාංකිකයෙක්ගේ පරිගනකය පොඩි ලෙඩක් වෙලා ඒක බලන්න,ඔන්න මම පරිගනක මේසය උඩ තිබුන මේ ලියුම දැක්කා.කොහොම හරි මමත් ටිකක් හොට දාලා බැලුවා අනුන්ගේ ලියුමක් නේ.අනුන්ගේ දේවල් හොයන එක කොහොම නවත්තන්න හිතුවත් අමාරුම වැඩක් ඒක.අනිත් එක ඉතාලියට ලංකාවෙන් ලිපි එන එක නැවතිලා තියෙන්නේ ,අපි නම් ඉස්සර ලියුම් ගනුදෙනු කලා ඒත් මේ දුරකතන,පස්සේ ස්කයිප් ඇවිත් ලිපි හුවමාරුව නැති උනා නේ.මටත් කුතුහලයක් ආවේ ඒ හින්දා ලංකාවෙන් ආපු ලියුමක්, ඒත් එක්කම ගෙදර ලොක්කා මල්ලි මේසේ හැඩි වෙලා ඉන්න අස් කරන්නම් කියලා අර ලියුමත් එක්කම එතන තිබුන කොල කැලි ටික ඒ මේසේ යටම තිබුන කුනු බක්කියට දැම්මා,ඔන්න මට එතකොට හිතුනා මේ ලියුමේ ඉතුරු හරිය කියවන්න , මම මොකද කලේ හිමින්ම මේ ලියුම අර කුනු බක්කියෙන් ඉස්සුවා, ගෙදර පොර එහා මෙහා වෙනකන් ඉදලා, ඔන්න ගෙදර ඇවිත් තමා මම මේ ලියුමේ ඉතුරු හරිය කියවල දැම්මේ, ලියුමේ අපූරුව ඔන්න ඔයාලට බලන්නත් එක්ක මම ලියලා දාන්නම්.
ලොකු පුතා වෙත,
පුතේ මම පහු ගිය මාසේ උබ එවපු සල්ලි වියදම් උන හැටි තමා මේ.
ස්කූල් පීස් - 5500
වැන් එකට - 2400
කම්පියුටර් පීස් - 200
ක්ලාස් පීස් - 1000
ලයිට් බිල - 1500
ගැස් එකට - 1750
ටෙලිපෝන් බිල - 1800

හාල් 20කිලෝ = 20*75 =1500
සීනි 10 කිලෝ =10*100=1000
පිටි පැකට් 6= 6* 250 = 1500
පොල් ගෙඩි 15 = 60*15 =900
තේ කොළ 1 කිලෝ = 800
පොල් තෙල් බෝතල් 4 = 350*4 =1400
සබන් ඇගේ ගාන 8 =35 * 8= 280
සබන් වළං,පිගන් සෝදන්න =20 *5=100
රින්සෝ =480
දත් බේත් = 148 *2 =295
තුන පහ = 1000
එළවලු =2000
මාළු, මස්,කරවළ ,බිත්තර =3000

උදය කෑමට 100ක් ළමයින්ට=100 *30 =3000
බස් එකට මට ළමයින්ගේ වැඩ වලට =500
පලතුරු =1000
ළමයිට කඩචෝරු කන්න =200

පුතේ මේ වියදම් දළ වශයෙන් මම ලිවුවේ.දැන් එළෝලු මිල 250g රුපියල් 50 ,60 75 ගානට යන්නේ,අනිත් එක පොඩි උන්ගේ පැන්සල්,මකන, පාට පෙට්ටි,ගම්,පොත් ඉවර උනාම ඒවටත් වියදම් වෙනවා,මගේ පෙන්ශන් එකෙන් වියදම් වෙන ඒවා මම ලිවුවේ නෑ,උබලා මට එවන සල්ලි මාරු කරලා වියදම් උන විදිහ තමා මේ ලියලා තියෙන්නේ, ලේලිට කියපන් ලගදී ලංකාවට ආපු කෙනෙක්ගෙන් වියදම් හරිද වැරදිද කියලා බලන්න කියලා.

මෙතන මම ඊට පස්සේ තිබුන ඒවා ලියන්නේ නෑ,,මෙතනින් ඉවර කරනවා.මොකද ඔයාලා මේ ලියුම ගැන හිතන්නේ මේ ලියුම හරිද වැරදිද? මේ ලියුම ඒ අම්ම එවලා තියෙන්නේ මොකක් හරි කේස් එකක් ඇදලා තියනවා වගේ ලේලි, නැන්දම්මා ලේලි ප්‍රස්නයක් ගිහින් තියනවා වියදම් සම්බන්දව, රජයෙන් පෙන්ශන් ගිය අම්මට පුතා රාජකාරියක් බාර දීලා,ඒකෙ වියදම් හොයන්න යන අපූරු ලේලිල ඉන්න රටක් තමා මේක . යුරෝ කෑදර කම ගහන මිනිස්සුන්ට හැදෙන ලෙඩක් තමා මේක,ලංකාවට යවන සල්ලි වල වියදම් හොයන එක. මේකේ අම්මද වැරදි, පුතාද , ලේලිද , පහු ගිය මාසේ තියන මිල මේ මාසේ වෙනස් වන රටේ වැරද්දක්ද?

ඌ මිනීමරුවෙක්

2011-02-19T12:05:00.001+01:00

පහු ගිය දවසක මම ජීවිතයේ දකින්න අප්‍රියම කරන මිනිහෙක් මට මුනගැහුනා අහම්බෙන්.මම වැඩ ඉවර වෙලා ගෙදර එද්දී එක පරටම මම ඉස්සරහට හමූන මේ මිනිහා පුතා මාව අදුනනවද කියලා ඇහුවා.මමත් ඉතින් ඔව් කිවුවේ මේ මිනිහගේ මූන කවදාවත් අමතක නොවන හින්දා,පස්සේ මිනිහා අම්මා,තාත්තා කොහොමද,මාමලා කොහොමද එක එක විස්තර ඇහුවා මමත් කෙටි උත්තර දීලා ඉක්මනින්ම මම යන්න ගියා.
2002 ජනවාරිය මම සා.පෙ කරලා ගෙදර ඉන්න කාලෙ,තවත් අපේ ගමේ කොල්ලො සෙට් එකේ තව කීප දෙනෙක්ම විභාගෙ කරලා පාරෙම තමා වැඩේ,ඔහොම ඉද්දී එක පාරටම ආරන්චියක් ආවා චන්දනයව පොලිසියෙන් ගෙනිච්චා මිනිමැරුමකට කියලා,චන්දනයා කියන්නේ අපිට වඩා වසර 2න් විතර වැඩිමල්,අපේ ගෙවල් ගාව ගඩොල් පෝරණුවක වැඩ කරන කොල්ලෙක්,ගම කොහෙද දන්නෙත් නෑ මුගේ තාත්තත් නෑ අම්මා,බාප්ප එක්ක තමා ඒ පෝරණුවේ හිටියේ,හැබැයි අපේ ගමට ඇවිල්ල වසර කීපයක් මුඅ ඉස්කෝලෙ යන්නෙත් නෑ, අහද්දී කියන්නේ 5 වසරට වෙනකන් ගියා පස්සේ නැවතුනා කියලා,ඒ උනාට ගඩොල කදුවල තියන ගඩොල ගාන කැල් එකක්වත් නැතුවා ඉතා ඉක්මනින් කියන්න මූට හැකියාවක් තිබුනා,කාටවත් වරදක් කරපු අහින්සක කොල්ලා,හැබයි මූට වයස 15 විතර වෙද්දිම ගංජා වලට පුරුදු උනා,
ඔහොම කාලෙ යද්දී තමා අපේ ගමෙන් 1990 විතර ඉතාලි ගිහින් ඉතාලියේදි ලෝක අපතයෙක් උන තුශාරයා පාත් උනේ හැබැයි මූ කාලෙන් කාලෙට ගමට එනවා හැබැයි සතේ අතේ නෑ,මූ ඉතාලියට යද්දිත් ගමේ රස්තියාදුකාරයෙක් වෙලා තමා ඉදලා තියෙන්නේ එතකොට ඌට 17 විතර ඇතිලු, ඒ ගිහින් ලෝකේ තියන සේරම මත් කුඩු වලට පුරුදුවෙලා, එහෙම ඉද්දි තමා 2001 විතර මු ආයේ කඩා පාත් උනේ ගමට,මුඅ ඉතාලියේ ඉදලා ආවට කවුරුත් මූව ගනන් ගන්නෙත් නෑ මූ ගාව සතේ අතෙත් නෑ.ඔහොමෛද්දී තමා චන්දනයව මූට සෙට් උනේ ඌත් ගංජා කාරයා නේ.නියම ඩබල ඒ ටිකේ මුන් දෙන්න එකටම තමා.
එත් ඔහොම 2001 ඔක්තෝම්බර් විතර එකපාරටම තුශාරයා අතුරුදන උනා ආරන්චී උනේ ආයේ ඉතාලි ගියා කියලා,ගමේ කාටවත් හොයන්න උවමනාවක් තිබුනෙත් නෑ..පස්සේ ඔහොම කලෙ යද්දී තමා අපිට අර ආරන්චියා ආවේ චන්දනයව පොලිසියෙන් ගෙනිච්චා කියලා. පස්සේ විස්තර හොයලා බලද්දී අපේ ගමට එහා තවත් ගම් 2,3 හරහා තමා ගිංඔය යන්නේ ඒ අස්සේ මිනී ඇටක‍ටු වගයක් හම්බෙලා මේකට තමා චන්දනයව ගෙනියලා තියෙන්නේ,අපිත් ඉතින් කික් එකටම බයිසිකල් වලින්ම ගියා පොට් එකට මහා පාලු තැනක් පුංචි කැලෑවක්,ඒ යද්දී පොලිසියෙන් පිරිලා, චන්දනයවත් ගෙනල්ල එතන ඇටක‍ටු හොයනවා තාම.අන්තිමට හම්බුනා අපි බලන් ඉද්දී ,එතන මිනිස්සු පිරිලා හිටියා,අපිට තාම මීටර් උනේ නෑ මොකද්ද මේ සීන් එක කියලා,පස්සේ ඒ ටිකකින් මහේස්ත්‍රාත් ආව ඒ වෙද්දී තමා අපිත් සීන් එක හොය ගත්තේ මොකද ඒ වෙද්දී අපේ ගමේ හිටිය ගොලු පවුලේ කීප දෙනෙක්ම අඩ අඩ එතන හිටියා පස්සේ හොයලා බලද්දී ඒ ගෙදර ගොලු කෙල්ල බැදලා ඉන්න මිනිහාගෙ ඇටක‍ටු කියලා ආරන්චි උනා.ඒ පවුලේ සේරම ගොලු ,ඒ කොල්ලව මේ කෙල්ලට සෙට් වෙලා සීදූව ගොලු ඉස්කෝලෙදී කොල්ලත් ගොලු,,පස්සේ මේ කෙල්ලව බැදලා අපේ ගමේ හිටියා.
මේ මිනි මැරුමට ඒ වෙලාවේ සාක්කි දුන්න අය, චන්දනයා සාක්කි දුන්න විදිහ අනුව මම දැන් වෙලා තියන කතාව කියන්නම්..
තුශාරයා ගමේ හිටිය වෙලේ මේ ගොලු කොල්ලට ඉතාලි පිස්සුවක් බෝ කරලා කොහොම හරි.ඒ කාලේ බෝට්‍ටුවෙන් මිනිස්සු ඉතාලි යන කාලේ,තුශාරයා මේ ගොලු කොල්ලවත් බෝට්‍ටුවෙන් ඉතාලි යවන්නම් කියලා. කොහොම හරි වැඩේට මූ රුපියල් 50000 ක් අරගෙන.පස්සේ ඉතාලි යන්න බෝට්‍ටුවට ගෙනියන ගමන් තමා මුන් අර කොල්ලව අරගෙන ගිහින් තියෙන්නේ මේ ගමනට චන්දනයත් ගිහින් තුශාරයා එක්ක,කොහොමහරි මුන් අර කොල්ලව අර පාලු හරියට ගෙනියලා ,මේ පාලු හරිය ගංජා කාරයෝ,කුඩු කාරයෝ පාවිච්චි කරන තැනක්.එහෙම යද්දී තුශාරයා බැග් එකේ කබයක් දාගෙන ගිහින් තියෙන්නේ.මු පස්සෙන් එකපාරටම අර කොල්ලගේ බෙල්ලට කබේ දාල චන්දනයත් එක්ක එකතු වෙලා බෙල්ල හිර කරලා මරලා දාලා,ඒ කැලේ අස්සෙම දාලා හිමින්ම මාරු වෙලා, චන්දනයට ඒ වෙලවේ 3000 දීල,තුශාරයා එක පාරටම අතුරුදන් වෙලා, පොරගේ ප්ලැන් එකට පොර ඉතාලියටම ගිහින්.
ඔහොම යද්දී තමා චන්දනයා මේ කතාව මුගෙ කටින් පිටවෙලා තියෙන්නේ ගමේ කොල්ලන්ට.මූ මේක කියලා අඩල තියනවා තැන් තැන් වල.පස්සේ මේ කොල්ලො මේක පොලිසියට කියලා මෙහෙම එකෙක් මිනීමැරුමක් ගැන කියලා අඩනවා කියලා.
පස්සේ තමා චන්දනයව ගෙනියලා මේ මිනිමැරුම හොයගත්තේ,,ඒත් ඒ වෙලාවේ ඇටක‍ටු කීපයක් විතරයි තිබුනේ මොකද ගංවතුර,කබරයෝ කාල මිනිය දාපු තැනින් ගොඩක් ඇතට ගිහින්, පොලිසිය අමාරුවෙන් ඒක හොය ගත්තේ චන්දනය පෙන්නපු තැනින්. අනිතිමට 3000 ට මිනිමැරුමට හවුල් උනාට චන්දනයා රිමාන්ඩ් උනා තුශාරයා 50000ත් අරගෙන ඉතාලි පැන්නා.මේ තුශාරයව තමා මට පහු ගිය දවසක හම්බ උනේ.
චන්දනයා කාලයක් කාලයක් රිමන්ඩ් එකේ ඉදලා 2010 ඇප හම්බෙලා එලියට ඇවිල්ල.කොහොම හරි මූ උසාවියට පෙනී හිටින්නේ නැතුවා ආයෙත් රිමාන්ඩ් කියලා ආරන්චී.මම හිතන්නේ මූට එලියේ ඉන්නවට වඩ ඇතුලේ ඉන්න එක හොදයි වගේ,ආරන්චියේ හැටියට මූට රිමාන්ඩ් එකේ හෙන තැන ඇයි දැන් කාලයක් ඇතුලේ නේ.එහෙම පරන උන් රිමාන්ඩ් එකේ හෙන වැඩකාරයො ලු .තුශාරයා නම් හිටියා වගේම ඉන්නවා,කරපු වරදට නීතියෙන් දඩුවම් නැති උනාට ඌට දඩුවම් හම්බවෙයි,තාම ගෙවන්න අරගෙන නෑ වගේ .මේ වගේ පවු කාරයෝ ගෙවලා තමා මැරෙන්නේ ඉක්මනින්ම මැරෙන්නෙත් නෑ.කවදාහරි ඉතාලියේ පාරකම උත් මැරිලා යයි.නීතියේ දඩුවමට වඩා ස්වභාවධර්මයේ දඩුවම බරපතල වැඩී.

මමයි ට්‍රිලියනපති

2011-02-08T11:20:00.003+01:00

ඔන්න මම ට්‍රිලියනපතියෙක් උනා, සිරසට යන අය ලක්ශපති නේ වෙන්නේ,,මේ මම ලේසියෙන්ම ට්‍රිලියනපතියෙක් උනා, මගේ ලෝක මුදල් නෝට්‍ටු එකතුවට ආපු අලුත්ම සාමාජිකයා,මේකෙ තියන විශේශත්වය නෝට්‍ටුවේ තියන අසීමිත වටිනාමක,ඒ කියන්නේ 100000000000000 මෙන්න මේ වගේ මම මුදල් නෝට්‍ටුවක මේච්චර බිංදු ගානක දැක්කම තමා,මේ නෝට්‍ටුවේ තියෙන්නෙ ONE HUNDRED TRILLION DOLLARS. මම අන්තර්ජාලේ සිම්බාබ්වේ මුදල් ගැන පොඩ්ඩක් හොයල බැලුව,,,මේකෙ වටිනාකම 2.70$ වගේ පුන්චි ගානක්,,ඒ උනාට බිංදු ගොඩ,දැන් සිම්බාබ්වේ බිත්තර ගෙඩියක් ගන්න යන්න,,මේ වගේ නෝට්‍ටු ම්ටියක් ඕන කියල තම අන්තර්ජාලේ තියෙන්නේ,කොටින්ම මුදල් පර්ස් එකක දාගෙන යන්න බෑ,විල්බැරෝවක් අරගෙන මිනිස්සු පොලට යන්නේ.
ඔන්න පහුගිය 7 දා අපේ රටෙත් නව මුදල් නෝට්‍ටු කාණ්ඩයක් ආවා,මම වගේ නෝට්‍ටු එකතු කරන්නෙකුට සුභ ආරන්චියක්,දුකක් තියෙන්නේ අපේ මුදල් නෝට්‍ටු කාණ්ඩෙට වසර 2ක් වගේ සුලු කාලෙකදී අලුත් මුදල් නෝට්‍ටු 2ක් ඇවිල්ලා,2000 සහ 5000 මම ආර්තික විද්යාව දන්නේ නෑ මෙලෝ දෙයක් ඒත් මගේ පුන්චි මොලේට වැටහෙන්නේ මේක නම් හොද දෙයක් නෙමේ කියලා,පේනවා නේ මේ සිම්බාබ්වෙට වෙලා තියන දේ,
අනිත් කාරනය තමා මගේ නෝට්‍ටු සන්චිතයේ තියන ලස්සනම මුදල් නෝට්‍ටුවත් අපේ රටෙන් කැතම මුදල් නෝ‍ටුවත් අපේ රටෙන්,1980 ගනන් වල අපේ රටෙන් ඇවිල්ල තියනවා හරිම ලස්සන මුදල් නෝට්‍ටු කාණ්ඩයක්,500 තම ලොකුම කොලේ,,මම ගාව 3ක් තියනව 5,10,20 අනිත් ඒව හොයා ගන්න බැරි උනා,කැතම ඒව තමා පහු ගිය 1000 හා 2000 ,අනිත් රටවල් මිය ගිය රාජ්ය නායකයන්ගේ මූන දාද්දි අපේ රටෙන් ජීවත් වෙන නායකයගේ මූන දැම්මා,අනිත් එක මහ ජරාම කොලයක්,ඕවා තමා මගේ මුදල් නෝට්‍ටු සංචිතයේ තියන මුදල් නෝට්‍ටු එක්ක සංසන්දනය කරද්දී දැක්ක දේවල්.
මේක මම පොඩි කාලෙ ඉදලම කරන විනෝදාන්සයක්,නරකමත් නෑ ,මේ අලුත් නෝට්‍ටුව මම අරගත්තේ ඊ බොක්කෙන්,වැඩි වියදමක් උනේ නෑ 3.50$ ගියේ,මුදල් නෝට්‍ටු එකතු කරන්නෝ ඉන්නවා නම් මම කැමති වටිනාකම අනුව මුදල් නෝට්‍ටු හුවමාරු කර ගන්න,කැමති අය ඉන්නවනම් මට පනිවිඩයක් දෙන්න.

ඉතාලිය සහ අපි

2011-02-01T15:17:00.000+01:00

අද මම මේ ලියන 2 න ලිපිය ,මේ ලිපිය ලියන්න හිතුනේ මගේ ලෝකය ලියන රංගගේ ලිපියක් නිසා ඒක බලන්න ක්ලික් කරන්න.
මම ආරම්භය ගන්නම් මෙහෙම කුරුනෑගලට,ගම්පහට ජපානය වගේ වෙන්නප්පුවට, මීගමුවට ඉතාලිය, වෙන්නප්පුව ආසනයට ඉතාලිය කියන්නේ ගහට පොත්ත වගේ,ඉතාලි එන්න පටන් ගත්තේ වෙන්නප්පුව ආසනයේ තිබුන ප්‍රදාන ආදායම් මාර්ගය හොර කසිප්පු නිශ්පාදනය කඩා වැ‍ටුනට පස්සේ,ඒ 90,91,92 වසර වල. ඉතින් ඒ වෙලාවේ අතේ මුදල් ඉතුරු වෙලා තිබුන කට්ටිය, ඉතාලියට එන්න පටන් ගත්තා ඒ වසරවල ඒකට වැය වෙලා තියෙන්නේ ලක්ශ 1ත් 2ත් අතර ගානක්.
හැබයි ලේසි උනේ නෑ වැඩේ,දේශසීමා පැනීම තමා කලේ,ඒ කාලේ ගොඩක් අය මැරිලා තියනවා ඉතාලි එන්න ගිහින්.මෙහෙම ගිහින් හොදට හම්බ කරපු අය එනවා 2000 කිට්‍ටුව කාල වලදී,ඉතාලියේ සිටින අනවසර සංක්‍රමනිකයන්ට ‍රැදීසිටීමේ බලපත්(කොලේ) දෙනවා කාලෙන් කාලෙට, යුරෝපයේ මෙහෙම කොල දෙන එකම රට මම හිතන්නේ ඉතාලිය ,ඉතාලිය අපේ රටේ ප්‍රසිද්ද වෙන්න එක හේතුවක් ඒක,අනිත් එක ඒ එක්කම තමන්ගේ දෙමවුපියන්,බිරිද,දරුවන් පහසුවෙන්ම ඉතාලියට ගේන්න පුලුවන්.කොහොමහරි අර මම කියපු කට්ටිය ලංකාවට බහිනවා අර කාලේ ඩෙනිම් ඇදලා කොන්ඩේ වවාගෙන,රත්තරන් චේන් 2,3ක්,බ්‍රේස්ලට් 2,3ක් එල්ලගෙන,සග ඔලුවට දාගෙන,එහෙම ආපු අය හදන්න පටන් ගන්නවා ගෙවල් තට්‍ටු 2.අනිත් එක ගන්නවා වාහනයක්,සල්ලි දීලා නෙම් ලීසින් බය නෑ ගෙවන්න පුලුවන් නේ.ඉතින් මේවා දකිද්දි ගමේ ඉන්න අනිත් උන්ට බලන් ඉන්න පුලුවන්ද උනුත් ගෙවල්,ඉඩම් උගස් තියලා කොහොමහරි ඉතාලි පනින්න යන්නේ,ඔහොම යද්දී 2000,2001,2002 බෝට්‍ටුවෙන් ඉතාලි ආවා,අනිත් එක හොර කොල,හොර පාස්පොර්ට් එක එක විදිහට මිනිස්සු ඉතාලියට ඇතුල් උනා.ඔහොම තමා වෙන්නප්පුව ඉතාලියට ලන් උනේ.
මම දැන් අපේ ගම ගැන කියන්නම් අපේ ගම දංකො‍ටුවේ පොඩි ගමක් දංකො‍ටුව කියන්නේ වෙන්නප්පුව ආසනයේ තියන අනිත් නගරය.අපේ ගමේ ප්‍රදාන ආදායම් මාර්ගය උනේහොර කසිප්පු,උලු ගඩොල් කර්මාන්තය.90 කාලේ මට මතකයි අපේ ගමට තිබුනේ වාහන 2,3ක්, සාමාන්ය ගෙවල්,අර වාහනත් මැටි අදින කැන්ටර් වාහන,හොර අරක්කු අදින ඒ කාලේ ඒකට නියම බඩුවක් උනේ මිට්සුබිසි ලාන්සර් කාර්,ඒ කාර් තිබුනා, තව පැලවත්තේ ඉදලා උක් පැනි ගේන බවුසර් තිබුනා ,උක් පැනි ගෙනාවේ මොනාටවත් නෙමේ අරක්කු පෙරන්න.ඔහොම තිබුන ගම අද වෙනකොට ඉතාලිය හින්දා තට්‍ටු 2 ගෙවල් හැමතැනම,හැම ගෙදරකම සුපිරි වාහන,ලගදී එකෙක් මොන්ටේරෝ එකකුත් ගෙනාවා ගමට .මම මේවා කියන්නේ ඉතාලියෙන් අපේ පලාත දියුනු උන හැටි කියන්න,අපේ පලාතේ බ්ලැක් මාර්ක් එක දංකො‍ටු කසිප්පු දැන් නැති වෙලා.
ආයෙ යන්නම් ඉතාලියට.ඉතාලිය කියන්නේ හම්බ කරන්න පුලුවන් හොද රටක්,කම්මැලියට,නාස්තිකාරයට නම් නෙමේ.ඒ වගේම හරිම නිදහස්,නමුත් ලග කාලෙක ඉදන් අර හම්බකරන එක නම් ටිකක් අඩු වෙලා,‍රැකියා ප්‍රශ්න ඇවිත්, සෙනග වැඩි වීම මේකට හේතුවක්,අනික් එක පවතින ලෝක ආර්ථීක අර්භුදය,අපේ රටේ අය විතරක් නෙම නේ මෙහට එන්නේ පිලිපින්,බංගලිදේශ්,ඉන්දියා,මොරොක්කෝ,රුමේනියා,සෙනගල් ප්‍රාදානයි,අපි ඉන්නේ පොඩි කොටසක් ඒ අයත් එක්ක බලද්දී,වාර්තා අනූව ලක්ශ 3ක් පමන අපේ අය ඉන්නවා.
කොහොමහරි දැන් ලග කාලෙක ඉදලා,ඉතාලියෙන් ‍රැකියා කෝටාවක් ගේනවා විදේශිකයන් වැඩට ගෙන්වා ගැනීමට,ප්‍රදාන ‍රැකියා වන්නේ ගෘහසේවය,නාකි අය ,ආබාදිතයන් බලා ගැනීම් වගේ, දැන් 3ක් ආවා මේ කෝටාව,ලංකාවට 3500 හිමිවෙනවා,ඊයේ 31 වෙනිදා නැවත් අයදුම්පත් බාර ගත්තා නව 3500ට.ඇත්තටම මම නම් හිතන්නේ නෑ මේ කෝටවා ගේන්නේ ඉතාලි රජයට සල්ලි හොයා ගන්න කියලා.මොකද අයදුම්පතට වැයවන්නේ 15€ මුදලක්,ඊයේ අයදුම්පත් ඇවිල්ල තියෙන්නේ ලක්ශ3ක් පමන. ඒ කියන්නේ 450000€ පමන ඒ මුදල මුදලක් නෙමේ මේ රටවලට.මම හිතන්නේ ඉතාලිය සැරසෙන්නේ අර කොරියාව චීනය වගේ අඩු වැ‍ටුපට කර්මාන්තශාල වගේ විශාල වැඩබිම් පටන්ගන්න, ඒ කියන්නේ දරුනු ගනයේ වැඩබිම්,අනිත් එක ඉතාලියේ විශාල ලෙස බෝගපලදාව අපතේ යනවලු සේවකයන් නොමැතිකමින්,ඒකට සෙනග ගේන්න කියලා එක්සත් ජාතීන්ගේ ආහාර සමලුවෙන් අනතුරු අගවලා තිබුනා.අපේ අය එවැනි වැඩ නොකලාට ඉන්දියානුවන්,පකිස්තානුවන් කලු ජාතිකයන් ඒ වගේ ‍රැකියා කරන්නේ,
මා සිටිනා සිසිලි දූපතේ අපේ ලාංකික පිරිමි අයට ‍රැකියා අඩුයි කියලා කිවුවට කාන්තාවන්ට නම් එහෙම පෙනෙන තරමට ‍රැකියා හිගයක් නෑ,පිරිමින්ට වඩා කාන්තාවන් මා සිටිනා ප්‍රදේශයේ යුරෝ හම්බකරනවා.අනිත් එක ඉතාලියට ආවහම ලංකාවේ තිබුන තරතිරම්,පට්ටම් පැත්තකින් තියන්න වෙනවාමයි,‍රැකියාවේ හැටි හොය හොයා හිටියොත් සොරිම තමා.පලමුව ලැබෙන්නේ කුමන ‍රැකියාවද ඒක කල යුතුයි,අනිත් එක ‍රැකියා නෑ කියලා නැවත ලංකාවට ගිය කෙනෙක් හොයන්නත් අමාරු,අනිත් එක හම්බකරලා ඉවරයි කියලා ගිය අයත් පේන්න නෑ,අර 80 ගනන් 90 ගනන් වල හිටිය අය තාමත් ගොඩ ගහනවා යන්නේ නෑ,සමහර අය මෙහෙම පදිංචි වෙලා, ඒ කියන්නේ කාට කාටත් මිල්ලේ(යුරෝ) සොයා ඇති උනෙත් නැ,ඇති වෙන්නෙත් නෑ.කම්මැලියා ලෝකේ කොහේ ගියත් පරදිනවා..

(මෙතන ක්ලික් කරන්න ඊයේ ආපු අයදුම්පත් ප්‍රමානවල විස්තර තියනවා,ඉතාලියෙන් තිබුනට තේරුම් ගන්න පුලුවන්,නොදන්න දේවල් ගූගල් සර්ච් පාරක් දාන්න)

අදින් වසර 2ට පෙර(2)

2011-02-01T13:25:00.001+01:00

ඔන්න ඉස්සල්ල එකේ 2ත් ලියනවා මොකද අද උන දේ අදම දෙන්න ඕනා නේ,ඉස්සල්ලා ඒක බලන්න ක්ලික් කරන්න.
ඔන්න මම 4වෙනි දවසේ දොස්තරලා දැකලා තියනව පොඩි පොඩි චලනයන් මගේ ශරීරයේ, ඒ දැකපු ගමන් අපේ ගෙදරට කෝල් කරලා කියලා තියනවා,දැන් මන් ගැන බලාපොරොත්තු තියාගන්න පුලුවන්,සේරම සාර්තක උනා කියලා,එදාම මේ පුවත අපි ඉන්න නගරයේ පත්තර වල ටීවී වල ගිහින් තියනවා,මොකද ජීවිත අනතුරක් නෑ කියලා රෝහලෙන් දුන්න ගමන් තමා එහෙම පුවත් දාන්නේ නැත් නම් මැරුනම, ඒ වෙද්දී දොස්තරලා හිතලා තියෙන්නේ මම කෝමා තත්වයකට යයි කියලා,එහෙම උනොත් වැඩේ බරපතලයි නේ.ඒත් දොස්තරලවත් පුදුම කරලා මම 4නි දවසෙ ඇක්ටිව් වෙලා. එහෙම ඇච්ටිව් උනාම සිහිය ගන්න ක්‍රම තියනව ලු ඒත් එහෙම කලොත් යම්කිසි අතුරු පල ඉතුරු වෙනවලු,කොටින්ම කිවුවොත් සර්කිට් අප්සට් යන එක තමා,එහෙම උනොත් කියන්න දෙයක් නෑ නේ එහෙම ජීවත් වෙලත් වැඩක් නෑ නේ,ඔන්න ඉතින් දැන් තමා ගෙදර කට්ටිය සන්සුන් උනේ,මේ වෙද්දි පල්ලි පන්සල් බාර හාර ගනන් කරන්න බැරි තරම,හොද උනාට පස්සෙ එක එක්කෙන ඇවිල්ලා මාව එක්කගෙන යනවා ඒව ඔප්පු කරන්න,ලංකාවට ගිහමත් එහෙම උනේ.
ඔන්න දැන් දොස්තරල තීරනය කරලා තියනව මට සිහිය එන හැඩක් තියන නිසා එයාල බලෙන් සිහිය ගන්න ඕනා නෑ කියලා,ඔහොම ඇදුනා තවත් දවස් 3ක් ඒ කියන්නේ 7 දවසේ මම පියවි සිහියට ඇවිල්ල තියනවා, ඒ කියන්නේ මම ආයේ පීල්ඩ් එකට ආවා,උඩින් මාව රිජෙක්ට් කරලා මම හිතන්නේ ටක්කෙටම වීසා ප්‍රශ්නයක් වෙන්න ඇති , පල ආයේ පොලවට කියලා මාව හැරෙන යානයේම එවලා. අපරාදේ මට එහෙ වැඩ කිඩ මතක නෑ නේ,තිබුනනම් ලියනව තව පෝස්ට් එකක් එහෙ හැටි.
ඔන්න 8නි දවසේ මට පුන්චි මතකක් තියනවා මන් ලගට දොස්තර කෙනෙක් ඇවිල්ල මගෙන් ගොඩක් ප්‍රශ්න ඇහුවා ඒක මට මතකයි,,ඒත් මොනාද ඇහුවේ කියලා මතක නෑ. ඒ අහලා තියෙන්නේ මම ගැන විස්තර,මගේ මතකයේ තියනවද කියලා බලන්න,හොද වෙලාවට මගේ මතකයට කිසිම හානියක් වෙලා තිබුනේ නෑ. තව මතකයි ඩොකා පෝන් එකක් දුන්න අම්ම එකෙන් කතා කලා,මොනාද කියල මතක නෑ, ඔන්න එදා මාව වාට්‍ටුවට මාරු කලා සුපිරි කාමරයක්,වාට්‍ටුව ස්නායු සම්බන්ද වා‍ටුවක් නිසා සුපිරි,, ඒත් එදා දේවලුත් මට මතක නෑ පොඩි පොඩි මතකයන් තියෙන්නේ, හැබැයි මට මා සම්බන්දව හිටිය ඩොකාවයි තව නර්ස්වයි නම් තාමත් හොදට මතකයි,ලස්සන තරුන කෙල්ලෙක් නේ එක වෙන්න ඇති,ගෙදරින් එනකන් මම ලගටම වෙලා හිටිය මතකයි. ඔන්න ගෙදරින් ඇවිල්ල කට්ටියම පුල් හැපි එකෙන්,මාත් එක්ක කෙනෙක් නවතින්න කිවුවා ලු රෝහලෙන්.
අම්මා කියන අකුරු තුනේ හරිම තේරුම මම ඉගෙන ගත්තේ මේ සිද්දියත් එක්ක,එද ඉදන් දවස් 20ක් යනකන් මගේ අම්මා ගෙදර ගියේ නෑ,,මාව දාලා,තවත් දවස් 5ක් විතර යනකන් මට ඇවිදින්න පුලුවන් කමක් තිබුනේ නෑ,අනික මට තිබුන වේදනාවට මම නිදා ගත්තම ගොඩක් දගලනව ලු, ඉතින් සේලයින් ,ලේ බෑග්,මුත්‍ර බෑග් ගැලවෙන හින්දා අම්මා ‍රැ ඇහැරගෙන ඉදලා තියෙන්නේ, ඒ මදිවට මගේ මූන දැක්කහම බය වෙන පෙනුමක් මට ඒ වෙද්දී තිබුනේ මගේ එක ඇහක් වැහිලා, ඒ මදිවට ඔලුව කපපු පාර ප්ලාස්ටර් ගලෝලා තිබුනේ,අර ස්ටේප්ර් ක‍ටු පේලිය,ඒව දකිද්දී මටත් බය හිතුනා,මම හිතුවේ මට සොරි තමා කියලා, ඒ මදිවට මාව නර්ස් ලා පලවෙනියට ඇවිදින්න බස්සපු වෙලේ මට ඇවිදින්න පුලුවන් කමක් තිබුනේ නෑ,,මම ඇඩුවා එදා මම හිතුවේ මට ඇවිදින්න බැරි වෙයි කියලා, ඒත් කොහොමහරි ටිකෙන් ටික ආයේ ඇවිදින්න ගත්තා ඒත් සේරියාව කැඩුන සරුංගලේ වගේ තමා,මට කෙලින් ඇවිදින්න බැරි උනා රෝහලේ ඉන්නකන්ම,,,ගෙදර අය ආවහමත් මාව අල්ලගෙන ඇවිද්දන එක තමා කරන්නේ.ඒ දවස් වලා මම කතා කරන වේගයත් බොහොම වැඩීලු.ගෙදර අය බය වෙලා මේ මොකද මූට වෙලා තියෙන්නේ කියලා ඒ පාර. සාමාන්ය මිනිහෙක් කතා කරා වේගය මම ඉක්මවලා ගිහින්,ඩොකාලා කියලා එක හරි යයි කියලා මම ගෙදර එද්දී ඒක හරි ගිහින් තිබුනා,අනිත් එක මම අහන ඒවට නෙමේලු උත්තර දෙන්නේ, ගෙදර අය හිතලා තියෙන්නේ හරි මගේ ස්ර්කිට් ගිහින් තමා කියලා,මොලෙත් එක්ක නේ මේ සෙල්ලම උනේ,ඒත් ඩොකාලත් මුලදී හිතාල තියෙන්නේ මට පොඩි ස්ර්කිට් අප්සට් එකක් හිටී කියලා,මගේ වාසනාවට අනේ එහෙම කිසි දෙයක් හිටියේ නෑ,ඒකම දේ හිටියේ මගේ බ්‍රැන්ඩ්නිවු ඔලුව රීකන්ඩිශන් උන එක විතරයි.කොහොමහරි ඔහොම දවස් 20ට පස්සේ මම ගෙදර ආවා රෝහලෙන්
ඒ ඇවිල්ලත් මම අම්මට දුන්න වදයක්. ඒවෙද්දී මම අවුරුදු 3,4 මට්ටමට වැටිලා හිටියේ,වැසිකිලියට එක්කගෙන යන වැඩෙත් අම්මටම කරන්න උනා,කොහොමහරි මම මේ වගේ තවත් මාස 2ක් විතර අර සේරියාව කැඩුන සරුංගලේ වෙලා හිටියේ,කෙලින් ඇවිදින්න බෑ,ඒ එක්කම අර ඇහැක් වැහිලා ඒක හිමින් හිමින් හරි ගියා 3 මාසෙකට පස්සේ,ඒ වෙද්දී ඇවිදින එකත් හරි ගියා.ඔන ඕක තමා අදින් 2වසරක පෙර මගේ ජීවිතයේ අමතක නොවෙන සිදු වීම උනේ.

අදින් වසර 2ට පෙර (1)

2011-01-31T23:42:00.001+01:00

2009 පෙබරවාරි 1 දින එදින මම සවස 5ට ආසන්නව ගෙදරින් පිට උනේ ඊට සති 2ට පෙර මාහට ලැබුන ‍රැකියාවට පිටත් වීමට,‍රැකියා ස්තානය මාගේ නිවසට ආසන්නව පිහිටා තිබීමත් මම ඉතා ආසාවෙන් සිටි උයන පිහින ‍රැකියාවක් නිසා නව ‍රැකියාවට මම ගොඩක් ආසාවෙන් හිටියේ ඒ වගේම මගේ පුහුනු කාලයද අවසන් වන දිනය බැවින් මම ගෙදරින් පිට උනේ ඉතාමත් ප්‍රීතියෙන්. ආ මේ ‍රැකියාව පීසා අවන්හලක,ඒ වෙද්දි මාගේ ඉතාලි ජීවිතයේ තෙවන වසර,මේ පීසා අවන්හල නිවසට ආසන්න නිසා පාගමනින් ‍රැකියාවට යන පුරුදු වෙලා හිටියේ විනාඩි 5ක ගමනක් නිසා.ඉතින් එදා මම යන මාර්ගයෙ හමුවන පලමු පාර මාරුවන ස්තානයෙදිම මා පාර මාරු වීමට සූදානම් වී මා හට පාර මාරු වීමට ඉඩ දුන් වාහනය පසු කරනවත් එක්කම පාර කෙලවරේදි මා දෙසට ආවේ අධික වේගයෙන් මෝටර් බයිසිකලයක්.
ඔන්න ඉතින් කතාව මට ගෙනියන්න වෙනවා ඉස්සරහට මොකද එතන සිදු වුන දේවල් මට මතක නැති හින්දා,කතාව යනවා මට මතකයේ ඇති විදිහට 8 වෙනිදට ඒත් මට වැඩි මතකයක් නෑ මම මොනා කතා කෙරුවද කව්ද හිටියේ කියලවත්,ඒතන මාව වට කර ගෙන හිටියේ ඉතාලි ජාතිකයින් වගයක්,තවත් මාව වට කරගෙන යන්ත්‍ර රාශියක්, එදා තමා මට සිහිය ඇවිල්ල තියෙන්නේ මෙච්චර දවසක් මම ඉදලා තියෙන්නෙ දැඩි සත්කාර ඒකකයේ,එදා මාදෙසට ආපු මෝට බයිසිකලය මාව යට කරලා, ඒ වෙලාවේ එතන මම පාර පනිද්දී හිටෝගෙන හිටිය කාරයේ ඉතාලි ජාතික කාන්තාවක්,මාව නොසොල්වා බිම තබා ගෙන ඉදලා ඒත් මම ඒ වෙලාවේ නැගිටින්න හදලා ඒත් ඒ කාන්තාව නැගිටින්න දීලා නෑ,පස්සේ ඇම්බිවුලන්ස් කතා කරලා,,මම ඒ වෙද්දී මගේ මවගේ දුරකතන නම්බරය ඒ කාන්තාවට දීල තියනවා ඒත් මට මතක නෑ ඒවා,ගෙවල් ළගම හින්දා අපේ මාමා එතෙන්ට ඇවිල්ල තියනවා ඒ එද්දී මාව රෝහල කරා ගෙනියන්න ලැස්ති කරලා ඉවර වෙලා, ඇම්බිවුලන්ස් එකට පටෝලා,මාමා මම දිහා බලන් ඉද්දිම මගේ නහයෙන් හා කනින් ලේ ඇවිල්ල තියනව,ඒ එක්කම මම ඇස් 2 වහ ගත්තලු. පස්සෙ රෝහලට එන්න කියලා එයලා මාවත් අරගෙන ගිහින් තියනවාඇත්තටම විනාඩි 10 වැනි සුලු කාලයකදී මම රෝහලේ, ඒ වෙද්දී අපේ ගෙදර කට්ටියත් රෝහලට ඇවිත් තියනව, මෙහෙ හදිසි අනතුරු සිදු වෙලා රෝහලට ගෙනාපු ගමන් කරන්නෙ සි.ටි ස්කෑන් යන්ත්‍රයට ඇතුල් කරන එක,ඒ වෙද්දී එයාලා හොයාගෙන තියනවා මගේ හිස්කබලට හානි වෙලා අබ්යන්තර රුදිර ගැලීමක් කියලා,ඒ එක්කම මගේ ඉල ඇටකීපයක්ම හානි වී ඒවා පෙනහලු ආසන්නයටම ඇවිත් තිබිලා තියෙන්නේ, අර ඉතාලි ජාතික කාන්තාව නිසා ඒ වෙලාවේ මගේ ජීවිතය බේරුනා පෙනහලු වලට හානි නොවී,,මොකද මම නැගිට්ට නම් මම සොරි,
ඉතින් එදා ඉරිදා දවසක් උනත් මාගේ වාසනාවට ඩොකාල රෝහලේ ඉදලා,ප්‍රදාන ස්නායු ශල්ය ඩොකෙක් පවා ඒ ඉරිදා දවසෙ රෝහලේ ඉදලා,ඔන්න අපේ තාත්තා ළගට ආපු රෝහල් හෙදියක් තව පැයකින් උබේ පුතා මැරෙනවා,,ඊට ඉස්සල්ල මේ කොළවලට අත්සන් කරන්න කියල දීලා තියනව මාව සැත්කමට ගන්න.මෙහෙ රෝහල් වල හැටියක් කෙලින්ම සිදුවෙන දේ මූනටම කියන එක. ඒ වෙද්දී මගේ මවගේ රුධිර පීඩනය වැඩි වී මවත් රෝහලටම ඇතුල් කරලා,ඇයි ඉතින් අම්ම කෙනෙක්ට බලන් ඉන්න පුලුවන් දෙයක්ද මට වෙලා තියෙන්නෙ.
ඒ වෙද්දී මාව හප්පපු එකාවත් පොලිසියෙන් අල්ලල,මොකද මූ මාව හප්පලා පැනලා ගිහින්,බයිසිකලෙත් දාලා ඌත් 20 විතර කොල්ලෙක්ලු.ඌව නම් අපි වැඩිය නීති මගින් ගියේ නෑ,උගේ ලයිසන් එක නම් ජීවිත කාලෙටම තහනම් කලාලු.
ඉතින් පැය 4ක සැත්කමකට පස්සේ මාව දැඩි සත්කාර ඒකකයට දාලා තියනවා,ඩොකාලා කියලා තියනව අපේ වැඩේ ඉවරයි දෙවියන්ගේ අතේ තමා දැන් තියෙන්නෙ කියලා,මොකද මම ඉදලා තියෙන්නෙ 90%ම ලොවෙත් නැති වෙන්න යන පැත්තට,ඉතින් ඩොකාල කියලා තියනව මුල් දවස්3 යනකන් මොනවත් කියන්න බැ කියලා, ඒවෙද්දී මගේ ඔලුව සැත්කම සාර්තකව කරලා තියනව, මැහුම් 46 දාල,,ආ මැහුම් නෙමේ දාල තිබුනේ ක‍ටු වගයක් ගහලා තිබුනේ, ස්ටේපර් ක‍ටු වගේ,මෙහෙ දැඩි සත්කාර ඒකකයේ සිටින රෝගියව බලන්න පුලුවන් කුඩා රූපවාහිනියකින්, ඇතුලට යන්න දෙන්නෙම නෑ,ඔහොම ඉතින් මුල් දවස් 3ම අපේ නෑයෝ සේරම අඩෝලා මම ඉන්නව අරකට වෙලා,ලංකාවේ අපේ ගමේ අය අපේ මහ ගෙදර පිරිලා,ඇයි ආරන්චියක් එනකන් මොකද තත්වේ කියලා,
ඒ අතර මාව දවසට 3ක් එලියට ගේනවලු සී.ටී ස්කැන් එකට දාන්න,ඒ ගේන වෙලාවල් දොස්තරලා අපේ ගෙදරට කෝල් දීල කියනවා,ඒ අතින් නම් මෙහෙ මිනිස්සු ඇත්තටම නියම මිනිස්සු, එහෙම මාව එලියට ගද්දී හෙදියන් ,දොස්තරල මාව වට කරගෙන ලු ගෙනියන්නේ ඇය් ඉමම ඉන්නේ මශින් වලින් නේ, ඒ අතර මග මාව දකින මිනිස්සු කුරුසේ ලකුන දාගන්නවලු.
ඔන්න ඔහොම මම 4 වෙනි දවසේ පොඩි වෙනසක් වෙලා තියනවා බැ‍රැරුම් පැත්තෙන් ආයෙත් පියවි සිහියට එන ලකුණු.ඒ කියන්නේ කොල්ලා ආයෙත් ජීවිත ගේමට එන්ටර් වෙන්න.
ඉතින් මම ඊළග හරිය කොටසක් විදිහට දාන්න යන්නේ,,,ආ මගේ දැඩිසත්කාර ඒකකයේ හිටිය පොටෝ එකක් අපේ මාමා පෝන් එකෙන් අරගෙන තියනව .ඒක පොඩ්ඩක් බලන්නකෝ කොල්ල කොහොමද හිටියේ කියලා.

තවත් අනුවේදනීය සිදුවීමක්..

2011-01-05T13:58:00.000+01:00

පහුගිය දවස් වල ඉතාලියේ මිලානෝ නගරයේ ශ්‍රි ලාංකික පවුලක සිදුවු අනුවේදනීය සිදුවීමක් මට අහන්න ලැබුනා...ඇත්තෙන්ම සිදුවීමෙදී තාක්ශණයේ පිහිටෙන් සුබ පුවතක් ඉතුරු වෙලා තියනවා.
මිලානෝ නගරයේ පදිංචිව තරුන කාන්තාවක් පහුගිය 27 වෙනිදා මිලානෝ නගරයේ රෝහලකදී මිය ගිහින්,ඒත් මේ කාන්තාව රෝහලට ඇතුල කරලා තියෙන්නේ ඊට මාස 2 ට පෙරදී, ඒ වෙද්දී ඇය සිවු මස් ගැබිනියක් වෙල ඉදලා තියෙන්නෙ, රෝහලට ඇතුල් කරන විටත් මොළයට විශබීජයක් ඇතුල් වීමෙන් ඇයගේ මොළය මිය ගිහින් තිබිලා තියෙන්නේ, ඒත් එම රෝහලෙන් ඇයව ස්වසන යන්ත්‍රයක් මාර්ගයෙන් මාස 2 පමන තබාගෙන ඉදලා දරු ගැබට මාස 6 පහු උනාට පස්සේ සැත්කමක් මගින් දරුවා බිහි කර ගන්න හැකි වෙලා තියනවා,පස්සේ ඇගේ සැමියාගෙ කැමැත්තෙන් ස්වසන යන්ත්‍රයයෙන් ඇයව ඉවත් කරලා. බිළිදා නිරෝගිව ජීවත් වෙනවා. තවත් මාස 3ක් පමන බිළිදා රෝහලේ තිය ගන්නව ලු මොකද 6 මාසෙන් එලියට ආපු කෙනා නේ.
ඇත්තෙන්ම අපේ රටේදී මෙහෙම සිදුවීමක් අහන්න වෙන එකක් නෑ,,,මොකද අපේ රටේ දැඩි සත්කාර ඒකක වල මෙවැනි කාලයක් රෝගියෙක්ව තබා ගන්නේ නෑ,,,අනිත් එක මොළය මිය ගිය කෙනෙක් ව,කොහොම හරි ඒ බිළිදට වාසනාව තිබුනා මේ ලෝකේ එළිය බලන්න.

වසරක අවසානය

2010-12-31T12:00:00.001+01:00

සියලුම දෙනාට සුභම සුබ නව වසරක් පතනවා,මට නම් දැන් වසර 3 විතර ඉදන් සුභ වසරවල් නෙමෙ තිබුනේ වෙන්න තිබුන සේරම දේවල් උනා,,,මට දරා ගන්න අමාරු මාගේ ලගම නෑදෑයන් 3 ක් අප අතරින් වෙන්ව යාම එක්කෙනෙක් මගේ ආදරනීය ආච්චි, අනිත් දෙදෙනාම ජීවිතය පටන් ගන්න තැනදිම ජීවිතයට සමුදුන්නා, මාගේ ලගම හිතවතෙක් අවුරුදු 26 වගේ ජීවිතය පටන් ගැනීමේදිම,එයා අපෙන් වෙන් වුනේ මේ වසර මුලදී,අනිත් එක්කෙනා මාගේ හොදම යාලුවද උන මාගේ සොහොයුරා,වසර 23 වගේ පොඩි වයසකදිම මීට මාස 3 ඉස්සල්ලා, දැන් වසර 3 ඉදන් මම ලංකාවට ගියේ විනෝදවෙන්න නෙමේ, ඉහත හේතු හින්ද..
බලමු ලබන නව වසර මේ කරදර වලින් මිදෙන නව වසරක් වේවි කියල මට හිතෙනවා..
එහෙනම් සියලු දෙනාටම සියලුසිතුම් පැතුම් ඉ‍ටු වෙන සුභ නව වසරක් වේවා කියල පතනවා!!!.

සැබෑ ආදරය...

2010-12-19T12:15:00.002+01:00

මට මේ වීඩියෝව හම්බුනා අන්තර්ජාලයේ සරිසරන වෙලාවේ..සමහරවිට ඔයාලත් දැකලා ඇති..හරිම සංවේදී වීඩියෝවක්.ඇත්තටම මෙහෙම මිනිස්සුන්ව හොයාගන්න ගොඩක් අමාරු වෙයි මේ කාලෙදි..ඒත් නැතුවමත් නෙමේ.ආදරයට මෙහම දේවල් කරන මිනිස්සු මම දැකලා තියනවා...ඒ වගේම ඊට වඩා මේකෙ අනිත් පැත්ත කරන අය ඕනා තරම්..ඔයාලටත් ඇති මේ වගේ අත්දැකීම්.

පුතාගෙන් පියාට පිහි පාරක්...

2010-12-09T15:25:00.000+01:00

කාලෙකින් ආයෙත් බ්ලොග් එකට ආවා,ලියන්න හිතුනේ නම් අමිහිරි කතාවක්,ඉතාලියේ සිටින ලාංකික පවුලක සිදු උන...මේ කතාව මට වැදගත් උනේ මේ පවුල මගේ ගමේම සිටි පවුලක් නිසා...මේ පවුලේ ළමයි 2 ජීවත් උනේ එයාලගෙ මවගේ දෙමවුපියන් සමග මොකද තාත්තා,අම්මා ඉතාලියේ ජීවත් උන නිසා.මේ පිරිමි ළමයා දැන් වසර 2 ට පෙර ඉතාලියට එනවා සා/පෙ කරල ඉවර වෙලා දෙමවුපියන් සමග නැවතීමට.
මම ලංකාවේ සිටිනා කාලෙදි මේ ළමයි පොඩි ළමයි.ඒ උනාට එයාලට මාපිය ‍රැකවරන නොමැති නිසා ගොඩක් නිදහස්ව තමා ජීවත් උනේ,අනිත් එක මාපියන් ඉතාලියේ නිසා මේ අයගේ අතේ පොඩි කාලෙ ඉදලම මුදල් ගැවසුනා..ඉතින් ඒ ළමයි තමන්ගේ ආච්චි,සීයා එක්ක ජීවත් උනේ එයාලට ඕනා විදිහට..
අවාසනාවන්ත කතාව උනේ,දැනට සති 2 ට උඩදි මේ කොල්ලා තමන්ගේ තාත්තට පිහියකින් ඇනලා, පසුපසින් ඇනලා වැ‍ටුනට පස්සේ තවත් පිහි පාරවල් කීපයක් එල්ල කරලා,වාසනාවකට ජීවිත හානියක් නොවී දින 10ක් පමන දැඩි සත්කාරක ඒකකයේ ප්‍රති කාර ලබලා පියාගේ ජීවිතය බේරෙනවා..
නොයෙක් නොයෙක් කට කතා එනවා කොල්ල පිහියෙන් ඇන්නේ මේකයි,අරකයි කියලා,ඒත් තමන් ජාතක කරපු පියාට පිහියකින් අනින්න තරම් දරුනු වීම ගැනයි සිතා බැලිය යුත්තේ..
මේවට මාපියන් වගකිව යුතු වෙනවා මා සිතන විදිහට,මොකද මේ ළමයි පොඩි කාලෙ ඉදලා ජීවත් උනේ ඒ ළමයින්ට ඕනා විදිහට ,මාපියන් විදෙස්ගත වෙලා ඒ දරුවන්ට මාපිය ආදරය නොලබීම මත ඒ දරුවන් නිකන්ම දරුනු වෙනවා.අවසානෙදි සිදු උනේ මුදල් හම්බ කලාට තමන්ගේම පුතාගෙන් පිහි පාරක් කන්න.ඉදිරියටත් ප්‍රශ්න ගනනාවක් එක්ක...

සුපිරි තරුව

2010-08-04T16:43:00.001+02:00

සුපිරි තරු තරගයක් ගැන තමා මේ ලියන්න යන්නේ,හැබැයි ලංකාවේ නම් නෙමේ ඉතාලියේ කරපු එකක් ශ්‍රි ලංකික අයට,දැන් ලාංකිකයො ලක්ශ 3 කිට්‍ටු වෙන්න ඉන්නවලු නේ ඉතාලියේ,ඉතින් මෙහෙත් ලංකාවේ තියන දේවලින් නැති දෙයක් නෑ,ඔහොම යද්දී තමා අර ඉතාලියේ ඉදලා රටවල් 150 පේන්න කරන චන්ද්‍රිකා නාලිකාවේ මාධ්ය අනුග්‍රහයෙන් මිලාන් පැත්තේ පොරකගේ අදහසක් අනුව සිරසෙන් සුරේන්ද්‍රලා ජනප්‍රිය උන කාලේ ඔන්න ඉතාලියේ ඉන්න ලාංකික අයටත් සුපිරි තරු තරගයක් සංවිධානය කෙරුවේ,මාස ගානක් තිස්සේ අර නාලිකාවෙන් මාර ප්‍රසිද්දියක් දුන්නා වැඩේට,පලමු තෑග්ග යූරෝ 10000 හෝ ඒ වටිනාකමට තියන ටොයෝටා විට්ස් වර්ගයේ කාරෙකක්, දෙවන තෑග්ග යුරෝ 5000, තෙවන යුරෝ 3000, පස්සේ 10 දක්වා යුරෝ 1000 ගානේ සෙල්ලම් නෑ නේ තෑගි...
මේ ගැන ලියන්න ගත්තේ මගේ යාලුවෙකුත් මේකට ගියා,අර නාලිකාවෙන්ම කියනව අයදුම්පත් ඉදිරිපත් කරන්න කියලා,අයදුම්පත් නගරවල තියන ලාංකිකයන්ගේ වෙළදසැල්වලට එවලා තිබුනා,ඔන්න මගේ යාලුවට සුපිරි තරුවක් වෙන්න ආසාවක් ඇවිල්ලා ගියා අයදුම්පතක් ගන්න,මළා අයදුම්පතක් යුරෝ 30,මොනා කරන්නද ආසවනේ මු 30 දීලා ගත්තා එකක්, ඔන්න ඒක යවලා මාස 3 ට විතර පස්සේ අර නාලිකාවෙන්ම කියනව තරගය ඉතාලියේ ප්‍රදාන නගර 5 පටන් ගන්නවා කියලා මූලික වට,අපි ඉන්න පැත්තකින් තමා පටන් ගත්තේ,ඔන්න අපේ යාලුවත් ගියා ,නගරෙකින් ‍තෝරගන්නේ 10 යි,ඉතින් මේ පටන් ගත්තු නගරේ දවස් 5 විතර කරලා 10 ‍තෝර ගත්තා,ආ කියන්න අමතක උනා නේ මේකට විනිශ්චයට ආවේ විශාරද ඩබ්.ඩී ආරියසිංහ,තව 2ක් හිටියා ඉතාලියෙන් ඇහිද ගත්තු,ඔන්න අපේ යාලුවත් තේරුනා 10 අතරට, 10 ‍තෝරන්න 150 විතර කට්ටිය ඇවිල්ලා තිබුනා,ඒ තරග අර නාලිකාවේ විකාශනය කෙරුවා,ඒ තරග වල ඩිවීඩී විකුනුවා තරගකරුවන්ට යුරෝ10 ගානේ...
ඔන්න මේ වගේ තව නගර 3 ක මෙ විදිහට මාස ගානක් කෙරුවා තරග, ඒව අර නාලිකාවේ විකාශනය කෙරුවා.දෙවන, තෙවන නගර වල සෙනග වැඩී කියලා 10 නෙමේ ඊට වැඩි ගානක් ‍තෝර ගත්තා,අර විශාරදත් ඉතින් මේ සේරටම ඉන්නවා.
මේ විදිහට මිලාන් නගරෙට ආවා,එහේ පරන විදිහට ‍තෝරන්නේ නැතුව මිලාන් නගරේ අවසන් තරගේ කියලා,මිලාන් නගරෙන් ආපු අයදුම්පත් වල කට්ටිය එක්ක අර අනිත් නගර වලින් ‍තෝරගත්තු කට්ටියවත් තරගෙට කැදෙවුවා,මේ විදිහට අර වටේ මේ වටේ කියලා හැම ඉරිදම තරග තියනවා, ‍තෝරනවා කපනවා,අපේ යාලුවත් ඉතින් තරගෙට යනවා හැම ඉරිදම පොරට උනේ,අපි ඉන්න නගරේ ඉදලා මිලාන් නගරෙට පැය 16 යනවා,ගුවන් යානයෙන් නම් පැය 2 කිට්‍ටුවෙන්,ඒත් වියදම වැඩී,ඔහොම යද්දී ඉරිදා තරග ඉවර වෙලා දුම්රියෙන් එද්දී සදුදා වෙනවා,යාලුවා වැඩට යන්නේ අගහරුවාදට,ඔහොම යද්දි මූට ජොබ් එක නැති උනා,ඒ උනාට සුපිරි තරු උන අත ඇරියේ නෑ,කොල්ලට හොදට ගායන හැකියාව පිහිටලා තිබුනා,ඒ වෙද්දී කොල්ලට හොද ප්‍රතිචාර තිබුනා,විශාරදතුමා ගෙන් පවා..
ගායන හැකියාවක් තියන ගොඩක් අය හිටියා තරගෙට,ගොඩක් අය හලාවත ඉදලා ජාඇලට යනකන් මුහුදු තීරේ අය තමා හිටියේ මේ කට්ටියට ඇත්තටම ගායන හැකියාව තියනවා,මෙහෙම යදිදි අර්ධ අවසන් පූර්ව තරග ආවා,ඔන්න එතකොට එස්.එම්.එස් ගහන්න පුලුවන් ඉතාලියට විතරක් නෙමේ යුරෝපෙ අනිත් රටවල ඉදලා,මැදපෙරදිග ඉදලා ලංකාවේ ඉදලා,විශේස අංක වගයකුත් දාලා තිබුනා රටරට වලට,ඒවා විකාශනය උනා අර නාලිකාවෙන්,ඔන්න තරගය නැවතුනා මාස 3ට,මාස 3 එස්.එම්.එස් කරන්න පුලුවන්....
ඔන්න අර නාලිකාවෙන් නැවතත් කිවුවා මාස 3ට පස්සේ,අර තරගයේ අවසන් තරගය කියලා,ඔන්න අපේ යාලුවත් ගියා අයෙත්,,,,බලද්දී අවසන් කිවුවට අවසන්ම නෙමේ වෙන මොකද්ද එකක්,අයේ ‍තෝරනව එස්.එම්.එස් වලින්,අවසන් 10 තොරන්න කියලා,තරගකරුවට විතරයි ශාලාවට ඇතුල් වෙන්න පුලුවන්,අනිත් අය ටිකට් අරගෙන යන්න ඕනා,ඔන්න අවසන් තරගේ අයේ ආව,කොහොමද දන්නේ නෑ 10 ජයග්‍රහන කෙරුවා,අපේ යාලුවට පලමු 3න් එකක් ලැබුනා, උගේ හැකියාවනම් හොදටම තිබුනා,මේ අවසන් තරගේ විතරක් අර නාලිකාවෙන් විකාශනය කෙරුවේ නෑ,විශරදත් නෑ, අපේ යාලුවා කුසලානයක් එක්ක,අර ලොකු කාඩ් බෝර්ඩ් මොඩල් චෙක් එකකුත් අරගෙන පහු වෙනිදා ගෙදර ආවා, සල්ලි තරගේ සංවිදායක ගිනුම් දෙන්න දෙන්න ඒකට දන්නම් කිවුවලු,යාලුවගේ ගෙදර ගියවෙලේ දැක්කේ අර චෙක් එක,තාම නම් සල්ලි හම්බුනේ නෑලු, සංවිදායකගේ දුරකතන වැඩකෙරුවෙත් නෑලු එද ඉදලා,කොල්ල හොයල බැලුවලු,මෑන්ට වෙච්ච දෙයක් නෑලු,10න් කාටවත් ජයග්‍රාහී සල්ලි හම්බුනෙත් නෑලු,නාලිකාවත් සද්දයක් නෑලු..........
(ඕනනම් බලන්න වීඩියෝ තියනවා යුටියුබ් හී lincon super star in italy කියලා හොයල බලන්න)

Waka Waka අපේ රටෙන්

2010-07-12T20:32:00.002+02:00

ශකීරාගේ Waka Waka ගීතය මේ දවස්වල ලෝකේ පුරා ජනප්‍රිය උන ගීතයක්,ඒකේ වීඩියෝ එකත් සරාගී ශකීරාගේ විස්මිත නර්තනයෙන් තවත් ජනප්‍රිය කම වැඩිකලා,පාපන්දු ලෝක කුසලානය වෙනුවෙන් නිර්මාණය වුන ගීතයක් උනත් මේ ගීතය තවත් කාලයක් යනකන් මිනිසුන් අතරින් ඈත් වෙන එකක් නෑ, මේ ගීතයේ වීඩියෝව අනූකරණය කරමින් නොයෙක් රටවලින් තවත් මේ ගීතයට වීඩියෝ ඉදිරිපත් කරනවා යූටියුබ්,මූණුපොත හරහා නොයෙක් දක්ශතා පෙන්වමින්,ඔන්න මේ විඩියෝව අපේ රටෙන් ඉදිරිපත් කරපු නිර්මාණයක්,අපේ කොල්ලො 3 ගේ වැඩක්,,,ශකීරාගේ වීඩියෝවට හානියක් කරලා නම් පේන්නේ නෑ මට නම් හරිම විනෝදයක් ගෙන දෙන වීඩියෝවක්.......

විදේශ ගත වුවන්ගේ අඩුවක් පිරිලා...

2010-07-03T12:00:00.002+02:00

අපි විදේශයක හිටියට දැන් අපේ රටේ තියන හැම දෙයක්ම මේ රට වල තියනවා නැති දෙයක් නෑ නේ කන්නේ තනිකරම අපේ කෑමමයි, ටීවී බැලුවත් ඉතින් ඉතාලියේ ඉදන් විකාශය කරන රටවල් 150 ට විතර පේනවා කියන සැටලයිට් නාලිකා 2 තියනවා,ඉතින් ලòකාවේ ඉන්නවා වගේ තමා.
මම ටීවී බැලීමට ඇබ්බැහි වෙලා නැතුවට හිටපු ගමන් අර අපේ චැනල් 2 හිතුනම බලනවා දන්න සිòහලෙන් නේ යන්නේ මොනවා උනත්, අපේ රටේ තරමට නැති උනත් නැති කමට හොදට කරගෙන යනවා,එකක් නම් අපේ ස්වාධීන රූපවාහිණිය, රූපවාහිණිය වගේම තමා හැම අතකින්ම පේන්නේ, ලාභ ප්‍රයෝජන ඇති ඉතින්,ඔන්න චැනල් ගැන කතා කරන්න නෙමේ හිතුවේ,මේ චැනල් බලද්දි යන වෙළද දැන්වීම් ගැන,වෙළද දැන්වීම් යන්නේ සුලු ප්‍රමානයක් ල්òකාවේ ගොඩනැගිලි ඉදිකරන සමාගම් වල ඒව,ඒ කියන්නේ පිට රටවල ඉන්න අයගේ නිවාස සෑදීමේ කාර්ය කරල දෙනවා සල්ලි දෙන එක විතරලු කරන්න තියෙන්නේ,ලග කාලෙක ඉදලා මම කියපු විදේශ ගත වුවන්ගේ අඩුවක් වෙලා තිබුන කේන්දර, හදි හූනියම්,කොඩි වින, මන්තර,රෝග සුව කිරීම් කරන අයගේ වෙලද දැන්වීම් යනවා,හැම දෙයක් ම තිබුන එකේ අඩුවක් වෙලා තිබුනේ මේවා විතරයි.
ප්‍රවීන මන්ත්‍රාචාර්ය,දේශබන්දු,විශ්වශක්ති,විශ්වකීර්තී වගේ නම් වලින් තමා මෙයාලා එන්නේ,අනිත් එක එයාලගේ වෙබ් සයිට් පවා තියනවා,ස්කයිප් මාර්ගයෙන්,දුරකතන මාර්ගයෙන් ප්‍රස්න විසදනවා,මොන තරම් දියුනු වෙලාද නේ,සමහර අය ජනාදිපති තුමාගේ නිල ජෝතීශ්්‍ය කරුවන් කියලත් කියනවා,එහෙම තනතුරක් ජනාදිපති ලේකම් කාර්යාලයේ තියනවද කියල දන්න අය කියන්න.
ඔන්න තව කෙනෙකුට ඉතාලියේ ඉන්න අපේ කාන්තාවකට දෙවි කෙනෙක් වරමක් දීල ගිහින් ඒකියන්නේ 33කෝටියෙන් එක්කෙනෙක් ඉතාලිය පැත්තේ රවුමක් දාන්න ඇවිත් ඒ කාන්තාවට වරමක් දීල ගිහින්,එයත් ඉතින් දැන්වීමක් දානව,තව හාමුදුරුවරු කීප දෙනෙක් ගේ දැන්වීම් යනවා,මට තියන ප්‍රස්නේ කොහොමද හුනියමක් කොඩි විනයක් මෙහෙ ගෙදරක වලලන්නේ කියලා,කොන්ක්‍රීට් වල කොහොමද මේවා වලලන්නේ,අනික මිදුලක් වත් නෑ නේ, කොහොම හරි වල දැම්ම කියමුකො,මහල් නිවසක් නම් ඉතින් මහලේ තියන ගෙවල් සේරටම ඉතින් සොරිම තමා. ඔන්න මම කොවුර් මහත්තයා, කාලෝ ඩොක්ටර් වගේ මේවට චැලෙන්ජ් කරන්න නෙමෙ ලිපිය දැම්මේ.
මේ දැන්වීම් වලින් කියනවා එයාලට රෝග සුව කරන්න පුලුවන් කියලා,එයාලට නිකමටවත් මහරගම පිළිකා රෝහල පැත්තේ යන්න හිතෙන්නේ නැත්තේ ඇයි, මහරගම පිළිකා රෝහලෙත්,ආසිරි රෝහලේදිත් මරණයත් එක්ක ඉන්න මිනිසුන් බොහෝ ප්‍රමානයක් මම දැකලා තියනවා දුප්පත්,පොහොසත්,ප්‍රසිද්ද අය මේ තැන් වලදි දැක්කා,ඉතින් රාජ්ය අනුග්‍රහය තියන මේ රෝග සුව කරන්න පුලුවන් කම තියන මේ අය ඉද්දි, උදේ 9 ඉදන් මහරගම සායනයේ ඩොක්ටර් ජයන්ත බලවර්ධන හා ඩොක්ටර් මහේන්ද්‍ර පෙරේරා ලග මරණයෙන් ගැලවෙන්න අයදීම් කරන දහසක් රෝගින්ට සහනයක් වෙන්න ඒ අසලින්ම කාමර්යක් මේ රෝග සුවකරන අයට වෙන් කරල දෙන එක හොද වැඩක් කියල මට හිතෙන්නේ,ඒක ඒ දොස්තරවරුන්ටත් සහනයක් මොකද ඒ අයට විවේකයක් දෙන්න පුලුවන් ටික වෙලාවකට හරි...
ඔන්න ඔහොම තමා මේ වෙළද දැන්වීම් වලින් කියන කතාව මට හිතුන විදිහට ලියලා දැම්මේ,මිනිසුන් මෙයාලා පස්සේ යන හින්දනේ මෙහෙම දැන්වීන්ම් දාන්නේ,සමහර අයව හමුවෙන්න මේ වසරේ වෙලාවක් වෙන් කරන්න බැරි තරමට මෙයාලා කාර්යබහුල වෙලා,එක්කෙනෙක් වෙලාවක් දෙන්න පවා රු.10000 අය කරනවලු,කොහොමද වැඩේ,වෙලාවකට මට හිතෙනව 33කෝටියක් දෙවිවරුන්ගෙන් එක්කෙනෙක් ඉතාලිය පැත්තේ ‍ටුවර් එකක් ආපු වෙලාවක මටත් වරමක් දීල ගියා නම් කියලා.....

සමර් ඇවිල්ලා

2010-06-22T10:31:00.003+02:00

ඔන්න ඒරොප්පෙට සමර් ඇවිල්ලා ඒරොප්පේ ලස්සනම කාලය, මුලු ශරීරයම වසාගෙන සීතලේ හිටපු කට්ටිය ඔන්න නොයෙක් නොයෙක් විලාසිතා වලින් සැරසිලා අමුතුම ලෝකයක් මවනවා.ඔන්න මම ඉන්නේ ඉතාලියේ සිසිලි දූපතේ, දූපත් වලට සමර් සිරිය වැඩී,මේ දවස් වල සිසිලි දූපතේ ස්වභාවය අපේ රටට ගොඩක් සමානයි, පාරසරිකව හරිද, මට වැඩට යන්න තියෙන්නෙත් මුහුද අසලින් දිවෙන පාරක් නිසා සමර් සිරිය හොදට දකිනවා, ලòකාවේ ඉද්දි මේ සිරිය බැලුවේ සිරසේ ගිය බේ-වොච් කතාවෙන් නේ මතකයි නේ සුන්දර මියාමි මුහුදු වෙරළේ ඩේවිඩ්(නයිට් රයිඩර්), පැමෙලා රගපාපු කතාව, මේ දවස් වල මෙහෙ මුහුදු වෙරළත් මියාමි වෙරළට ගොඩක් සමානයි,පැමෙලලා ගොඩයි, මුහුදු වෙරළේ අව්ව නානවා, මේ මිනිස්සු කියන විදිහට ශීත කාලයේ ශීතලේට ශරීරයේ ඇට මිදුලු වල ශක්තිය වෙනස් වෙනවලු ඒක නිසා රස්නේ කාලෙට මුහුදට යාමෙන් නැවත යතා තත්වෙට පත් වෙනවලු,තව මාස 3 පමණ මේ සුන්දරත්වය තමා ඉතින්.
ඔන්න අපේ කට්ටියත් ඉතින් මේ දවස් වල මුහුදට යනවා මමත් පහුගිය ඉරිදා ගියා මුහුදට, අපේ රටේ අයයි,පිලිපීන් රටේ අයයි,අපේ ක්‍රමයට ඔබින විදිහට පාලුවට තියන මුහුදු වෙරළක් හොයාගෙන,ඉතාලි අය බොහොම ටිකයි මේ හරියේ ඉන්නෙ,ඉන්න අයත් හිටියේ සීගිරි ළළනාවන් ගේ ක්‍රමයට පාලු හරියනේ, ආසියතිකයෝ උන අපි යන්නේ වෙනින් දේවල් වලට,අපේ කට්ටිය යන්නේ හැලි වළන් අර ගෙන බත් ,හොදි උයාගෙන අරක්කු බෝතල් 10 විතර අරගෙන,මුහුදේ නාන්නද,අරක්කු වලින් නාන්නද හොය ගන්න බෑ,පිලිප්පීන් රටේ උනුත් අපේ අය වගේම තමා අපිට වැඩිය ටිකක් වෙනස් විදිහට එයාලා,එයාලා අපිට වැඩිය ටිකක් පිලිවෙලයි, අපේ අය එතන හිටිය කියලා ඔප්පු කරන්න පුලුවන්, ගෙනියන දේවල් වලින් විසි කරන දේවල් සේරම මුහුදු වෙරලේ විසි කරලා තමා යන්නේ,හිස් බෝතල්, ප්ලාස්ටික් හැමතැනම දාල, ලස්සනට තියන මුහුදු වෙරළ විනාශ කරල තියෙන්නේ, ඒ මදිවට ගල් වලින් ලිප් හදාගෙන බත්, හොදි රත් කරලද, උයාගෙන කාලද දන්නේ නෑ, ඔන්න බලාගෙන ඉන්න බැරි කමට අපි 2,3 එකතු වෙලා පොඩ්ඩක් පිරිසිදු කරලා දැම්මා,එතකොට මේ බලාගෙන ඉන්න වෙනින් කණ්ඩායම් වල කට්ටිය අපිට හිනා වෙනවා, මුන්ව ගොඩ ගන්න බෑ සල්ලි හොයනවා විතරයි,ඉතාලියේ ඉදලත් මුන් පිරිසිදු කම වගේ දේවල් පුරුදු වෙන්නේ නෑ, මොකද්ද හේතුවකට මෙතන තාම ගහ ගත්තේ නෑ,නාන්නනේ යන්නේ ඒක හින්ද වෙන්න ඇති,ඔන්න ඔහොම තමා අපේ කට්ටිය මුහුදු සිරි විදින්නේ.....

කාන්තා හින්සනය

2010-06-15T10:53:00.001+02:00

ඔන්න කාන්තා හින්සනය ගැන කතාවක් හින්දා තමා ඒ විදිහට නම දුන්නේ,ඊයේ වැඩ ඉවර වෙලා ගෙදර එද්දී පාරෙදී දැකපු සිද්ධියක්, ඔන්න මම දැක්කා ඈතට නිකන් කලබලයක් වගේ දෙයක්, අපේ පුරුද්දක් නේ ඔය වගේ දේවල් වලට හොට දාන එක,ටිකක් පේන දුරට ආවට පස්සේ දැක්කේ මාර වැඩේ අපේ රටේ ජෝඩුවක් වලියක් පාරෙදි, අපේ රටේ ඒ වගේ දේවල් පාරෙදි දැක්කට මෙහේ දැක්කම තමා පුරුද්දටද කොහෙද මෙහේ ඇවිදින් වලි දාගන්නේ පාරෙදී, ඉතාලියට ගිය කලක් කියල හිතුනා,
වලියක් හින්දා මමත් ලගට ගියේ නෑ,අපේ රටේ දෙන්නෙක් හින්දා කියන්න බෑනේ මොකක් හරි හෙනයක් පාත් උනොත් ,අනික මම එයාලව මීට ඉස්සල්ලා දැකලා නෑ,ඔන්න මරු වැඩේ ඊට පස්සේ දැක්කේ ඔන්න අර මනුස්සයා ඒ ගැණු කෙනාට පාරවල් දෙක තුනක් එල්ල කලා වලියේ උච්චතම අවස්තාවට ඇවිල්ලා මම දැකපු විදිහට මිනිහා මැජික් අරිෂ්ථ පාවිච්චි කරලා හිටියේ මොකද හරි කෙලින්ම තමා හිටගෙන හිටියේ හිටපු ගමන් බිම පතිත වෙන්න ගියා,
ඔන්න පොර පහරවල් එල්ල කලාට පස්සේ ඉතාලි මිනිස්සු 2,3 ආවා එතෙන්ට අල්ල ගත්තා අපේ මෑන්ගේ බෙල්ලෙන් මෙහේ කාන්තාවන්ට පාරෙදී හිරි හැර කෙරුවොත් මිනිස්සු ඉක්මනටම ලන් වෙනවා ,වීරයෝ වෙලා කාන්තාව ගෙන් ලකුණු දාගන්න නම් නෙමේ,කාන්තාවට තියන ගරුත්වය නිසා, ගෙවල් ඇතුලේ ඕන දෙයක් උනාට පාරෙදි බෑ, ඒ ටිකට කවුරු හරි පොලිසියට කතා කරලා ඔන්න එනවා බෝම්බයක් පිපුරුනා වගේ සයිරන් ගහගෙන පොලිස් කාර් 3 එක්ක ඇම්බියුලන්ස් එකකුත් මෙහේ පොලිසියට ඉතින් කවුරු හරි නිකන් තොරතුරක් දුන්නොත් අපේ රටේ වගේ නෙමේ කියපු ගමන් අවට තියන පොලිස් කාර් සේරම සිද්ධිය උන තැනට එනවා, ඇම්බියුලන්ස් එකක් ගෙනාවෙ වලියක් හින්දාවෙන්න ඇති, ඔන්න පොලිස් කට්ටිය වට කරගෙන අර ගෑණු කෙනා ලග, අනිත් කට්ටිය මිනිහා ලග,මොනවා කතා කෙරුවද දන්නෙ නෑ,මම ඈතට වෙලා නේ හිටියේ, ඔන්න අර මෑන් ගේ අල්ල ගත්තා බෙල්ලෙන් ඇදගෙන ගියා පොලිස් කාරෙකක් ලගට කාරෙකට නැග්ගුවේ නෑ උස්සලා විසි කෙරුවා, ඊට පස්සේ පොලිස් කාර් යන්න ගියා. මන් හිතන්නේ ඒ කාන්තාවගේ සැමියා අර මෑන්,සමහර විට ඒ මෑන් ට නොමිලේ ගුවන් ටිකට් පතක් හම්බ වෙයිද දන්නේ නෑ යාමට විතරක්,කාන්තාවකට හින්සා කරපු වරදට පාරෙදී,අහලා තියනවා මීට ඉස්සර එහෙම උනාලු එක්කෙනෙකුට, ඒත් ඉතින් අර කාන්තාව නම් අනිවා පොලිසියට ගිහින් අඩලා මිනිහව එලියට ගනී ඒ අපේ රටේ ගෑණුකම හින්දා,අනිත් එක අර මිනිහත් මැජික් අරිෂ්ථ බලේ හිදුනම පොලිසියෙදි හොදටම අඩනව, ඒක සුවර්,මොකද අපේ කට්ටිය මෙහෙ තියන සන්ගීත උත්සව වල අරිශ්ථ බීලා ගහගෙන පොලිසියට ගෙනියන අය ආයෙ බේරිලා එන්නේ දුක කියල හොදටම අඩලා තමා, ඒ වීරයො බලේ හිදුනම බලු කුක්කෝ වෙනවා...
ඒ වගේ අර පොරත් එලියට එයිද නොමිලේ මවු රට බලා යන්න පුලුවන් වෙයිද දන්නේ නෑ,,හෙට අනිද්දට ආරන්චි වෙයි,මොකද මම වගේ තව අපේ කී දෙනෙක් බලන් හිටියද දන්නේ නෑ වැඩේ, මම නම් දැකපු දේ කාටවත් කියන්න ගියේ නෑ 2 , 3 ට විතරයි කියලා දැම්මේ.

පාපන්දු උණ

2010-06-08T15:05:00.007+02:00

ඔන්න ආයෙත් තව දවස් 3 න් පාපන්දු උණ බෝවෙන්න යන්නේ, අනේ මන්දා අපේ රටෙත් පාපන්දු උණ ගන්න අය ඉන්නව කියලා නම් මම දන්නවා , පහු ගිය ලෝක කුසලනය වෙලාවේ අන්තිම තරගයට ඉතාලියට සහයෝගය දුන්නා නේද අපේ රටේ කට්ටිය, අපේ රටෙත් තරග පෙන්නුවා නේ, පාපන්දුව අධිරාජ්යවාදී ගොඩක් සල්ලි යන කාලේ කන ක්‍රීඩාවක් නිසා අපේ රටේ ප්‍රසිද්ධ උනේ නෑ, අපි තාමත් කිරිකොට් මත්තෙම නැහෙනවා, ‍රැජිණිගේ රටේ උන් අපිට කිරිකොට් බෝ කරලා මේ සැරේ පාපන්දු ලෝක කුසලානය උස්සන්න බලාගෙන දකුණු අප්‍රිකාවට යනවා, ඉතාලි කාරයෙක් දවසක් මට කියනවා ඉන්ග්‍රීසිකාරයෝ උබලට කාලෙ කන ක්‍රීඩාවක් පුරුදු කරලා ගියේ උබලව ක්‍රීඩාවෙනුත් කම්මැලි කරන්නලු,ඉතාලියේ කිරිකොට් ගැන යමක් දන්නේ සුලු ප්‍රමාණයක්, මේ දවස් වල අපේ කට්ටිය ඉතාලි උන්ට කිරිකොට් උගන්නනවා, ටීම් හදාගෙන ඉතාලි නම් දාගත්තට සේරම සෙල්ලම් කරන්නේ අපේ අයම තමා,මෙහේ ආපු ඉන්දියන් කාරයන්ටයි,බන්ගලිදේෂ්කරයන්ටයි,පකිස්තාන්කරයන්ටයි කිරිකොට් පිස්සුව ටිකක් තියන හින්දා උනුත් සෙල්ලම් කරනවා, පාපන්දු උන කියල කිරිකොට් වලට ගියාට සමාවෙන්න පොඩ්ඩක් බැන්නට අපේ රටේ තියන දේ නේ මමත් ක්‍රිකට් ලෝලියෙක්...
මේ සැරෙත් බ්‍රරසීලය, ඉතාලිය, එන්ගලන්තය , ප්‍රන්සය වගේ රටවල් දකුණු අප්‍රිකාවට යන්නේ ලෝක කුසලානය උස්සන්න බලාගෙන, ඉතාලියේ තියන මේ පාපන්දු උණ හිතාගන්න බෑ මුන්ට ජාන වලින්මද කොහෙද මේ ලෙඩේ එන්නේ ඇවිදින්න පටන් ගන්න කාලේ ඉදලම මුන්ට පාපන්දු උණ, බලන බලන පැති වල පොඩි පොඩි පාපන්දු පිටි, ඒ වගේම තමා ඔට්‍ටු අල්ලන තැන්. ආ මම මේ ලිපිය ලියන්නේ තවත් දේකට පාපන්දු උණ තියනව නම් මෙතෙන්ට ගිහින් මේ සැරේ ලෝක කුසලානයට තරග කරන රටවල් වලට ඔට්‍ටු අල්ලන්න සල්ලි වලට නෙමේ ආසාවට, විස්තර සේරම සයිට් එකේම තියනවා මෙන්න තැන
එහෙනම් මේ සැරෙත් අපි පාපන්දු ලෝක කුසලානය බලමු....

මහලු වු ආදරය

2010-06-04T16:02:00.002+02:00

මම කාලෙක ඉදන් වැඩ ඉවර වෙලා ගෙදර එද්දී මග තිබෙන පාර්ක් එකක පු‍ටුවක ටික වෙලාවක් වාඩි වෙලා ඉන්න එක පුරුද්දක් වෙලා තියෙන්නේ,හවස් කාලයේ මේ පාර්ක් එකේ ගොඩක් මිනිස්සු ඉන්නවා තරුණ අය,මහලු අය ඒ අතරින් ගොඩක් ඉන්නේ, සේරම ඉන්නේ ආදරවන්තයෝ ඒ කියන්නේ මහලු අය පවා.
මේ මහලු ආදරවන්තයන් දකින විට මට මතක් වෙන්නේ විජය කුමාරතුන්ගයන් ගායනා කෙරූ සැරයැටියෙන් අපි යනෙන තුරා ගීතය ,මම මහලු ආදරවන්තයන් කිවුවට මෙයාලා තරුණ ආදරවන්තයන්ටත් වඩා හරිම ආදරනීය විදිහට ඉන්නේ,අත් පටලවාගෙන යන , තමාගේ සහකරුවාගේ අතේ එල්ලිගෙන යන ආච්චිලා දකින විට ඇත්තටම සිනහවක් යන එක කියන්නත් දෙයක් නෙමේ නේද, මෙයාලා ගොඩක් අය තනිවෙලා ඉන්න අය වෙන්න ඇති,මම ඉතාලියෙ දකින විදිහට ගොඩක් මහලු අය තනි වෙල ඉන්නේ, අපි හිතුවට බටහිරට විවාහය සුලු දෙයක් කියලා මේ මහලු අය දකිද්දි එක 100% ඇත්ත කියලා හිතෙන්නේ නෑ,
අපේ රටේ නම් මහලු ජෝඩුවක් මෙහෙම අත් දෙක අල්ලගෙන ගියොත් මරු මරු කතා කියයි නේද,අර කියනව නේ අපේ රටේ විවාහයෙන් පස්සෙ ටිකෙන් ටික දුරස් වෙනව කියල,හිතින් නෙමේ හරිද, ඒ කියන්නේ අපේ රටේ හැටියට දුරස් වෙන්න වෙනවා නැත් නම් මිනිස්සු මොනවා නොකියාවිද, ඉතින් 50 පැන්නට පස්සෙ දෙන්නා යන්නේ මීටර් 10 විතර පරතරයක් තියාගෙන, ඒත් ගොඩක් අය හිතින් නම් දුරස් වෙන්නේ නෑ ඒක නම් මම හොදටම දන්නවා......

සේපාල ඒකනායක

2010-05-26T14:04:00.003+02:00

මේ කතාව නම් ටිකක් පරන කතාවක් නේ,මම මේ ගැන ලියන්න හිතුවේ අපේ මාමා ඊයේ මෙයා ගැන කතා උනා ඉතින් මම බ්ලොග් එකට ලියන්න හිතුවා,මම හිතන්නේ ල0කාවෙන් බිහි උන එකම හයිජැකර් එහෙම බලද්දි එයා ඇත්තටම වීරයෙක් ප්ලේන් එකක් උස්සනව කියන්නේ පොඩි වැඩක් නෙමේ නේ,මෙයා ප්ලේන් එක උස්සලා තියෙන්නේ ඉතාලියට පාඩමක් උගන්නන්න, ඒ කාලේ ඉතාලිය හොදට බය වෙන්න ඇති මොකද ඒ කාලේ මුස්ලිම් අන්තවාදී සන්විධාන බටහිර රටවල ගුවන් යානා හයිජැක් කරලා මහ විනාශ කරපු කාලයක්,මෙයාගේ කතාව යන්නේ සේපාල ඉපදිලා තියෙන්නේ 1949 මාතරදී දකුනේ පොරක් කියන්න දෙයක් නෑ යක්කුන්ටත් බය නැති කට්ටියනේ ඉන්නේ.
සේපාල 1972 දී ජර්මනියට යනවා ඒ කාලේ මේ රටවලට යන එක මහ ලොකු දෙයක් නෙමේ ලු එහෙදි තමා සේපාලට ඉතාලි කෙල්ලෙක් සෙට් වෙලා තියෙන්නේ ,පස්සේ එයාලා විවාහ වෙලා ඉතාලියට ඇවිත් තියනවා 1980 දී බිරිදගේ නම Anna Aldrovandi එයාලා ඉදලා තියෙන්නේ ඉතාලියේ මෝදනා කියන නගරේ, එහෙදී පුතෙක් හම්බවෙනවා එයා ප්‍රී ඒකනායක, මේ කාලෙ තමා සේපාලගේ ඉතාලියේ නැවතිමේ බලපත් මොකක් හරි හේතුවකට ඉතාලි පොලිසියෙන් අරගන්නේ පස්සේ සේපාලට ලන්කාවට එන්න වෙනව මේ හේතු හින්දා පස්සේ ලන්කාවේ ඉතාලි එම්බසියෙන් වීසා ඉල්ලනවා ඒත් එතනින් සේපාලට වීසා දෙන්නෙත් නෑ මෙයා ඉතාලියට පාඩමක් උගන්නන්න හිතාගන්නේ එතනින් බිරිද දරුවා ඒ වෙද්දි ඉතාලියේ, වැඩේ පටන් ගන්නේ සේපාල වීසා අරගන්නවා ජපානෙට යන්න ඒ ඉතාලි අලිතාලියා ගුවන් සේවයට අයත් ගුවන් යානයකින් යන්න,ඉන්දියාවෙදි තමා මෙයා ගුවන් යානයට ගොඩ වෙලා තියෙන්නේ,ගුවන් යානය මගීන් 340 එක්ක යන බෝයින්ග් 747 යානයක් ඒ 1982 දී,සේපාල ඉන්නවා සේප් එකේ වෙලාව එනකන් යානය අඩි 35000 මට්ටමට එනකන්,පස්සේ බොරු වයර් කැලි එක්ක බොරු බෝම්බ ඇදුමක් ඇදගෙන යානය එයාගේ යටතට ගන්නවා,යානය බස්සවගන්නව තායිලන්තයට සේපාලගේ ඉල්ලීම බිරිද , දරුවා එක්ක ඩොලර් 300000 ක්,ඉතාලි රජය ඒ ඉල්ලිම ඉ‍ටුකරනවා සේපාල යානය මුදාහරිනවා.
පස්සේ තායිලන්තයේ හිටපු ලන්කාවේ තානාපති සේපාලව ලන්කාවට යවන්න වැඩේ සෙට් කරනවා, ලන්කාවෙදි අත් අඩන්ගුවට අරගන්නවා,මරු වැඩේ කියන්නේ එතකොට අපේ නීති පොතේ ගුවන් යාන උස්සනවට නීතියක් තිබුනේ නැලු ඊට ඉස්සල්ලා කවුරුත් ප්ලේන් උස්සලත් නැ පස්සෙත් උස්සලා නෑ තමා,එතකොට හිටපු ජේ.ආර් මහත්තයා නීතියක් හදල සේපාලව අවු.5 ට හිරේට යවල තියනවා,සේපාලගේ බිරිද දරුවා ආයේ ඉතාලියට ගිහින්,සේපාල පස්සේ ලන්කාවෙදි විවාහ වෙනවා,මේ ලග කාලෙකදි සේපාලගේ දරුවා ප්‍රී එකනායක ලන්කවට ඇවිත් තිබුනා කියලා මම පුවත් පතක දැක්කා,මොනවා උනත් ආදරය වෙනුවෙන් නියම වැඩක් කරපු නියම වීරයෙක් නේද,ඔන්න වීරයෙක් ගේ කතාව....

බඩ ඇතුලෙන් එලියට ගත් දේ...

2010-05-23T11:54:00.000+02:00

මේක ටිකක් විතර හිනා යන කතාවක් මගේ හිතවත් කෙනෙක්ට උන,එයත් ඉන්නෙ ඉතාලියෙම තමා,ඔන්න එයාට ටික කාලෙක ඉදලා බඩේ අමාරුවක් තියනවා මුල් දවස් වල දෙහි බොනවා,ඉගුරු බොනවා වැඩේ හරි ගියේ නෑ පස්සෙ ඉතින් පාමසි වලින් බඩේ අමාරුව කියලා බේත් අරගෙන බොනවා ඒත් හරි ගියෙ නෑ බඩේ අමාරුව දැන් මාස 2 විතර ඇති ලෙඩේට බැරිම තැන ගියා ඉස්පිරිතාලෙට, එතනිනුත් ඉතින් දුන්නා බෙහෙත් ඒ වෙලවට බඩේ අමාරුව හරි යනවා,ආයෙත් දවස් 2,3 අමාරුව ආයෙ එනවා, ආයේ ගියා ඉස්පිරිතාලෙට ඔන්න ඩොක් ලා කියනව බඩ ඇතුල චෙක් කරන්න ඕන කියලා,ඔන්න ඉතින් වෙලාවක් වෙන් කර ගෙන යනවා චෙක් කරන්න,එන්ඩස්කොපි කියනවා අර කොපි කියනවා මේ කොපි කියනවා, කට ඇතුලෙන් කැමරා යවනවා පස්ස පැත්තෙන් කැමරා යවනවා, රිපෝර්ට් වලින් කියනව මොනවත් ලෙඩක් නෑ කියලා.
ඒ උනාට බඩේ අමාරුව හරි යන්නෙත් නෑ,ඔන්න ආයෙත් හිතවත් ඉතාලි කෙනෙක් මෙයාව එක්කගෙන යනවා ඩොක් කෙනෙක් ගාවට මිනිහා ටිකක් වැඩ කාරයෙක්ලු,දැන් මාස 6 විතර මේ බඩේ අමාරුවට,ඔන්න ඒ ඩොක් යවනවා පස්ස පැත්තෙන් කැමරාවක්, ඔන්න වැඩේ අහුවෙනවා ආමාෂය ඇතුලේ පොඩි බ්ලොක් එකක් තියනවලු, ඩොක් තවත් චෙක් කරල කියනවා මොකක් හරි හිර වෙලා තියනවා කියලා,ඩොක් කියනවා ඒක එලියට ගන්න පුලුවන් කියලා ඔපරේට් කරන්නේ නැතුව අලුත් තාක්ෂනයෙන් ඩොක් කටින් බටයක් යවලා හිර වෙලා තියන එක ගන්නවා එලියට,ඩොක් ඒ ගත්තු දේ සුද්ද කරලා ඔලුවේ අතගහ ගන්නවා මොනවද දන්නවද තිබුනේ,,,,ටූත්පික් එකකින් බාගෙකටත් වැඩි කෑල්ලක්,ඩොක් අහනව කොහොමද මේක ගිල්ලෙ කියලා,අපේ එක්කෙනාට මතක නෑ, මෑන්ටත් හොදටම හිනා,ඩොක් ටූත්පික් කෑල්ලත් දීලා ඒකත් අරගෙන ගෙදර එනවා වීරයා වගේ, මේක කියපුවහම අපිටත් බඩ අල්ලගෙන හිනා,දෑන් අපේ එක්කෙනා කල්පනා කරනවා කොහොමද මේක ගියේ කියලා, වැඩේ මතක් වෙනවා, ටූත්පික් ගහන්නෙ කන දේකට බැදපු ඉස්සන්ට නේ, ඒ කියන්නේ පාටි එකකදි තමා මේ වැඩේ වෙලා තියෙන්නේ,අපේ එක්කෙනා ඩ්‍රින්ක් අරගෙන හොද සිහියෙන් කොහොම හරි දෙයකින් ඉස්සව ටූත් පික් එකත් එක්ක ගිලල තියනවා,ඔහොම තමා ටූත්පික් එක බඩට ගිහින් තියෙන්නේ,ඩොක් කියලා තියනවා මේක තව කාලයක් බඩ ඇතුලෙ තිබුනා නම් ලොකු රෝගයකට ආරම්භයක් වෙයි කියලා..
ඔන්න මතක තියාගන්න කන බොන වෙලාවට පරිස්සමින් මේ වගේ අපේ හොද්දට දාන සියබලා ඇට,ලොකු කුරුදු පොතු වගේ දේවල් උනත් බඩට යන්න පුලුවන්....

නොකියා N 96 කතාව

2010-05-16T11:40:00.003+02:00

මේ සිද්දිය උනේ මගේ යාලුවෙක්ට, ඉතාලියේ ඉන්න පොරක් තමා ඔන්න දවසක් පොර ඉන්නවා වැඩ ඉවර වෙලා එහෙම පාර අයිනට වෙලා,එතකොට මිනිහා ගාවට ආවා ඉතාලි කොල්ලෙක්,බයික් එකක ආවේ,ඇවිල්ලා අපේ මෑන් ට පෙන්නුවා අලුත් ම නොකියා N96,පෙට්ටියත් එක්කම තමා තිබුනේ, අපේ එකාට කිවුවා පෝන් එක විකුනනවා 100€ කියලා,අපේ එකත් බැලුවා මාර වැඩේ නේ 100€ N96 ක් , ඒ වෙද්දී පෝන් එක 450€ විතර වෙනවා කඩේ, දැන් අපේ එකත් මේ පෝන් එක ගන්න ආසාවක් ආවා මොකද 100€ නේ අලුත්ම පෝන් එක නේ, ඉතාලි කොල්ලත් අපේ එකාව හොදට අන්දවලා පෝන් එකේ වැඩ කෑලි පෙන්නලා, ඔන්න අපේ එකා වැඩේට කැමති උනා, ඒත් ඒ වෙලවේ අපේ එකා ලග සල්ලි තිබුනේ නෑ,පොර ටිකක් ඇබරෙද්දි ඔන්න ඉතාලි කොල්ලා ඇහුවා මොකද්ද කේස් එක කියලා,අපේ එකා කිවුවා මේ වෙලාවේ පර්ස් එකේ සල්ලි නෑ කියලා,ඔන්න ඉතාලි කොල්ලා කියනව හරි උබව ගෙදර එක්කගෙන යන්නම් බයික් එකෙන්ම යමු කියලා,අපේ එකත් N96 සිහියෙන්ම නේ ඉන්නේ,අරූ ගෙදර යන්නත් කැමතී නේ , ඔන්න අපේ එකා අරූ එක්ක ගෙදර ගියා සල්ලි දීලා N96 අරගන්න. පස්සේ ඉතාලි කොල්ලා එලියේ අපේ එකා ගේ ඇතුලට ගියා සල්ලි අරගෙන එන්න, සල්ලි අරගෙන ආවා එලියට කොල්ලට සල්ලි දුන්නා,කොල්ලා පෝන් පෙට්ටිය දුන්නා අරු සු‍ටුස් ගාලා මාරු උනා,අපේ එකත් හරි උජාරුවෙන් ආවා N96 අරගෙන, ඇවිල්ලා පෝන් පෙට්ටිය ඇරලා බැලුව,අපේ එකාගෙ ඇස් උඩ ගියේ එතකොට පෙට්ටිය ඇතුලේ තිබුනේ N96 තරමට කපපු පොඩි කොට කෑල්ලක්,ඉතාලි කොල්ලා අපේ එකා සල්ලි ගේන්න ගිය ටිකට ගේම් දීල, අපේ එකා තාමත් තියාගෙන ඉන්නව කොට කෑල්ල එක්ක කැට්ලොග් පොත්,මතක් වෙන්නලු තියා ගෙන ඉන්නේ,ඒ අපේ එකත් ලෝක ආදා ඌත් අහු උනා නේ.ඒ ටිකේ මු හොදටම චාර්ටර් උනා මේ සිද්දිය හින්දා.

15€ මිලදීගත් රු.10

2010-05-11T14:04:00.001+02:00

මට පිස්සු විනෝදාන්සයක් තියනවා භාවිතයේ තියන හා භාවිතයේ නොමැති මුදල් නෝට්‍ටු එකතු කරන එක ඉස්කෝලේ යන කාලෙ ඉදන් මට මේ පිස්සුව තියනවා,ලොකු එකතුවක් මම ගාව තියනවා,එක එක රටවල මුදල් නෝට්‍ටු මම ගාව තියනවා,මේ පින්තූරෙ තියන නෝට්‍ටුව මම කාලෙක ඉදන් හොයද්දි මේ ලගදි තමා හොයා ගත්තෙ ඊ-බේ එකෙන් මිලදී ගන්න මට ගියා 15€,මොනා කරන්නද ආසාවට ගත්තා මිසක් වැඩේ පාඩුයි ද කියලත් හිතෙනවා,මොකද මම මීට ඉස්සල්ලා එහෙම මිලදී අරගෙන නෑ,ලන්කවෙදි නම් මිලදීගෙන තියනවා,පුදුම වැඩේ කියන්නේ මේ නෝට්‍ටුවේ අයිතිකාරයා ප්‍රන්ස ජාතිකයෙක්,මම අන්තිම පාර ලන්කාවට ආපු වෙලෙත් මේ නෝට්‍ටුව හෙවුවා,මේ නෝට්‍ටුව එක්ක රු.20, රු.50 ,රු.100 මුදල් නෝට්‍ටු කාණ්ඩයක්ම තියනවා,මම හිතන විදිහට ලන්කාවෙ මුදල් නෝට්‍ටු වල තිබුන ලස්සනම නෝට්‍ටු සෙට් එක,මෑත කාලෙ ඒවා නම් කිසි ලස්සනක් නැ.මගේ විනෝදාන්සයට මම අදුනන ගොඩක් අය මට හිනවෙනවා, මේක හොද විනෝදාන්සයක් මට හිතෙන විදිහට.(පොටෝ එක මම නෙට් එකෙන් අරගත්තේ)

ඉතාලි රජයෙන් අපිටත් බෝනස්...

2010-05-10T15:52:00.000+02:00

ඔන්න ලන්කාවෙ ගෑස් මිල,කරන්ට් බිල වැඩි උනා කියලා දැනගත්තහම තමා මට මතක් වෙලා මේ ලිපිය ලියන්න ගත්තේ,ඉතාලි අගමැති සිල්වියෝ බෙරලොස්කෝනි මහත්තයා ඉතාලියේ ඉන්න අඩු ආදායම් ලාභී අයට පහු ගිය වසරේ ඉදන් කරන්ට් බිලට,ගෑස් බිලට බෝනස් එකක් දෙන්න ගත්තා,ඒ කියන්නේ බිල් වලින් 30% වගේ කොටසක් ඉතාලි රජයෙන් ගෙවනවා,මේ වසරටත් පහු ගිය මාර්තු 30 වෙනකන් අයදුම්පත් බාරගත්තා,බෙරලොස්කෝනි මහත්තයා විදේශිකයන්ව අමතක කරලා දැම්මෙ නැ,විදේශිකයන්ටත් එක්ක තමා මේ චාන්ස් එක දුන්නේ,ගොඩාක් විදේශිකයන්ව මේ අටේ අහුවෙන්නේ අඩු ආදායම්ලාභී ගොඩට හින්දා ගොඩක් අයට චාන්ස් එක හම්බ උනා. හැබැයි බෙරලොස්කෝනි මහත්තයව වෙන්නප්පුව පැත්තට ගෙනල්ලා පෙන්නුවොත් මාර ජන්ජාලයක් වෙයි,හදල තියන ගෙවල් ටිකයි,පෝටිකෝවෙ හිටවල තියන වාහන ටිකයි දැකලා,අපි කට්ටියවම ඉතාලියෙන් පිට කරයි ද දන්නෙත් නෑ,...
ආ තව එකක් කියන්න අමතක උනා පහු ගිය වසරේ බෙරලොස්කෝනි මහත්තයා තව බෝනස් එකක් දුන්නා,වයස 3 ට අඩු පොඩ්ඩො ඉන්න අඩු ආධායම්ලාභී පවුල් වලට,සෙල්ලම් නැ දුන්නේ මාසෙට 80€ පුරවපු මාස්ටර් කාඩ් එකක්,දුන්නෙ නම් පොඩි ලමයින්ට උවමනා බඩු ගන්න කියල තමා,සුපර් මාකට් එකෙන් බඩු අරගෙන අර කාඩ් එකෙන් ගෙවන්න තිබුනේ,නියම වැඩේ කියන්නෙ අපෙ ගොඩක් කට්ටිය අර කාඩ් එකෙන්ම ගෙවන්න ලමයින්ගෙ බඩු වලට අමතරව විස්කි බෝතල් පවා අරගෙන යනව මම ඇස් දෙකෙන්ම දැකලා තියනවා,ඒකෙ ගහල තිබුනෙ නැ නේ මොනාද ගන්න පුලුවන් බඩු කියලා නේද,මේ අවුරුද්දෙ නම් ඒ බොනස් එක ආවෙ නැ අපරාදෙ...
ඔන්න ඔහොම ඉතාලියෙන් අපි ගැනත් බලනවා නරක නැ නේ....බෙරලොස්කෝනි මහත්තයට ස්තුති,මිනිහා ඉතින් ලෝකෙ ලොකුම සල්ලි කාරයන්ගෙ ලිස්ට් එකෙ ඉන්න කෙනෙක් ලු නේ,තව වැඩි වැඩියෙන් ලැබේවා!!!

ඉතාලි බල්ලා.......

2010-05-05T15:59:00.000+02:00

ඉතාලියේ ඉන්න බල්ලො ගැන නම් මම ලියන්නම හිතාගෙන හිටියේ,ඒ මොකද මම රටවල් 3 ට ගිහින් තියනවා, ඒ රටවල් 3 න් ඉතාලියෙදි තමා මම දැක්කේ බල්ලන්ගේ තරම,බල්ලන්ට තියන සැපක්,කොල්ලෙක් විදිහට වෙලාවකට මට මේ ඉතාලි බල්ලෝ ගැන මහා ඊරිශියවක් ඇති වෙනවා ඇත්තටම,ඉතාලියෙ ඉන්න අය නම් දන්නව ඇති නේ බල්ලන්ට තියන සැප.
අපේ ගමේ ඉන්න බල්ලෝ අපිට මොන තරම් ගරු කරනවද, උන් කන්නෙත් අපි කාලා ඉතුරු වෙන දේ,රෑට ඩියුටියත් කොහොම හරි පොඩ්ඩක් හරි කරනව නේ,ඒ ටොමියලා,ටාසන් ලා හැමදාම අපි වෙනුවෙන් නැට්ට හරි වැනුවා.ඒකට ඉතාලියෙ ඉන්න බල්ලො මුන් නිකන් හිතාගෙන ඉන්නෙ තාමත් රෝම අධිරාජ්ජයේ ඉන්නවා වගේ ඒ තරමට ඉතාලි බල්ලො උද්දච්ච කමින් පිරිලා,සුපර් මාර්කට් ඇතුලේ බල්ලන්ට වෙනම කෑම, බල්ලන්ට වෙනම ඇදුම් ,කර පටි ,පිගන් කෝප්ප, බලු ගෙවල්,බල්ලන්ට සෙල්ලම් කරන්න සෙල්ලම් බඩු,එහෙම බලද්දි ඉතාලි බල්ලො ගෙනියන්නෙ සුපිරි ජීවිත.
තව එකක් කියන්න ඕනා,මගේ යාලුවෙක් ඉන්නවා එයාට ජොබ් එකක් තියනව බල්ලො 3 දෙනෙක් බලා ගන්න,බල්ලන්ට වෙනම කාර් එකක් තියනවා, වෙනම දොස්තර කෙනෙක් ඉන්නවා,මේ ලගදී බල්ලන්ට නිදියන්න මෙට්ටයක් ගෙනාවලු 2500€ කට,කොහොමද ඒ බලු ජිවිත....
තව යාලුවෙක් කියපු කතාවක් තමා,ඒ යාලුවා ඉතාලි ගෙදරක නැවතිලා වැඩ කරන්නේ දවසක් යාලුවට හොදටම උණ ගැනිලා දවස් 2ක් තිස්සේ උණලු,ඒත් ගෙදර එකෙක් ඇහැක් ඇරලා බලල නෑ, ඒත් ගෙදර බල්ලට උණ ගැනිලා ගෙදර ගෑණි නොකා නොබී හිටියලු බල්ලට උණ හොද වෙනකන් කොහොමද බල්ලගේ තැන...
මම දැකපු දෙයක් තමා ගොඩක් තරුණ කෙල්ලො ලග බල්ලෙක් ඉන්න එක,ඒ බල්ලො ඉන්නෙත් කෙල්ලන්ගෙ කරේ නැගගෙන,කෙල්ල බල්ලගේ මූණ ඉබිනවා,බල්ලා කෙල්ලගෙ මුණ් ලෙව කනවා,හරිම ශෝක් දර්ශන තමා...මේව දකින කොට ඉතින් ඉතාලි බල්ලො එක්ක ඇති වෙන්නෙ මාර තරහවක් තමා ඇත්තටම.
ඉතාලි බල්ලො ගැන ගොඩක් කතා තියනව කියනව නම්,අනිතිමට මම කියන්නම්,මීට අවු.2 විතර ඉස්සල්ලා ආවා ලන්කාවෙන් නලු නිලි සෙට් එකක්,අපිත් ඉතින් එයාල එක්ක කතා කර කර ඉද්දි,මෙතනින් යනවා බල්ලෙක් ව වඩාගෙන ඉතාලි කෙල්ලෙක්,ඒක දැකපු මෙතන හිටපු අපේ ප්‍රසිද්ද නලුවා කියනවා අනේ බන් ලන්කාවේ නලුවෙක් වෙලා ඉපදුනාට වැඩිය හොදයි ඉතාලියෙ බල්ලෙක් වෙල ඉපදෙන එක....

අවුරුදු උත්සවය.....

2010-05-03T17:05:00.000+02:00

ඊයේ මෙහෙ අවුරුදු උත්සවය,අවුරුදු උත්සව ගන්නෙ ගිය මාසෙ උනාට,ඊයෙ තමා මෙහෙ උත්සවය ගත්තේ,උත්සවය කෙරුවේ ශ්‍රි ලන්කා සන්ගමයෙන්,ක්‍රීඩා පිටිය හැම වසරකම නගර සභාවෙන් නොමිලේ ලබා දෙනවා,හැම කෙනාම සන්ගමයට බැන බැන හිටියට අවුරුදු උත්සවය බලන්න එනවා හැන්දෑවේ 4 වෙද්දි පිට්ටනිය පිරෙන්න සෙනග,දැන් මම ඉන්න නගරෙත් 1500 විතර සින්හල අය ඉන්නව, කට්ටිය කොහොමත් එන්නෙ හැන්දෑවෙ වෙලා තමා මොකද ඉරිදා දවස නේ,උදේ මමත් නිකමට ගියා උත්සවය පැත්තට,ක්‍රීඩකයො කට්ටියයි,සන්විදානය කරන කට්ටියයි,බලන්න ආපු කට්ටිය 100,150 විතර තමා හිටියේ, කම්මැලි කමේ ඉදලා ටික වෙලවකින් ආයෙත් ගෙදර ගියා ඊට පස්සෙ අපෙ කට්ටිය එක්ක 4 පහු වෙලා තමා ආයෙ බලන්න ආවෙ,එතකොට නම් පිට්ටනිය පිරෙන්න සෙනග.ඒ වෙද්දී තරග ගොඩක් ඉවර වෙලා.
පුන්චි උන්ට තම ගොඩාක් සතු‍ටු මොකද උන් ඉන්නෙ ගෙවල් ඇතුලේ හිරි වෙලා නේ,මෙතෙන්ට ඇවිල්ල පිට්ටනිය පුරා දුවනවා,අනිත් කට්ටිය කොල්ලො ටික මොකද ගෙවල් ඇතුලට වෙල ඉන්න කෙල්ලො ටිකත් මෙතෙන්ට එනව නේ,කෙල්ලො බලන්නත් හොද චාන්ස් එක හින්දා හොදටම ඇදලා මෙතෙන්ට ඇවිල්ලා පිට්ටනිය පුරා ඇවිදිනවා.
පිට්ටනිය වටේට පොඩ්ඩක් ඇහැ යවල බලද්දි දැක්කේ මේ සැරෙත් නියම තරගයක් යනවා, ටීම් 6 විතර වැඩියෙන්ම අරක්කු බෝතල් ඉවර කරන තරගේ තමා ඒ,මම එහෙම කිවුවේ ගිය අවුරුද්දේ උත්සවය ඉවර වෙලා පිට්ටනිය සුද්ද කරද්දී විස්කි බෝතල් 40 විතර හොය ගත්තා කියලා සන්විදානය කරපු කෙනෙක් කිව්වා,හොද තරගයක් නේ එයලාටත් වැඩියෙන්ම බොතල් ඉවර කරපු ටීම් එකට තිලිණයක් දුන්නා නම්.
අපිත් ඉතින් සතුටින් මෙවා බල බලා හිටිය ,මමත් ආසා වෙන් හිටියේ අවුරුදු කුමරි තරගේ බලන්න,නගරේ ඉන්න ලස්සනම සින්හල කෙල්ලව බලන්න ,අනේ ඒක මේ සැරේ තිබුනේ නෑනෙ,මොකද පහු ගිය අවුරුදු උත්සවයෙදි කෙල්ලො 2 ඉදිරිපත් උනේ තරගෙට එක්කෙනෙක් හිටියෙ තුන් කාලෙ ඩෙනිම් කලිසමක් ඇදගෙන,අනිත් කෙනත් ඩෙනිම් කලිසමක් ඇදගෙන,2 ඉදිරිපත් උනෙත් නිවේදකය කට කැඩෙනකන් කියලා කියලා,කවුරු හරි ඉදිරිපත් වෙන්න කියලා,අනිතිමේදි ඉදිරිපත් උන දෙන්නටම ඉදිරිපත් වීමට තැගි දීලා තරගේ නවත්තල දැම්මා.
මේ සැරේ අවුරුදු කුමරිය තේරීම නවත්තල දාලා ඒක හින්ද,අනේ මන්දා ලස්සන ගෑණු ලමයි ගොඩක් හිටියා,එයාලා ඉදිරිපත් වෙන්න බයද,දෙමවුපියො එවන්න බයද කියල නම් මම දන්නෙ නෑ.
ඉතින් මේ සැරේ ජනප්‍රියම ක්‍රීඩාව උනේ කාන්තා කබ ඇදීමේ තරගය,ඒකත් නරක නෑනේ,ඒකට නම් කණ්ඩායම් 6 විතර ඉදිරිපත් උනා,මේ තරගය තිබුනේ අන්තිම අවස්තාවේ,අනිතිමට ජයග්‍රරහණය කලා නියම කණ්ඩායමක් එයලා 10 දෙනාට මම හිතන්නේ කිසිම අපහසුවක් නැතුව කන්ට්‍රේනරයක් උනත් උස්සන්න පුලුවන් කම තිබුනා.
ඔහොම තමා උත්සවය ඉවර උනේ,අලුතින් ආපු ගොඩක් ලන්කවේ අයව හම්බ උනා මෙතනදි,අපෙ ගමේ අය කීප දෙනෙකුත් හමු උනා,එයාලා ලගදි තමා මෙහෙට ඇවිල්ලා තියෙන්නේ,ආරන්චියක් තිබුනා සන්ගීත සන්දර්ශනයක් තියනවා කියලා අවුරුදු උත්සවය ඉවර වෙලා,ඒත් ඒකට අවසරය හමු උනේ නෑලු.ඒකට නම් හේතු ගොඩක් තියනවා,ඉතාලියේ ඉන්න කට්ටිය නම් දන්නවා නේ මොකද අවසර හම්බ වෙන්න නැත්තෙ කියලා.....

ඉතාලියෙත් සක්විතිලා ඉන්නවා

2010-05-01T09:54:00.001+02:00

මට මේ කතාව මතක් උනේ මම ඉගැන්වීමට උපන්නෙමි කියල ලන්කාවටම හොද පාඩමක් උගන්නලා අදටත් කිසිම තොරතුරක් නැතුව අතුරුදන් උන සක්විති සර් ගැන ලියපු ලියුමක කොටසක් මගේ ලග තිබුන ලන්කාවෙන් ගෙනාපු පොතක් අස්සෙ තිබිලා හම්බ උනට පස්සේ.
මම කියන්න යන කතාවත් සක්විති කෙනෙක් ගැන තමා,මේ සක්විති හිටියේ ඉතාලියෙ මම ඉන්න නගරෙම තමා,2005 දී තමා මේ සක්විති මේ නගරෙ හිටපු 75% විතර ලන්කවේ කට්ටියට නියම ගේමක් දීලා පැනල ගියේ,2005 දි තමා මම ඉතාලියට නවතින්න ආවෙත් ඒ දවස් වල මේ සක්විති වැඩේ තමා නගරෙ ඉන්න අපෙ කට්ටිය ගේ කටේම තිබුනේ අඩන, වැලපෙන,ඔවුන්ට හොද වැඩේ කියන අයත් මම දැක්කා.
මේ සක්විති ඒ වෙද්දි පරන කෙනෙක් ඉතාලියෙ මේ නගරෙට.සීට්‍ටු දාන එක, සල්ලි පොලියට දෙන එක තමා මිනිහගෙ බිස්නස් වෙලා තිබුනෙ,මිනිහ ගොඩක් විස්වාශවන්ත විදිහට වැඩේ කර ගෙන ගිහින් තියනව,
සමහර අයගෙන් මිනිහා සල්ලි පොලියට අරගෙන ඒ සල්ලි මිනිහ පොලියට දීල,ඒ කියන්නෙ ගොඩක් කාන්තවො වැඩ කරනව ඉතාලි ගෙවල් වල නැවතිලා, එතනින් ගන්න පඩිය නිකන් තමන් ලග තියා ගෙන ඉන්නෙ මොකටද කියලා අර මිනිහට දෙනව බැන්කුවට දානව වගේ,එතකොට අර මිනිහා පොඩි පොලියක් දෙනවා අර මිනිස්සුන්ට තව නියම සීට්‍ටු වැඩක් කරල තියනව මිනිහා ඒක රත්තරන් සීට්‍ටුවක්, සීට්‍ටුවට ගන්නව 100 දෙනෙක්,සීට්‍ටුව තියෙන්නෙ මාස 16, එක්කෙනෙක් ගෙන් ඒ කාලේ වාරිකය මාසෙට 50€ ,මිනිහගෙ අතට මාසෙට එනවා 5000€, 100 දෙනාගෙ නම් ලියපු රිසිට් පෙට්ටියකින් මිනිහා සීට්‍ටුවට ආපු කෙනෙක් ගේ ලමයෙක් ලවා එක රිසිට් එකක් එලියට ගන්නවා ඒ නම තියන කෙනාට හම්බ වෙනව පවුම් 8 රත්තරන්,ඒ කෙනාගේ සීට්‍ටුව එතනින් ඉවර වෙනව,ඒ කියන්නෙ පලවෙනි වටෙන් එහෙම නම තිබුනොත් ඒ නම තිබුන කෙනාට පවුම් 8 රත්තරන් වලට වියදම් වෙලා තියෙන්නෙ 50€, ඒ වගෙ මාස 16 මේ ලොතරයි ක්‍රමය යනවා මිනිස්සුන්ට රත්තරන් හම්බ වෙනව,16 දෙනා ඉවර උනාම ඉතුරු උන 84 ටම පවුම් 8 රත්තරන් හම්බ වෙනවා,මාර මොලේ ඇති බිස්නස් එක නේද.
මිනිහා මේ බිස්නස් එකත් ජයටම කරගෙන යනවා,මිනිස්සුන්ටත් ඉතින් හරිම ලාභ තියනවා මිනිහා එක්ක බිස්නස් කරද්දි.
ඔන්න මිනිහා අන්තිම ගේමට සෙට් වෙනවා, ගොඩක් කට්ටියගෙන් මිනිහා පොලියට සල්ලි අරගෙන ඒත් මිනිහා පොලියට සල්ලි දෙන එක ටිකක් නවත්තලා,දීල තියෙන්නෙත් පොඩි පොඩි ගනන්,ඒත් මිනිහා මිනිස්සුන්ගෙන් අරගෙන තියනවා ලොකු ගනන් පොලියට මිනිහා ඒ සල්ලි හිර කරගෙන අතින් මිනිස්සුන්ට පොලි දෙනවා,අර රත්තරන් සීට්‍ටුත් 3 විතර අල්ල ගෙන,අර මුල දිනන අයට රත්තරන් දෙන එකත් ටිකක් නවත්තල එක එක බොරු කියලා,මිනිස්සුන්ට මිනිහව හොදටම විශ්වාසයි.
අන්තිම ගේම දෙනව, මිනිහා ඒ වෙද්දි 300000€ අධික මුදලක් එකතු කර ගෙන නගරෙන් මාරු වෙනවා කොහෙද ගියේ කියලා කිසි කෙනෙක් දන්නෙ නෑ, කීප දෙනෙක්ට හාට් ඇටෑක් හැදිලා,එක්කෙනෙක් මිය ගිහින්, සමහර අය අවුරුදු 5,6 හම්භකරපු සල්ලි මිනිහට දීලා,අනේ ඉතින් මිනිහත් සක්විති වගේ අද වෙනකන් තොරතුරක් නෑ.
මිනිස්සු සල්ලි තන්හාවට ගියාම ඔහොම බොරු කාරයන්ට ‍රැව ටෙනව,කොච්චර මෙහෙම සක්විතිලා ගේම් දුන්නත් ටික කාලෙකින් අපෙ සින්හල අයට ඉක්මනින් මේවා අමතක වෙනවා,අයෙත් මෙහෙම බොරු කාරයන්ට අහු වෙනවා.

සිසිලි දුපතේ මා‍ෆියා කාරයො...

2010-04-27T16:30:00.004+02:00

මම මේ ලිපිය ලියන්නෙ මාගේ ඉතාලි ජාතික යහලුවෙක් මට දුන්න ‍ෆිල්ම් එකක් බලලා ඉවර වෙලා,‍ෆිල්ම් එකේ නම Il capo dei capi(The boss of bosses) සින්හල තේරුම එන්නේ නායකයන්ගෙ නායකයා,මේක ‍ෆිල්ම් එකක් කිවුවට ටීවී එකේ කොටස් 5 ට ගිය රූපවහීනී කතාවක්,මන් නම් දවස් 2 බලලා ඉවර කලා ඒ තරම් රසවත්.
මේකේ කතාව යන්නෙ සිසිලි දිවයිනේ පැලර්මෝ නගරයෙන් පටන් ගත් මුලු ඉතාලිය පුරාද,යුරෝපය,බ්‍රසීලය,ඇමරිකාව දක්වා පැතුරුනු මා‍ෆියාව නමින් හැදින්වු මිනිමරුවන්ගේ කතාවක් අනිත් එක සත්්‍ය කතාවක්.මේ කතාව යන්නෙ සල්වතොරේ රීනා(salvatore Riina) නම් මා‍ෆියා නායකයා ගේ ඇත්ත කතාව,ඉතාලි අය කියන්නෙ රීනා තමා ඉතාලි මා‍ෆියාවෙ මෙතෙක් බිහි උන දරුනුම හා ලොකුම නායකයා කියලා.මිනිහගෙ මා‍ෆියා නම උනේ ටොටො රීනා (Totto Riina).
කතාව හා ටොටෝ ගේ විස්තර ටිකක් කියන්නම්,මා‍ෆියා කියන වචනය දන්නවා උනාට ටොටෝ ගැන දන්නෙ නෑනෙ නේද.
ටොටෝ ඉපදිලා තියෙන්නෙ 1930 පැලර්මෝ නගරයෙ පුන්චි ගමක,කොර්ලියෝනෙ කියන ගමෙ(Corleone)මේ ගමෙන් තමා මා‍ෆියා නායකයො ගොඩක් බිහි වෙලා තියෙන්නෙ ටොටෝ එයාගෙ ගමේ තිබුන පොඩි මා‍ෆියා ටීම් එකකට යන්නෙ වයස 15 විතර එයාගෙ ලගම යාලුවා උන බර්නාර්දො ප්‍රොවන්ෂානෝ(Bernardo Provenzano)කියන යාලුවා එක්ක. මිනිහා ටොටෝ ගෙ දකුනු අත වගෙ තමා ඔන්න ටොටෝ පලමු වෙඩිල්ල පත්තු කරන්නෙ වයස19 එයාගෙ අතින් උන පලවෙනි මිනිමැරුම,මිනිහා හිරේට යනව වසර 6 කට හිරෙන් ඇවිල්ල වෙනින් ටීම් එකකට ගිහින් ඉස්සල්ලා හිටපු ටීම් එකේ බොස් ව මරලා දානව.එතනින් පටන් ගන්න මේ මිනි මැරුම් එයාගෙ යාලුවා බර්නාර්ඩො එක්ක තමා කරන්නෙ බර්නර්ඩො ගෙ මා‍ෆියා නම බින්නු.
1970 වෙද්දී ටොටෝ ගේ ටීම් එක පැලර්මො නගරයේ ප්‍රසිද්ද උන ටීම් එකක් වෙනවා,ඒ වෙනකොට එයලා වෙනින් ටීම් වල ගොඩක් කට්ටියව මරලා දාල,ඊට අමතරව දේශපාලකයන්,විශේශයෙන් සමාජවදී අයව තමා මොවුන්ගේ ඉලක්කය උනේ,තව පොලිස් නිලදාරින්.දැන් ඉතින් ටොටෝ ලොකු ස්තාවරයක ඉන්න බොස් කෙනෙක් මේ වෙද්දි සිසිලි දුපත ලොකෙට හෙරොයින් බෙදන ඉස්තානයක් වෙනවා,මේ වෙද්දි ටොටෝ අනෙක් හෙරොයින් ජාවරම්කරයන්ව හිමින් හිමින් මරල දාලා හෙරොයින් වැඩේ එයාගෙ අතට අර ගන්න පුලුවන් වෙලා තියෙන්නෙ සෑහෙන කොටසක්.අනිත් එක ටොටෝ ගෙ අතින් මෙ වෙද්දි එයාට විරුද්ද උන නඩු කාරයන් එයා ගැන ලියන මාද්යවෙදීන්,උසස් පොලිස් නිලදාරින් පවා මරලා දාලා.
80 දශකය තමා ටොටෝගෙ සුපිරිම කාලය,ඒ කියන්නෙ ටොටෝ මේ වෙද්දි සිසිලි දුපතේ ලොකු මා‍ෆියා නායකයෙක්,80 දශකය අවාසානයෙදි ටොටෝ මුලු ඉතාලියම හොල්ලන මා‍ෆියා සුපර් බොස් කෙනෙක් වෙල ඉවර වෙලා,අනිත් එක එයාට විරුද්ද වෙන අයව ඇමරිකාවෙදි,බ්‍රසීලයේදී පවා මරලා දාන තත්වයක් හදාගෙන, ඒ කියන්නෙ ඔහුට අභියෝග කරන්න වෙන නායකයෙක් ඉතාලියෙ මේ වෙද්දි නෑ,92 දී ටොටෝ අතින් ඝාතනය වෙන්නෙ සිසිලි දුපතේ ප්‍රදාන නීතිපති වරයෙක් උන ජොවන්නි පැල්කෝනේ (Giovanni Falcone) නම් ඉතාලියෙ මිනිස්සු අදටත් මතක් කරන මා‍ෆියා වට විරුද්දව කතා කරපු,එයට විරුද්ද පරීක්සන මෙහෙයවපු මිනිසාව, ඒ ඝාතනය සිදු කලේ කාර් බෝම්බයකින්,ඊට සතියකට පෙර පල්කෝනෙ ගේ සහයකයවද කාර් බෝම්බයකින් ඝාතනය කරන ටොටෝ මුලු ඉතාලියටම හිසරදයක් වී හමාරයි.ටොටෝ තීක්ශන මිනිසෙකු වන්නෙ ඔහු ගැන තොරතුරු කිසිම ලෙසකින් එලියට ඒමට ඉඩ නොදීම,ඔහුගේ පව්ලේ තොරතුරු පවා කිසිම ලෙසකින් එලියට ඇවිත් තිබුනේ නොමැත,ඔහුගේ යාලුවා බින්නු ගෙ පොටෝ එකක් පවා ඉතාලි පොලිසියට හමු වී නොතිබිනි,
92 වසරේ ටොටෝ පොලිසියට කො‍ටු වන්නෙ විශාල මෙහෙයුමකිනි එයට තොරතුරු සපයන්නේ ටොටෝ ගෙ රියදුරෙක් විසිනි,ඒ වන විට ටොටෝ මිලියන ගනනක් හිමි සුපිරි ධනවතෙකි,දරුවන් 4 දෙනෙකුගෙ පියෙකි,ඒ වනවිට ඔහුගෙ මෙහෙයවීමෙන් විශාල මිනිසුන් ප්‍රමානයක් මරා දමාද තිබිනි.ටොටෝගෙ 35 වසරක මා‍ෆියා පාලනය බින්නු අතට පත් වන්නේ බින්නු ටොටෝ ගේ දකුනු අත උන නිසාය.බින්නුගෙ විශේසත්වය බින්නු ගෙ කිසිම තොරතුරක් පොලිසිය හමුවෙ නොති බීම,මේ වනවිට ටොටෝ ගෙ පුතුන් 2 නාද පියගෙ අඩිපාරෙ යමින් මිනිසුන් මරා දැමුවද ඒ 2 පොලිසියට ඉක්මනින්ම කො‍ටු වි හමාර විය.2006 වසරේ බින්නු කො‍ටු වන්නේ විශේස තොරතුරකිනි,බින්නුව හදුනා ගන්නේ ද නවීන තාක්ශනයෙ පිහිටෙනි,වසර 45 බින්නු ගෙ මා‍ෆියව එසේ බිද වැ‍ටුනි.
අවි ගත්තෝ අවියෙන්ම නැසෙති බොරු කරමින් ටොටෝ සහ බින්නු තවමත් ඉතාලි විශේස හිර කුටි වල තවමත් ජීවත් වේ නමුත් කල කම් පලදෙන එක ඇත්ත වී,ටොටෝ වසර 10 පටන් දරුනු රෝගයකින් පීඩා විදී,බින්නු වසර 3 සිට පිලිකා රෝගයකින් දුක් විදී,මේ දෙදෙනා විසින් හා එයාලාගෙ අනු දැනුම මත සිදු කල මිනි මැරුම් ප්‍රමානය ඔවුන් දෙදෙනාවත්,ඉතාලි පොලිසියවත් දන්නේ නොමැත,තරුණ කාලයේ සිට මහලු කාලය දක්වා පොලිසියට වසන් වී සිදු කල දේවල් ඇත්තටම පුදුම සහගතය......
මට මතක් වුයේ අපෙ රටේ ටොටෝ ලා ගැනය,රටේ ප්‍රදාන දේශපලකයන්ගේ සහයෝගයෙන්,ජනාදිපතිවරයාගේ සිට පහල මන්ත්‍රී වරුන් ගේ පුර්ණ සහයෝගයෙන් සෙල්ලම් දැමු සොත්ති උපාලි,බැද්දගාන සන්ජීව,මොර‍ටු සමන්,දම්මික අමරසින්හ,සුරියවැව සුනිල්,ආමි ජිනේ,වම්බොට්ටා,ආණමාලු ඉමිටියාස් යන නම් වලින් සිටි අපරාද කරුවන්ය. කොහොම උනත් ඒ අපරාදකරයන්ට වැඩි කාලයක් සෙල්ලම් කිරීමට හැකි වුයේ නැත.
මම විශ්වාශ කරන දෙයක් නම්,අප මෙලවදී කරන වරදක් මෙලවදීම දඩුවම් ගෙවීමට සිදු වේ........තවත් ඉතුරු වුවොත්,,,,,,,

ටොටෝ රීනා & බින්නු

ඉතාලි බසයේ කතාව

2010-04-26T12:22:00.000+02:00

ඔන්න මන් ඉතාලියෙදි,හැමදාම උදේට යන බස් එකෙ දකින,අහන්න ලැබෙන දෙවල් තම මේ,,බස් එකෙන්ම පටන් ගන්නම් කො, මේ බස් එක අපේ බස් වගෙ නම් නෙමෙ
හැමදම උදෙ 7.30 වෙද්දි බස් එක වෙලවට හෝල්ට් එකේ,අපේ ගේ ගාව හෝල්ට් එකෙන් තමා මන් බස් එකට ගොඩ වෙන්නෙ,බස් එකට යටි ගිරියෙන් කෑ ගහන කොන්දෙකුත් නම් නෑ,මෙහෙ කොහොමත් කොන්දො නෑ නෙ,
මේ බස් එකේ හැමදාම යන කට්ටියක් ඉන්නවා එයාලව හැමදාම දකිනව,මමත් ඉතින් දවස් 6 උදේට මේ බස් එකෙන් තමා වැඩට යන්නෙ,ඔන්න මන් කියන්නම් මෙකෙ යන අයගේ විස්තර,රියදුරත් ඉතින් හරිම විනෝද මිනිහා,බස් එකට ගොඩ උන ගමන් මිනිහ සුබ උදෑසනක් කියනවා, සින්දුවෙන්,විහිලුවෙන් තමා මිනිහා ඉන්නෙ, මේ බස් එකේ හැමදාම යනවා නියම පොරක් මිනිහව දකිද්දි මට මතක් වෙන්නෙ අපෙ විමල් වීරවන්ශ මහත්තයව,මොකද මේ මිනිහා බස් එකෙ මිනිස්සුන්ට ඇහෙන්න හයියෙන් සමාජ වාදය තමා කතා කරන්නෙ ,මිනිහට මානසික රෝගයක් තියනවා,ඇමරිකාවටත් පලු යන්න බනිනව,භාශා 5න් විතර කතා කරනවා ඒවා කාටවත් තේරෙන්නෙ නෑ ඔහේ කෑ ගහන එක තමා මිනිහගෙ වැඩේ, කිසි කෙනෙක් මිනිහට හිනා වෙන්නෙ නෑ,මොකද ඉතාලි අය පිස්සු අයට හිනා වෙන්නෙ නැති නිසා,අනිත් අය තමා ඉස්කෝලෙ යන උන් සෙට් එකකුත් යනවා,උන් ගැන නම් කියලා වැඩක් නෑ,ඒ සෙට් එකෙ කෙල්ලො යන්නෙ කොල්ලන්ගෙ කරේ නැගල,පොත් බෑග් තියෙන්නෙ බස් එකේ බිම,අපි නම් මොන තරම් පොත් බෑග් එකට ගරු කලාද නේ,සමහර උන් බස් එකේම ඉදගෙන කිස් කර කර තම යන්නෙ,යුරෝපෙ හැටි නෙ නේද,තව ඉතින් ඉතාලි අය කීප දෙනෙක් යනව වැඩට යන අය,අනිත් අය තමා ලාන්කික 4 ක්,පිලිප්පීන් ජාතිකයන් කීප දෙනෙක්,කොහොමත් මේ කට්ටිය හැමදාම මේ බස් එකේ යනව,මම තම ලන්කාවෙ අයගෙන් වයසින් අඩු කෙනා,අනිත් 4 දෙනාව මන් අදුන ගත්තෙත් මෙ බස් එකෙදිම තමා,මෙයාලා හැමදාම මගෙන් ලන්කාවෙ නියුස් අහනවා,එයලා දන්නව මම නෙට් එකෙන් බලනව කියලා,සුනිල් අන්කල් ඉතින් කාලෙන් කාලෙට,එක එක දේශපාලකයන්ට බනින එක තමා කරන්නෙ,ජනාධිපති වරනය කාලෙ ජෙනරාල් ට පලු යන්න බැන බැන තමා බහිනකන්ම යන්නෙ,පස්සෙ ජනාධිපති තුමාට පලු යන්න බනිනව ජෙනරාල් ව හිර කලා කියලා,අද උදේ බැන්නෙ මර්වින් සිල්ව ට දුන්න ඇමතිකම ගැන කියලා,අනිත් ඇන්ටිලා 3 දෙනාම ජනාධිපති තුමට පුල් භක්තිය තමා, වෙලාවකට මෙයාල මාර වලි යනව,මේ ඇන්ටිල 3 ගෙන් දෙන්නෙකුට මන් කියන්නෙ අක්කෙ කියලා ,අපේ අම්මටත් වඩා වයස උනාට අක්කෙ කියල තමා කියන්නෙ,මුල් දවස් වල ඇන්ටි කියලා යකා නැග්ගා එයාලට,අක්කෙ කියපුහම නිකන්ම සේප් උනා,මේ බස් එකට සමහර දවස් වලට නගින සමහර ලන්කාවෙ අයගෙ හිනාව මුනෙ ගෑවිලාවත් නෑ,අපේ රටේ කෙනෙක් දැකපුවහම පොඩ්ඩක් හිනවෙන්නෙවත් නැත්තෙ මොකද කියල මම නම් දන්නෙ නෑ,මම නම් හැම ලන්කාවෙ කෙනෙක් එක්කම හිනා වෙනවා,ඒත් 90% දෙනා අහක බලාගන්න එක තමා කරන්නෙ,ඒ උනාට පිට රටක ඉද්දි තමන්ගෙ රටේ කෙනෙක් එක්ක හිනා වෙලා වත් යන එක තමා නේද හොද, මේ තමා උදෙට මගේ බස් ගමන....

ඉසුරු සොයා ඇවිත් අවසන් ගමනේ...

2010-04-22T12:45:00.001+02:00

මම මේ ලිපිය ලියන්නෙ ඉතාලියෙ මාසයක් වගේ කාලයකදි,ශ්‍රි ලාන්කික 4 දෙනෙක් ඝාතනය ට ලක් වෙලා පෙට්ටියෙන් ආයෙත් ලන්කාවට ගියා,4 දෙනාම පිහි ඇනුම් වලින් තමා මිය ගිහින් තියෙන්නෙ,මිනි මැරුම් 3 ට වරද කරුවන් උනෙත් ශ්‍රි ලාන්කික අයම තමා,පිරිමි අය 3 දෙනෙකුත්,එක කාන්තවකුත් මෙහෙම අවසන් ගමන් ගියා,එක මරනෙක සැක කරුවන් තාම සොයගෙන නැතිලු, ඒ මරනෙටත් සැක කරන්නෙ ලන්කාවෙ කෙනෙක් අතින්ම උනා කියල තමා,අනේ මන්දා මොන තරම් බලාපොරොත්තු තියා ගෙන මේ රටට එන්න ඇති ද,මොන තරම් අමාරුවකින් එන්න ඇතිද, සමහර විට ලක්ශ ගානක් නය වෙලා ඇති,ඒත් ඒ හැම දෙයක් ම ඉවර වෙලා
පෙට්ටියෙන් ආයෙත් ලන්කාවට යනවා.
මේ මිනිමැරුම් වලට හේතු නම් මන් හරියට දන්නෙ නැ,මිනිස්සු එක එක කතා කියනව,සමහර ඒවට නම් මට පේන හැටියට හේතුව මත්පැන්,ගොඩක් අය තාම තේරුම් අරගෙන නැ ඇයි අපි මේ රටට අවේ කියල,
මේ දෙවලින් වෙන එකම දේ අපේ ලාන්කිකයන් ගැන ඉතාලි අයට තියන විශ්වාශය
නැති වෙල යන එක තමා,මොකද ඉතාලි අය අපේ අය ගැන කතා කරන්නෙ ගොඩක්
පැහැදීමකින් හින්දා,අපි හොද මිනිස්සු කියලා තමා ඒ අය නිතරම කියන්නෙ.

ආයුබෝවන්

2010-04-21T14:34:00.001+02:00

ඔන්න මමත් අද ඉදන් සින්ඩියට ආවා,සතියක් වගෙ කාලයක් තමා සින්ඩියට එන්න ගියෙ,,,මම තාම බ්ලොග් එක හදලත් සති 2 ට වඩා නෑ,බ්ලොග් එක හදන්න තොරතුරු හොය ගත්තෙ සින්ඩියෙන් ම තමා,පොඩ්ඩ පොඩ්ඩ ඉගෙන ගෙන සින්ඩිය හරියට ක්ලාස් එකක් වගෙ,,,ගොඩක් දන්නෙ නැති දෙවල් ඉගෙන ගන්න පුලුවන්,මමත් මගෙ බ්ලොග් එක හිමින් හිමින් මෙතනින්ම ඉගෙන ගෙන කර ගෙන යන්න තම බලපොරොත්තු වෙන්න,ඔයාල සේරමන්ටම ආයුබෝවන්...

බොන්ජෝර්නො

2010-04-14T12:11:00.000+02:00

ඉතාලියේ සිට ලියමි,
අද දින මා අලුත් වැඩක් ආරම්භ කලා, අන්තර්ජාල බ්ලොග් එකක් පටන් ගැනීමට කලක සිට සිතුවද එයට අවස්තාවක් ද වේලවක්ද නොමැති විය,දැනුමක්ද නොමැති විය,ඒ ගැන සොයා බැලීමෙන් පසු මම ඒ ගැන තොරතුරු සොයගෙන මේ බ්ලොග් පි‍ටුව ආරම්භ කලෙමි,,,,,
නමුත් දැන් ඇති ගැටලුව මා මේ පි‍ටුවට කුමක් ඇතුලත් කරන්නේද?
එයට පිලිතුරක් ලෙස මා ද මා මෙන් යුරෝ(කලින් මිල්ලෙ) සොයා ඉතාලිය බලා පැමිනි ලාන්කික සන්ක්‍රමනිකයන්ගේ ජීවතය , එදිනෙදා අප ලබන අත්දැකීම් , අසන්නට ලැබෙන කතා ඉදිරිපත් කිරීමට සිතුවා, ඉතින් අද සිට මා ඒ දේවල් මාගේ බ්ලොග් පි‍ටුවට ඇතුල් කරන්නම්.....
මා මෙහී ලිවීමට බලාපොරොත්තු වන්නෙ ගොඩක්ම මට අසන්නට ලැබුන කතාය...ඉතින් මේ බ්ලොග් පි‍ටුව ඉදිරියට ගෙන යාමට අවසර...